[العنكبوت K]

الله يجازي مـن يسـوي سواتـك ... وبذنوب من سوى سواتك يجازيـك

مشيت درب الثقـل وتحـب ذاتـك ...ماتـدري انـه للمهالـك يـوديـك

غـرك جمالـك ياخسـاره حلاتك ....ماتدري ان ماغير طبعـك يحليـك

بتقـول زينـك يشفـع لسيـآتـك ....الحسن ماهو عن وفا الحب يعفيـك

[نــهــى]

الغايب اللي هيض الشوووق طاريه..
ماقل قدره لو يطول غيابه..
احترت بين اعتب عليه او اراضيه..
اخاف لايجرح رضاه بعتابه..
ياللي تجونه دامني ما أقدر اجيه..
وصوا جنابه لا يطول غيابه..

[وسام عبس]

عقدن يحل وعقد ماهوب محلـول ::::::::::::: تحير من دونـه جميـع الوسايـل
قالم يحل وقلـت ماهـوب معقـول :::::::::::::: الحل والله دونـه اليـاس حايـل
قالو علامك قلت طيـب ومعلـول ::::::::::::::::: مشاكلـن تبغالهـا شـرح طايـل
قالو محبه قلـت حبيـت مجمـول :::::::::::::: الحـب ماعيّـب شيـوخ القبايـل
قالو وش اسمه قلت ذا شي مجهول ::::::::::::::: اما اسكتم ولا علـى مانـي قايـل
قالم تقول وقلـت عـزالله اقـول :::::::::::::: لاواهنـي حايـل بسكـان حايـل
لاوكنت في جون خلا مابه الـزول :::::::::::::::: ترى الخلا طب القلـوب العلايـل

[ألمــــاس]

ياصاحبي الدنيـا حكايـــآت وعلــوم..
قصص عجيـــبه تذهل اللي قراهـــا..
الدنيــا لوتضحك معك دايم الدوم..
خلك فطِيــن ولايهمك رضاهـــا..

[النمر1012]

كل ما ناحت على الغصن الحمامه
نقّضت في داخلي جرح كبير
السلامه وين هي بس السلامه
دام ما باقي من الذود البعير
ما سمعنا شخص يغزي بإبتسامه
وينهب الدنيا وهو غروٍ صغير
ما وصلنا للخطر قبله علامه
ولا وصلنا قبل ينهبنا نذير
يوم رمش العين أغرتنا سهامه
مثل ما يغري من الورد العبير
غشنا المعسول في بادي كلامه
ما تخيلنا يصير اللي يصير
ما درينا آخر العشق الندامه
لين حبينا وسلمنا المصير

[ألمــــاس]

لو .. / قلتَ أداًوْيَ .. جُرحي اللي تباطاك !
... ... ... ... ... ... ... ... ماكل ( جُرح ) ، يفييد فييه .. الضمًادي !

[النمر1012]

يا طيّب القلب قس القلب يا طيّب
ما دام دنياك ما تستاهل الطيبه
ما ينفع تعيش وسط العالم حبيّب
والكل بالخبث تتنوّع أساليبه
ناسٍ على الطيب وصافي النيّه تعيّب
ما هي على الطيب متعوده على الخيبه
يا كثر هالناس ما في ظنّك تخيّب
وأنت الذي كان ظنّك ما بهم عيبه
ما عندهم حسن ظن الكل متهيّب
الكل سبّق مبادي الشك والريبه
لو تفتش قلوبهم من خبثها تشيّب
وأنت الذي قبل تعرفهم ولا شيبه

[ألمــــاس]

^

نووووورت يآلنمر

//

أصعـب مراحل [ شقـاك و قسوة ألآمك ]


لا صار حـزنك معـك حالة طبيعيه ..!


ولا قمت بـ ( شويش ) تتنازل عن أحلامك


وترضيك .. حاجات ما هي ذات أهميه ..!