ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
لو تدّعي أن العدم شي موجود
اصلاً وجوده صار سرّ انعدامه ..!! نطاق فكر الذنب ضيق ومحدود مايعرف ان اصل السراط استقامه ..!! الكبر مهما يزود مايعتبر زود صغير في عين التواضع مقامه ..!! قليل من يزرع وفاء يجني ورود هذا الزمن اغلب حصاده ندامه |
|
|
لاتنزعج من ضم الاهداب ترتاب
اجلس تربع يالغلا ... لايهمك وان شفت مجلاسك بالاجفان ماطاب لك مجلسٍٍ في وسط قلبي يلمك فيه المشاعر شوحت لك بترحاب تركض فرح صوبك تجيك وتخمك ليتك تعرف شلون تغليك بأسهاب والله ازود من غلا احساس امك كله محبة قلب مشتاق الاحباب ابطى عطش محروم من فيض جمك |
|
|
كل أرضٍ تشيلك يا ثقيل الحمول
وكل وقتٍ كريمٍ بالرضا والزعل وين مارحت تلقى لك حبيب وعذول وين ما كنت تلقى مثل ياسك..أمل ياطريق الترجي والوله والنحول والله إني مشيتك... لين حد الثمل مالقيت فوصولي لغير قبري وصول ولا عرفت فحياتي مثل عرفي الجهل لا تظن المسافر من يسوق الرحول من وقف دون حلمه عاجزٍ ما رحل وما لمخلوق منجا في الحذر والجفول ما تصيب السهام ولا يطيش الاجل الليالي خوات.. مير منهي البتول والحوادث عشاير مير وين الفحل ليلةٍ لك .. وليله بالفرح ما تطول وليلةٍ من شهدها ذب راس الجبل أتذكّر في عين الشمس طفلٍ خجول شالته في هدبها وقت لين إشتعل أعجب الناس وهجه بالجدل والفضول ما دروا عن (جمال الجرح) لين إندمل والله اني كتبته في العطش * * * * * * * * * * * * * * * * * * *والذبول لين غصنه تعدل بالورق وإعتدل والله إني كتبته لين قال الجهول والله إني كتبته وانتشى واحتفل ما أتفه الشعر كانه هالحكي اللي نقول لا تعدى المديح ولا تعدى الغزل إن لثمت الزهور وصاحبتني الحقول ماهقيت ان صافي الشهد عيب النحل مابقى في ضلوعي كود ريح معمول وثوب شاشٍ عليه من الندامه وحل ألتفت للطريق وما عبر منه زول في جفوني تزاحم عبرتي والوجل طلت يالعمر والا قلعتك لا تطول طاولتنا الليالي بالسهر والملل إن تعبنا نحب ولا لقينا قبول ما تسر الاماني .. ولا يفيد العذل لكن .. الله كريم وكل همٍ يزول ما على الله بعيد .. ولا جفاك المحل كل أرضٍ تشيلك .. يا ثقيل الحمول وكل وقتٍ كريمٍ بالرضا والزعل |
|
|
ياطير لاجيته امانه تراعيه
وسلم عليه وقله الطير ماصاد ياطيري انت العيد والعيد يكفيه انه يعود بكل عامٍ للاجواد واسمع ترا ياعيد ابغى اهنيه عيده سعيد وجعل اعوامه اتعاد ينعاد عيدك ياغلا العيد واثنيه وانتي بخير وكل اعوامك اعياد |
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| ذكريات في حائل | الاجهر | منتدى الصوروالفيديو والسفر والسياحه | 21 | 02-02-2013 02:20 AM |
| ذكريات .. على شاطي بحر الغرام !!! | عبدالله المظهور | منتدى الشـــعــــر | 24 | 25-02-2012 02:07 PM |
| ذكريات | ابو راشد العبسي | منتدى الشـــعــــر | 6 | 26-01-2012 10:06 PM |
| ذكريات حزينه | poet | منتدى الشـــعــــر | 1 | 31-12-2008 01:06 AM |
| ذكريات مراهقة....... | يوسف العبسي | المنتدى العــــــــــــــــام | 5 | 11-11-2007 01:51 PM |
الساعة الآن +4: 12:38 PM.
جميع الحقوق محفوظة شبكة بني عبس
