[سعد بن عادي]

طفولتي / مرّت بهاذيل واتعاب
لكّن ليه اندم على شي فايت
ناس ٍ طفولتهم تلفزون والعاب
وناس ٍ طفولتهم على سطح وايت

[سعد بن عادي]

الجماله بعض الامرار .؟ ما تحسب جميل
اليدين تسوقهـا . واللسـان يحوسهـا

[سعد بن عادي]

هـو قلبـي اللـي بكـى ولا عيونـي بكـت !!
والله مـدري .. !! ولـكـن مــا تمنيتـهـا
صديـت خايـف أبيّـن ضعـف نفـسٍ شكـت
وتطيح .. !! من بعد مـا هـي ذايـعٍ صيتهـا
سكت .. !! وقلبي يسولف بالوجـع مـا سكـت
يعنـي كـذا .. بيّنـت مـن راس منشيتهـا !!
الضيقـه اللـي علـى صـدري وقلبـي ركـت
جتنـي هـي البارحـه مـدري أنـا جيتـهـا
لا شفت يا صاحبي نفسـي مـن الهـم شكـت
لـد النظـر وسـوّ نفسـك مــا توحيتـهـا
ولا تنقـد الدمعـه اللـي فـوق خـدي حكـت
قطره .. !! ووسط البحر ... من ضيق صبيتها !!

[سعد بن عادي]

اترك كلام الحب سولف لي عن احساس العيون
هي مثل عيني لا ضمت شوفك تبين افموقها ؟
اي والله اني اعشقك واموت بك حتى الجنون
مجنونآ بك والقصيده واضحٍ منطوقها
لو قلت لك يغلا البشر أمون ولاّ وما أمون؟
مشاعري لا جات لك بانت عليك احقوقها

[سعد بن عادي]

مـن كثـر تركـيـزي بوصـفـك بشـعـري
قامـت تشكّـل مـن حـروفـي ملامـحْـك
ياخي كذا حسيت في شيّ..مدري!!
بغيـت امـدّ ايـدي علشـان اصافـحْـك

[سعد بن عادي]

الحب قاسي مير يسلـم راسـه
على قلوب العاشقيـن يمونـي
مشاعري من سبّتـه حساّسـه
أدناة ما حـرّك علـيّ شجونـي
أتبع رجاه إليـا طوانـي ياسـه
هو راعي المنّه وأنا الممنونـي
وراع الهوى متميّز(ن) عن ناسه
تلقاه لا صاحي .. ولا مجنونـي
ما غير يسبح في بحر هوجاسه
صدره يغيض وخاطره مشحوني
دايـم يكافـح علّتـه وأوناسـه
ويدري علاجه ماهو بمضمونـي
الشوق يآخذني علـى مرواسـه
وآخذ من لحونه وأجرّ لحونـي
يا أم العيـون الخـدّر النعّاسـه
صحّي عيونك .. لا تنام عيونـي
لا سلهمت قلبي تـدقّ أجراسـه
ولا عاد أميّز بعدها وش لونـي
أزريّت أسجّل لك على الكراسـه
ما بان لي من سرّها المدفونـي
تصعب عليّه يا بريـق الماسـه
حتى لو أنّي شاعر المليونـي !!

[سعد بن عادي]

ذبحها الرجيم وصابها قرحه .. وقولون
وانا ما علي منها .. ولا من رشاقتهـا
ابي قلبها الطاهر .. لو تحطّه بكرتون
ما ابيها تحمّل حاجةٍ .. فوق طاقتهـا!

[سعد بن عادي]

على بعد الطريق وضيقة الخاطروسقم الكسر
تعبت و لا بقى فـي داخلي صبرٍ يقدّينـي

أحبك والسنين أقسى من الغربة ورمح العسر
ومهما طالتْ الطرقـة يجي لك يوم تلقينـي

انا ماأنكر غرامك / والمحبّة لو بنتْ لك جسر
اخاف ان المنايـا تهْدمـه ما بينك و بينـي

تعلمنا من الدنيـا بعد عسـر الليالي يسـر
تضيق وتنّفرج واللي بقى منها العناويني

مادام ان الخفوق اللي يجلّك في لقانا خسر
خلاص ارحـل فمان الله يا جـرح ٍ معنينـي