[النمر1012]

المراجل يامحمد تبي وسعة صدر
ماتبي رجل(ن) على طول لاعبّا يثور


اقمع النفس الضعيفه وراقب وانتظر
واعرف ان الكايده تنكسر عند الصبور


انثر القوه على الحلم يصبح لك قدر
لاتفكك ذيّ عن ذيّ تدخل فــ امحظور


مهب معنى ذا توطّي ارقبتك للبشر
عز نفسك لاتولّي فــ الملاقا دبور


لويزيد الوقت جوره وحظك ينصهر
لاتحطم / رد / حاول / وخطط للعبور


ضيّر الصعبه على السهله وخلّك حذر
لاتماري بانتصارك ويذبحك الغرور


لازم انك اتحشم عمرك عن الوجه الودر
واللسان حصان لاطاش يلحق بك قصور


مد يمناك لرفيقك الى جا يعتذر
واكسبه في قولة انك امسامح وامعذور


قدّم الجزله على اللي يخالطها قشر
في المجالس فل دايم احجاجك للحضور


بالك تواجه عسر في لين .. و لين بعسر
انتصفها خل ميلتك تذكرة المرور


لاتحاقر أي كلمه لو انها من بزر
مايحكم الهرج أيام وسنين وشهور


لاتخطّم لاتحاكى عليه .. وتنفجر
اتركه لين يتكلم وعقّب في سرور


لايغط النوم عينك مع فرض الفجر
واطلب الله جعل ياقاك صكات القبور


لاتباسى في صلاتك على ان دينك يسر
الولي متوعّد اللي قضى فاسق فجور


افتح المجلس ولحّن على صوت النجر
اغد ملفى للمشاكيل وعيال الصقور


كرّم الطّرقي الى جاك تعبان وسدر
قل تقهوى ثم تعشى وهات اله البخور


خل صيتك يقهر البخل ويعز الفقر
خل من صرّ الدنانير أعصابه تفور


فوق هذا ياكحيلان خلّك تدّهر
مع قصيرك لاتردد بتضبيط الأمور


لنشغل عنّك تمرّه وتنشده الخبر
ياعسى ماشر علامك ياغايب ماتزور


ان تضايق يوم فرّج عليه امن الكدر
وقّف بحالك ومالك وصامل ماتبور


والوصل في والدينك مثل غصن الشجر
لونه أبطى مارويته بيذبل ياامعثور


ان جحدت احسانهم يوم تندم لك دهر
والليالي لازم انها على الظالم تدور


والجناحين احرص انها تعيب وتنكسر
مايهد الطير من غيرها لونه جسور


الأخو لوّك بتهديه من عمرك عمر
ماتوفّي .. لنه لك لبّ ولغيرك قشور


خذ وأنا عمّك كلامي نصيحه واعتبر
مايخسر (ونعم) رجّال في الشدّه صبور

[عنقود البدو]

فقدتك يااعز الناس فقدت الحب والطيبه
وانا من لي في هالدنيا سواك ان طالت الغيبه
رحلت ومن بقى وياي يحس بضحكتي وبكاي
وحتى الجرح في بعدك يغزيني واهلي به

[عنقود البدو]

أنـــا يـــوم ابـتــدا خـوفــي رجـيــت الله وانــــا أســجــد
يـزيــح الــهــم وظــروفــي يـحـولـهـا فــــرح ســرمــد

[غزلآن]

مدري انا ياناس والله ..ويني
......................بس الأكيد إني بحالة كسافه


كن الحزن ..رحب بدمعة حنيني
.......................ملعون أبو جده وذيك الضيافه


ياناس.. ياعالم .. وياسامعيني
......................عندي طلب إن كان مابه كلافه


ابي بشر ..هالحين يقدر يجيني
....................ياخذ معاه الضيق لأبعد مسافه

[الماجدالذيابي]

عصون الراك الموضوع رائع جدااااااااااااااااااااااااااااااااااااااااا
تقولي حاول بمسك الهوي والهبوب واعرف ان مسكي اصعب من هواه وهبوبه
هذاقلبي خذا منه صاحبي نصف كوب اجل وشلون لو مداه وكمل القلب كوبه

[غزلآن]

تـحـدنـي الـدنـيـا عـلـى غـيـر مـا ود
و اطـيـعـهـا لاشـكـ.. مـاهـو بـودي..

أمـشـيٍ بـدربٍ بـايـن بـآآخـره سـد
واقـول يـاربـي عـسـااانـي اعـدّي..!

[النايفه الوفيه]

جـــــــاني خـــــــبر وهــــــز القـلب ودقــاته

................ يوم قالوا حبيبك مـات والحق صلاتــــــــــــه

رحت ودعيت بصــــــدق وانا بصــــــــلاتـــــه

................ عسى الله يغفر بدعواي مــاضي حياتــــــه

رفــــعــــت الـنعش وعلـى كتـفــي ثباتــــــه

................ وكل همـي الفـــــردوس تصبــح جـزاتــــــه

انحنيت عند قبره على ركبتــــي من غــلاته

................ وبكيت والناس يقولون من يسوي سواتـــــه

مادروا ان حبيبي تحت التراب اصبـح مباتـــه

................ وحبيبه فـــــــوق التـــراب تتـثاقل خطاتـــه

[رسام]

مشكوره اختي على الموضوع الرائع
وهذي البيتين الاول
عمـــر الزمــن ماحقق بخـــاطري شــي.......................عســـى العـــوض العـــوض في مقبـــلات الليــالـــي

البيت الثـــاني...

ياللـــه عســـى درب السنع بالمقــابيــل ....................والا اللــــيالي اللي مضت جرهــــديــــه

وشكـــرا.....