[سعد بن عادي]

تبغى تغلى عليّ وتطـري الفرقـا
قاطعتها.. قلت :وش رايك نجربها؟
علمي بها ضايقه ..وعيونها غرقا
عزالله اني يابـو خالـد مخربهـا

[سعد بن عادي]

ضع فـ الكلام الصلف ، نبضات وإحساس
خله يجي له رونـق / آحن وآرقّ !
ماكل [ كلمة حق ] .. تنقال للناس !
أكثر جروح الناس .. من [ كلمة الحق ] !

[سعد بن عادي]

كنت اقول وكنت اقول ولاسمعـت
وانتهى قولي ورحت اسحب خطاي

وانت تدري قبل هذي ..ماتبعت !
احد غيرك... واعترف هذا خطاي

[سعد بن عادي]

الحلم يكبـر براسـي والهقـاوي بعيـد
وانا طموحي طموح اللـي بعيـد ٍ مـداه
لي حلم ابا حققه مدري متـى الله يريـد
يطري على خاطري حتى وانا فالصـلاه
ابعد من الجدي واقرب من حبال الوريـد
واسهل من النطق واثقل من جبال السراه

[سعد بن عادي]

تعالي مثل هـ( الطفله ) وانا مثل ( البحر ) بآجيك
تسابـقـنـي لـــك الـمـوجـه عـلــى حـضـنــك ويـدّيـنــك!
تعـالـي واغـرقـي فيـنـي ، انــا بأسـكـب زراقـــي فـيــك
اليـن أحـس بأنـي صــرت حـاجـه ضـمـن تكويـنـك!!

[سعد بن عادي]

إن كان قصدك تثير الشوق بي فـ الغياب
ابك انت حتى لو إنك جنبي أشتاق لك !!

[سعد بن عادي]

وش عاد .. تبغى ! يا حبيب الروح من خلّك مادام
الروح لك ، والعمر لك ، والقلب لك ، والوقت لك !
لا عاد تبطي والبطا ! من بيني وبينك حرام
مليت أكرر لك واقول : ( إشتقت لك .. وإشتقت لك )

[سعد بن عادي]

ما في يدي غير قلب ٍ فيه شوق وميول !
وإن كان لك فيه حاجة ! ماني بـذاخرة


ياكم تمنيـت أجيك بكل ليلة ، وأقـول :
أحبك ، آحبك ، أحبك ..، إلى آخــرة !