[سعد بن عادي]

ياصاحبي خذها نصيحة وانـا حـيّ
قناعتـي ماهـي مجـرّد قناعـات

من لايشوفك (شي) شوفه و(لا شي)
واقـرا عليـه الفاتحـة والتحيـات

[سعد بن عادي]

ترجّعني خطاوي شوقي الزايد على المحبوب
ولا ادري غير انا واقف على بابه واهليبـه

[سعد بن عادي]

العالم اعمارها فيها صغيـر وكبيـر
والانفس الله هو اللي يعلم اسرارهـا

لكن انا شاعر وعندي حساس وضمير
اخاطب عقولها ما خاطـب اعمارهـا

[سعد بن عادي]

هـــــــلا بــأغــلـــى مـــنــــادي لــلــغـــرام وســـيّــــد الأحـــبــــاب
زهـمـنــي واصــبــح لـحـالــه فــــي قـلـبــي ســيّـــد وبــاشـــه


أدوّر مــــن كـــــلام الــحـــب لـعـيـونــه مـــــا لـــــذّ وطـــــاب
وأسـوقــه مـــن مـشـاعـر صـادقــه مـاهـيــب غـشـاشــه


يـبـادلــنــي وابـــادلــــه الـــمــــودّه مـــــــن غـــــــلا واعـــجــــاب
صـحــيــح ان الـمـحـبــه فـــــي قــلـــوب الـــنـــاس نــبــاشــه


ليـا قـال انـت شاعـر قلـت وأشعـر بأنـك الاسبـاب
وسلهم لي خجل واطلق من رموش الحيا ارماشه

[سعد بن عادي]

الحب له قيمـه وقـدر وحشيمـه
ولا زال بين الأب .. والأم .. والأخ
والعشق له لذه وهـزه عظيمـه
يخلي الرجال يمشـي بـلا مـخ

[سعد بن عادي]

الله يحييـك .. فـي قلب ٍ يهلّي بـك ..
اقـلط / تفضـل / هلا ياسيّد أحبـابي ..
من فرحتي فيك مدري ويش اسوّي بك ..
ودي أشيلك .. وأضمّـك داخل اهـدابي ..
وشلون ما اموت فيك ! وفي عذاريبك .. !
وفي حبك أصير مجرم حرب وارهابي .. !
وانــا جروحي من البـارح تغني بك ..
تعــاااال .. والا زمان الغيبه اولّى بي ..
يـاصعب يـوم ٍ يمّـر ولايجيني بـك ..
ويـاطول ليل ٍ يذّكـرني بـ غيّــابي ..
لـو انت تدري بـ قلبي ويـش ترتيبك ..
مـا أظن تقدر تغيب .. وتحرق اعصابي ..
تبي الصراحه / قصيد ٍ مـا يماري بـك ..
مـاهو قصيدي .. ولايستـاهل اعجابي ..

[سعد بن عادي]

,
(المثل قال مال الحمله الا جملها)
والجمل قال مال الحمله الا التريله
والحموله ثقيله لكن اللي حملهـا
منكبً مايشيل الا الحمول الثقيلـه

[سعد بن عادي]

ماكل بذرن يبا يطلـع علـى مبـذره
وقد قالو البدو (جمر النار عقب رماد)
ولاصرت جمال واعد فالطريق اعشـره
ولاصرت مجروح لا تجرح اكبود العباد
والناس ماترمي الا الشجـره المثمـره
ماترمي الشجره اللي قد رعاها الجـراد
ومن لا يقلط يمينـه لا يـدق انحـره
هذا الكلام الوكاد ان كان تبغى الوكاد