[سعد بن عادي]

كان عندك يا اجمل الناس لامنّك حكيت
كلمـةٍ تبري جروحي طلبتك هاتها

[سعد بن عادي]

تدرين وش سوّت بي [ آخر رساله ]
خلتني أذرف غالي الدمع و ( أنوح )

وأبكي على حبٍ سحرني ( وصاله )
حتى سكن بين ( الشرايين ) و ( الروح )

[سعد بن عادي]

لو .. الأماني تفيد اللي تمناها
ماقلت أبـ أكتب قصيده قلت : ابـشوفك
لإن القصايد ليا منّا .. كتبناها
ماهي قصائد وهي ماضمّت وصوفك !

[سعد بن عادي]

ماعاد باقٍ للكلام اللي سكن قلبي ؛ عذر
الاّ أنّ :
قلبك لي ( وطن )
وآنا بـ، هالدنيا .. [ غريب ]

[سعد بن عادي]

مـــايـــظـــل ويـــتـــبـــع بـــلـــيــــس الــلــعـــيـــن
غـيـر شـخـص فـيــه ســـت مـــن الـصـفـات
قـــل عـــرف .. وقـــل عـلــم .. وقـــل ديـــن
وقل خوف .. وضعف نفس .. وخبث ذات

[سعد بن عادي]

هـلا والليـل هـودج يستـر العشـاق ديـجـوره
هلا باللي لفاني من بعيـد وفـي يـده قنديـل
كـمـا بــدرٍ تلـثـم بالسـحـاب ولا حـجـب نــوره
ونسناس النسيم ارخى لثامه وابعد المنديل

[سعد بن عادي]

كبرت الشرهات والموقف تطوّر
بينـي وبينـه وحـرب اللـوم ثـارت
قال لي : تكفـى ترفـق لا تهـوّر
مايصير وقلت : لا بالله صارت

[سعد بن عادي]

قلبـي علـى شـوف المحبيـن ملهـوف
لـهـفــة رضــيــعٍ فــاقــدٍ شــوفــة امّـــــه
ماتت وهو في بطنهـا داخـل الجـوف
ودّه لــو انّــه ضـمّــه الـصــدر ضـمّــه
ماكـان جالـه فالـزمـن هــمّ وحـسـوف
بـيـنــه وبــيــن الــهــمّ ضــمّـــه ولــمّـــه
او لهفة اللي عاش في ديرة الخوف
مــن دون داره عــاش مـهــدور دّمـــه
قالـوا تـفـادي بالعـمـر وانــت مكـلـوف
البس حـزام المـوت .. عنـدك مهمّـه
كانك على جنّـة هـل الخلـد مشغـوف
فجّـر .. مـدام المسـك منهـا تشـمّـه!
غـــرَه فـتــاوي جـاهــلٍ غـيــر مـعــروف
يبغـى الشـهـاده مـيـر جــاب المطـمّـه
يوم انكشف له واقـع العلـم بالشـوف
مــن حــر مـابـه غــرق الـدمــع كـمّــه