[سعد بن عادي]

لاوالله الا زعلت وضقت بالمرّة
وأعلنت للحب مالي فيك ميقافـي
ماكل مرة تطيح وتسلـم الجـرّة
ولاعاد تفرق معي جفواك ياجافي

[سعد بن عادي]

ودّعت خلان الرخـا والسوالـف
واخترت صدي وانعزالي عن الناس
قلبت مفهـوم التحالـف تخالـف
وغيرت ترتيب الاسامي والاجناس

[سعد بن عادي]

تحصل على الراحه بتقديم الاتعاب
مافيه شئٍ وانت مرتـاح ياتيـك
ان كان ماجاهدت في بذل الاسباب
محدٍ يجيك يحب خشمك ويعطيك

[سعد بن عادي]

يا قـوْ صكـات المقاديـر .. قـوّاه
ويا ضعف من لا يحتسبها .. على الله
دام الزمن مبداه .. في جنب مثـواه
يغنيك عن ثلثين مـا فيـه .. كلّـه!

[سعد بن عادي]

بانت الشمس واللي ماصحـا ماصحـا
والله اللي درى عمّا تكن الصـدور
من ضحا لاعشا ومـن العشـا لاضحـا
وانت جالس على كيسك تلف وتدور
كان قصدك تعذرب مطلقين اللحـا
اللحـا ماتزيـد وجيهنـا غيـر نـور
وانت خلك على درب الزلق ياجحـا
دام هذاه تفكيرك تـراك معثـور

[سعد بن عادي]

شي بصدري لي زمان مخبيّه
ودي اقولة بس وشلون اقوله

أخاف لاجيت اتكلـم وأبديـّه
يفهم على مفهوم ماهو بحوله

[سعد بن عادي]

كم واحد ٍ غضيت من دونه الطـرف
ازرى جمالـه لايحـرك شـعـوري
الا انت ماخليـت عنّـك ولا حـرف
وازريت لا ارضي من جمالك غروري

[سعد بن عادي]

دايم عيون المسافر لانوت بالرحيل
تلّـد فالـدار وتـودّع محبيّنهـا
وفرقا الاحبّه صعيب ولا لمثله مثيل
الله لاينصـر الفرقـا ولادينهـا.!