[النمر1012]

أهديك ورده من حديقة فؤادي
عبيرها مرسول حبي والاشواق


واقول لك يادنيتي ياودادي
شوف الشذى في وردتي جاك مشتاق


أشتاق لك في جيتي وفي بعادي
وقلبي هجرني في بعادك وما طاق


سافر لدنياك الجميله ينادي
وين الحبيب اللي له النبض تواق


يحن لك مثل الغريب ويعادي
وقتٍ عصيبٍ حطه بقيد وفراق


يا ما زهمت الحب والشوق غادي
يا ما نصيت الحظ والدمع رقراق


رميت في حبك هموم وعنادي
وزهبت لك من حبي ماراق الاذواق


انت الحبيب اللي له القلب شادي
انت الحبيب اللي له الروح تنساق


أهديك من روحي عبيرٍ وكادي
أهديك من شعري ومن كل مالاق


وبمحي بحبك كل مشهد رمادي
وارسم لك الوان السعاده بالاعماق


أبيك في حلمي رحيل لسهادي
أبيك تمزج بي مشاعر وخفاق


أبيك تشعر بي على كل وادي
أبيك تحيي كل غصوني والاوراق


أبيك تمنحني غلا غير عادي
يجعلني اسطوره ونبراس عشاق

[ذبحني غروركـ]

مانيب شاعر .. بـس صادقـت الاوراق
و أصبحت نجم .. و حزني اللي صنعني

لي معجبين .. و لي مكانه .. و عشـاق
و لي وضعي اللي فيـه ربـي وضعنـي

و رغم اختلاف الناس في بعض الاذواق
انت الوحيـد .. اللـي بغيـت و منعنـي


و انا ادري انك تملك احساس و أخـلاق
أحساسك اللـي مـن عروقـي نزعنـي

وش فيك؟ .. ما تفهم؟.. ترى جٌد مشتااااق
سيف الثوانـي فـي غيابـك .. قطعنـي

[النمر1012]

رسول بوحي سكرته تغري الغيد
لو مازهاك البوح نسقيك ورده
ياصدفةٍ بيضاء كما حزة العيد
فيك الامل عنوان ويطول سرده
يامتعة الصقار في رحلة الصيد
ياعزة الحاكم والايام نده
يافرحة الوبّال في مربَع البيد
يابسمة الضامي ويلقاك عده
ابشربك ساعة ومن دون تحديد
انتي دفى كوني من رياح برده
ابنتظر والحظ لاجابك اسعيد
واعيش بك حاله من ايام جرده

[ذبحني غروركـ]

اتقهوى هَجرهَا واقدع غَلاها
واتعشى من السهر واستر كنيني
ماشغل فكري وطيرّني عداها
ولا جَرح عيني وسيّل مقلتيني
غيرها وما غيرها نطلب رضاها
شف غلاها بين رمشي وبين عيني

[النمر1012]

تدرين وش ودي وانا وسْط قلبك ؟؟
اني اموت ويدفنوني وانا حي !!
ما قول عاشق بس مجنون حبك
يموت ثم يحيا وفي خاطره شي
انتي كنوز الكون محدٍ ظفربك
الاّ انا والحب" ياشيخة الغي"

[ذبحني غروركـ]

كل الحكـي بعـدك طواريـه تنعـاف
حتى وانا بكتب قصيدي .. احاكيك ؟؟!!
قال المثـل ليًـاك تسـرق ولاتخـاف
وانت سرقت الروح من هو يقاضيك ؟
( سيًفتها ) في واردي بنون مع كـاف
رسايل (ن) تاريخها بلمسة ايديـك ~
اسهبت في وصفك وبالغت الأوصـاف
ورغم التحفَظ كنـت ميـت وشاريـك

[الـشـقـاوي]

دنيا عقب فرقاك ضايع " قمرها " ...
وقلبي نسى " نبضه " " ومجرى وريده " ...

وينك " فقيد الروح " وينك " أملها " ؟؟؟
وينك " طعون الشوق " والله شديدة ...

[النمر1012]

حبه بقلبي بينات مواريه
ماينمحي مادامت الروح حيه


لوغاب عن عيني فلاني بناسيه
والله مأنسى أيامناالاوليه


أعيش في ذكراه وأسعدبطاريه
لوهو مجرد طيف يعرض عليه


غيره فلا والله ماني براجيه
عساه ينعم في حياة هنيه


اللي له الخافق يبين خوافيه
يترجم الاحساس ميه بميه


لولاه ماقلت القصيد وقوافيه
ولااشتكيت جروح قلب خفيه