[حمامة عربية]

ماشاء الله.

[داعس]

انا اشهد إنه حد قلبي على اقصاه

[داعس]

مثل المطر ياصافي القلب طاريك
يغسل هموم النفس ويروي ظماها ...

[داعس]

قفى , وهو من حسرة النفس مصدوم
قفى , .. ويومه راح / كان يتّلفَت !

في نظرته زحمـة أحاسيس وهموم
كنه يقول ( إن السعاده توفـت ! )

[داعس]

طير السعد في عالمه مابعد حام
والله يعلم وش تخبي سنينه

[داعس]

ماعاد يرضيني وفى ولا يزعلني جفى
.............. متساوياً في خاطري ظلم العرب وانصافها
ولا تاقف الدنيا على شمع الغرام اللي طفى
.............. بعض الشمـوع انا أتعمد كسرها واتلافها
تعبت ادور فالقلوب البارده ليلة دفى
.............. والقى استغلال النفوس وكذبها واجحافها
حتى أقرب العالم لويوقف معك وقفت وفى
................ اصبر وتدري وش دوافع وقفته واهدافها

[داعس]

هلا يـاخـاطـر فـي خـاطـري من خـيـرة الـخـطـار
تـقـبـلـك الـجـوارح شـرع الـبـيـبان مـسـروره

يـحـيـيـك الـخـفـوق الـلـي بـيـوتـك في مـداه كـبار
حـلـلـت أهــلاً بـدار ـتحـسـب إنـها عـنك مـهـجـوره


يتصفح الموضوع حالياً : 3 (1 عضو و 2 ضيف) ‏داعس

[داعس]

هو انت ناديت ؟ والا الصوت يخيل لي !!
يامن ضلوعي ..اذا ناديت سمعنك

أشتقت لك حيل وودي أسألك قلي
اشتقت لي والا طيوف الشوق ماجنك!!