[سعد بن عادي]

لابد ما أرجع .. وانتواجه على خير
( هذي الحقيقه لابغيتي الحقيقه )
لولا الظروف .. ومايلات المقادير
ماغبت والله عن عيونك دقيقه

[سعد بن عادي]

اثر بعض النوايا البيض ..سودا
ولو كحّل طرفها حسن سيره !

[سعد بن عادي]

قصّـه لها دمـعي بعيـني تـداما
فيها الحزن والشعر لا ضقت راقـو

"قلبي وهي" اثنـين عاشـوا يتـاما
حبـوا بعـض لكنـّهـم ما تلاقـو

[سعد بن عادي]

بعض النفوس من الحزن تشره على بعض النفوس
غير النفوس نفوس لاتشبع ولاهي ترتوي
ياليت هالعالم سوى فالحزن حتى ماندوس
على مشاعر غيرنا وقلوبنا ماتنكوي

[سعد بن عادي]

سويـت فيهـا سيّـد العـرّافـه
وعرّضت راسك حذفـة الحذّافـه
ياليـت تفكيـرك مثـل تفكيـري
واقول : رجل ويحتمي ميقافـه !!
مانيب يمّك !! والخبيـث الناقـص
يشوف شـيٍ ماحـدٍ قـد شافـه
لكـنّ طبـع العالـم الملقـوفـه
موسوسه .. متّعقّـده .. خوّافـه
ابـو خطايـا مايعـرف القصّـه
وفضـح خفايـاه الكـلام التّافـه
مير أسترح ياثور جنب صحيبـك
لاصارت وصوفك (كوبي) لأوصافه
وحاول تشيل الأرض فوق قرونك
والاّ تغرف البحـر بالمغرافـه !!

[سعد بن عادي]

إذا بغيت تميّز المبدع ..على كل إتجاه
حاول تركز بس في عقلية اللي يمدحه

[سعد بن عادي]

يالطيف الرّوح لا تخلـف علـيّ النيّـه
ولاتعاتبني على صدّي وطـول غيابـي
جيت لك مشتاق و اقبلني على مافيّـه
لا تخلّيني كذا يا اغلى واعـزّ احبابـي
أنت ما انت ابغالي اغلى من حباب عنيّه
والله انّك منّي اقرب مـن زرار اثيابـي

[سعد بن عادي]

مريت بيته ..واستحيت ألتفت لْـه
معقول بعد أربع سنين إعرفنـي ؟!
مريت بيته ..والجروح أهتفت لْـه
تقول:شفني بعـد غيبتـك شفنـي
يااما تحت حدب الضلوع انزفت لْه
ويامااا سهرت.ومنبت الشوك جفني