[سالم الرشيدي]

ياعين وش حدك على سهرة الليل * لاصار مابه غايبن ترتجينه

مافي السهر ياعين كود الغرابيل * عزي لمنهو تسهر الليل عينه

لو تذرفين الدمع مثل الهماليل * والله ما يحصلك الي تبينه

حتى الوليف الي تحبين بالحيل * اللي حرمك الليل ماترقدينه

لو كان تعطينه عطايا كما السيل * بكره يجيك وخاليـاتن يدينه

[بنت العبسي]

أخوض ُ الليل في سهدٍ وقومُُ طاب مرقدهم
فأي الدهرُ أبكاني وكيفَ الدهر ِ أسعدهم
لأجل ِ العين ِ تبكيهم فأجفاني تناشدهم
يغيثوها من الدمع ِ أليس َ الدمع ِ موردهم

[بشير العايضي]

لبيــه لو تطلـب من أنفاســي أنفاس ..
بـ * الورد * أغلف غالـي العمــر وأهديــك ..
فـــدوه ..
لعينـــــك ..
يا بعــد كل هالناس ..
يا بعــــد هالعالـــم و هــذي و هــذيـك ..
انت الوفـــا ..
و انت الصفـــــــا ..
وانت الاحســـــاس ..
وانت الــذي داخـل عيونــي أداريـــك .

[بنت العبسي]

انا على قربك شفوق وبرجيك
رجوى أملها بالوصال امعروفك

يا روح روحي بالغلى كله أعنيك
ياللي تشوق العين حالي وصوفك

[بشير العايضي]

ياعل قلب ماشكا الحب والتاع
تنهار من فوقه محاني ضلوعه
ياما نهيت القلب لاشك ماطاع
ماطاع يدله والليالي تلوعه
أثر المولع دمعته تجرح القاع
وإليا ذكر مافات هلت دموعه

[بنت العبسي]

لا والذي صورك مالاق للعين
غيرك ولاسوي بي احدٍ سواتك

انت الذي حطيت بالجوف رمحين
رمح العيون ورمح وردي شفاتك

[عبدالعزيزالعويمري]

على مين تلعبها ’’ على مين يابن الناس
عيوني تعذبها ’’ ولاترحم الإحساس

[مرتاح الضمير]

قلبي خذاني عن طرف
وقال المفارق مستحيل ..


عبدالله الراشد