[سعد بن عادي]

مافيه أقسى ! من جروح الهوى .. والحبيب
والحب وادي سحيق ، وويل من طاح به
وما كلّ جرح أتمنى له ، يخفّ ، ويطيب
كم جرح ! ودي يطول ،، من غلا صاحبه

[سعد بن عادي]

أنت ما نِلحقك شرهه يا أبو خوّت إسبوع

وخابرين إن ما ورا عِرف شرواك إثمره

الرخامه عدّة أنواع .. مير أخسّ نوع

واحدن يخسر خويّه لأجل يكسب مره

[سعد بن عادي]

اتـــــــــــــــــردد لــــلــــمــــكـــــان الــــــــلـــــــــي تــــــــواجـــــــــد فــــــــيـــــــــه دايــــــــــــــــــم
لـــيـــه ؟ مــــــدري ..بــــــس حـــاولــــت اكــتــشـــف لـــيــــه اتـــــــردد ؟
قلت ..مغرم .. قلت عاشق .. قلت هاوي.. قلت هايم
واكــتـــشـــفـــت ان لـــــلامــــــور الاربــــــعــــــه .. مــــعــــنــــى مــــــحــــــدد
انـــــــــت مـــــــــن تــــمـــــلا الـــضـــلـــوع وشـــوقـــهــــا قـــــاعـــــد وقـــــايـــــم
عـــــنـــــدك افـــــراحـــــي تــــــــــدوم .. وعـــــنـــــدك احـــــزانـــــي تـــــبـــــدد

[سعد بن عادي]

مع كل صباح ..
أبعث برسالتين الى روحك ..
الأولى مفادها :
أن اليوم أجمل من الأمس ..
والثانية مفادها :
أن الأمس حفظ في خزينة ( الذكرى ) ..
لذا من كان التفاؤل ( قوته ) لن يجوع .. !!

[سعد بن عادي]

حرار الافكار تسري بالرسن والقياد
تمشي لها ليل ولا ليال تجري جري !

ترعى همومي ،وتجفل من عيون الجراد
وتنحاش عن سوره ، وقولي لها : استسوري !

مالومها دام عاشت في حدود البلاد
اللي تغبن الحقود وتفضح المفتري !

لو نكس اعلامها غيبة نقيض السواد
مالومها لو بقت طول العمر تحتري !

تشب نار الفرح وتروح ناره رماد
لا اجرم غيابه وعود من حضوره بري

شاعر وتطرب من بيوته هجوس الجماد
لو ماتاخر وجوده ، همّش البحتري

وقبل الشعر طيّب وهقوات نفسه بعاد
مايقرب العيب ، لكن ف المراجل جري !

صافي ولو زاودوا ف الطيب بالطيب زاد
رصيد عزمه يبدد طمعة المشتري !

يالمرجله بلغي من عاش وسط البلاد
طول غياب المواطن : سعد الرشيدي !

[سعد بن عادي]

فضفضـي ، والجـرح فـي ذمّــة دواه

كلـنـا يـدفـع عـلـى جـراحــه .. ثـمــن

كل مااسمع منـك آه .. اقـول : آه

آه مـنــك ، وآه مـــن غـــدر الــزمــن

بس ، لو ينشد هوانا .. عن هواه

الـجـواب الضـايـع ، نــردّه لـ/ مـــن!

للـثـرى ، ولاّ الـسـمـا ، ولاّ الـحـيـاه!

والـــــــدوا ، فــالــشـــام ولاّ فـالــيــمــن!

[سعد بن عادي]

بيض النوايا في قلـوب أهـل الجمالـة لاتـزال
والنـاس طيبهـا يضـدة بالـكـلام أحثالـهـا
وأنا على سلم الرجـال اللـي يعـزون الرجـال
لادارة أرحـاة الحـيـاة أقفايـهـا وأقبالـهـا
والحاسد اللي يحسب النمـات تثّـر فـي طـلال
قولو له أن المرجلـة قلبـي شـرب فنجالهـا
يمناي تملي مسندي ... والراس لامن قال طـال
واللي سواتـي يـوزن الهرجـه ليامـن قالهـا
وراع المثل قد قال ... ( لاتفرح ليا هب الشمال )
(( والجمره اللي تحـرق الكفيـن لاتشتالهـا ))
ترى الرجال اللـي تسمـى بالزحازيـح الجبـال
اللي تطول ... المجد ... والعليا... وهي بالحالها
أهل العلوم الغانمة ... ترقى على روس الطـوال
وأهل العلوم الخايبة... لو هي تمـوت أشوالهـا

[سعد بن عادي]

منفوحـه تطـورت ناضـر مبانيهـا
والشعر بالعالم الثانـي علـى ماهـو
ياراكب اللي لا عاد اسمع مغنيهـا
فيه اختراع اسمه الهت ميل والياهـو