[سعد بن عادي]

وش عاد تبغي؟؟..قلب والسان شاعر
الا عيوني خلّهـا لجـل اشوفـك!!
تثبت لك الايـام صـدق المشاعـر
وتشوف وسط القلب نقشة حروفك!!

[سعد بن عادي]

الحب مدري هو قوي؟! .. ولاّ أنا قلبي ضعيف!؟
بس الوكاد ان الهوى أصبح على قلبي قوي ..
إن رحت عني صارت اعيوني كما اعيون الكفيف
وان جيتني قلت آه ليتي من سوالفك ارتوي ..

[سعد بن عادي]

ياجعل تبطي حي.. انا ماني من ضعاف النفوس
اللي تضيـع نفوسهـا مابيـن بيـع ومشتـرا
انا خذيت من الزمان دروس واتقنت الـدروس
في كل يوم اشوف روحي طالعٍ طلعـة كـرا
لكن سلم لي .. على الافكار ياراع الهجـوس
نعطيك مهلـه عـام كامـل عقبهـا رد البـرا

[سعد بن عادي]

[سعد بن عادي]

هنا وسط قلبي تنتهي رحلتك بالذات
يارمز الهوى والحب والطيب والعفّه

[سعد بن عادي]

مبطي وأنا لا أشتقت له .. بالخفا قلت
ليته يجي .. ويشوفني في غيابه !

[سعد بن عادي]

اللي سواليفه مثـل ريحـة المسـك
الكلمـه اليـا قالـهـا يحتميـهـا
يا صاحبي دام المراجـل تنومسـك
ترى فعـول الطيـب منهـا وفيهـا
مادام عين مكوّن الكـون تحرسـك
احذر ليا جتـك المشاكـل ..تجيهـا
وان كان بعض الناس بالهرج يلمسك
قله.. ترى الكلمه على مـا يليهـا
احفظ علومك يابن الاجواد في دسـك
وخل الزمن ياكل ويشـرب عليهـا

[سعد بن عادي]

أفرد لي ايديك وأحظنّي على شـان أروووق
تراني أشعـر مـن الدنيـا بضيقـة صـدر
دام اللقا ( كنز ) وذراع الليالي ( سـروق )
لو نظمن ( الحب ) يبقى ماظمنّا ( القدر ) !!
أنا معي حظ لا من قلّـت لـه فـوق فـوق
من كثر سوّه يحسب ان فوق تنزل حـدر !!