![]() |
|
خيارات الموضوع | ابحث بهذا الموضوع |
|
مشغول لا راسي ومرهق بس مايمنـع... امـر=وارمي همومي فيك ياركني شعـر ... واسوقهـا الليله الإحسـاس نـار وكـل مافينـي... جمـر=حتى القصيده صرت اغنيها وامـل ... طروقهـا في داخلي همٍ مسمّـر فـي معاليقـي ...سمـر=ضّيق على روحي وضخ الضيق وسط ...عروقها ياساحل احلامي نخيل الوقت مايطِلـع ... تمـر=سنيـن اطالعهـا وعيـت لا تميـل ...عذوقهـا والتاجر اللي وسط سوق الذل مغمـورٍ ..غمـر=بضاعته عشعش عليها الوقت في ... صندوقهـا |
|
الآدمي عمره ولو طالت به الدنيـا قصيـر=بدايته دمعه منـه ونهايتـه دمعـه عليـه كم واحدٍ يخشى المنايا والعواقب والمصيـر=والموت جايه والمنايا في طريقه تحتريـه دنياً كفى الله شرها دايم رحاهـا تستديـر=دوراتها ماترحم الجاهل ولا العقـل النبيـه يالله عسانا في نهار الحشر واليوم الكبيـر=فالموقف اللي يهرب المخلوق من أمه وابيه تكتب لنا جنتك بأمـرك ياعزيـز وياقديـر=وتجيرنا من ظلمة القبر وعـذابٍ يقتفيـه |
|
يابلشـتـي فالمـوقـع الـلـي بـيـن 10 و 11 اللي ليا غاب (القيادي) عنـه يشغلـك (الخشـاش) غاب الحصان.. وصارت الحمله.. على ظهر الجحش لا والله الا مشكلـه .. رحنـا طـعـامٍ للجـحـاش ولد الغراب .. غراب .. لو ياقع على وكر الوحـش وراس الظبي كله عظم .... مافيه مـخ ولا عـراش بعض الموارد تتعب العطشـان .. وتزيـده عطـش مثل الحفور .. اللي على درب المطر .. والا المشاش الله بلانـا بالعبيـد الـسـود وعـيـال الـكـدش قـومٍ بـلا مذهـب ولا ملـه وقيمتـهـا بــلاش
آخر تعديل بواسطة سعد بن عادي ، 06-11-2010 الساعة 12:05 AM.
|
|
. . . . كيفك عسى جرحك شفى .! وإليا شفا : قلي متى .! جعل الجروح اللي معك .! تبقى معي يااغلا الجروح .! وتبقى بلا جرح وهموم .! وآخذ من عيونك تعب .! وإن جيتني إبلا سبب .! لاطارت اصوات السؤال .! بجاوبك يـ أوفي محبّ .! واقول لك : حيّ الجروح إن جاتني منكّ فدى .! أمانتك قلي : متى .! متى تفارقك الجروح .! خلنّي بعيش إبها شتاء .! وانت املك اجواء الربيع .! وسلمّ وسلم لي عليك .! مادامني منّك وإليك .! وإليا بغيت الدنيا ذيّ .. تفداك ماتغلا عليك .! . . |
|
يا قيد الدمع / يا حلم الهجآد / ويا غلا مغليك
يا قصه/ من ضميرٍ / ما كتبها في رجى الراوي تطمن يا بعد حي القصيد / اللي على طاريك تداعآه الخيآل / اللي على صلف الهوى قاوي انا لا جيت ابرضي خاطرك/ بشبع غروري فيك جنونك / مع جنون الشعر /فيني صار متساوي اقول الك الصراحه؟ / يوم تمتمت بلقاي / ابيك قسم بالله / ما ادري / قبل اعرفك ويش انا ناوي تبي (كل) المراكب / لا ابحرت ترسي على شاطيك وانا اقول / انتظر شوقٍ يفوح بريحة الجاوي |
|
نخيتك ياعظيم..تهز عرش المعضلـه وتطيـح .تصاغر لين تصبح فالوجود اشبه بـلا شيـه كريم ومدتك للي كسته الضايقـه ترويـح ومغفرتك لراع الذنب من شمس الخطا فيـه انا عبدك واعبدك واكثر التهليل والتسبيـح خضوعي لك عسى تغفر خطاي وتدمح السيه |
|
وجه الشعر يبتسم مابين صدق ومـزاج مثلي يدور علـى رزنامـة المبدعيـن يشرح صـدورٍ تـدوّر لـذة الانفـراج عن هم بعض الليال ونظـرة الشامتيـن قلوب ما بلّها غيـر الشـراب الهمـاج حتى غدى حقدها صورة عنـاد وأنيـن يا احباب : يا احباب : يا احباب : وجه الحيـاة اجمـل مـن الاحتجـاج والسخط والنظرة السودا والامر الحزين المزن صورة فرح وانا مـع الابتهـاج حياتنـا نعيشهـا مـره مهـو مرتيـن! كتبت في صفحتي لأحداث عمري نتاج وطرزتها من بساتيـن الشفـا ياسميـن ترفه غلاها يسافربـي لكـل الفجـاج مابين طيف ورسايل واشتيـاق وحنيـن احتاجها وآاه ما اقسى سطوة الاحتيـاج والشوق قتّال للاحبـاب فـي الحالتيـن احيان بالحب عايش كني فـبرج عـاج واحيان عايش لكن في حسبـة الميتيـن حبيبتي وجهها في الليل مثـل السـراج ترفه , رزينه وتزهى بالكلام الرزيـن دلالها يامريض الوجد (وصفة عـلاج) وكلماتها احلا لحن ممزوج للسامعيـن ممزوج نسرين وخزاما ومسك امتـزاج ماشابهت ماركات العطر كـل السنيـن وحضورها حفلة وبهجة وفلّـة حجـاج وغيابها يطرح من الاسئلـة صفحتيـن مامل شعري وصايفها عدل واعوجـاج لو في عوجها غنج بنات حوا اجمعيـن رسمتها قبل البسها مـن الشعـر تـاج قصيـدةٍ تستفـز انـامـل المبدعـيـن |
|
.
. مآ أحدٍ من آلنآس .. يعلم مـآ تكّـن آلصـدور بعض آلسرآيـر تمـوت .. و لآ أنفتـح بآبهـآ يآ صآحبي .؟ كآن يربْـك آلشعـر و آلشعـور إرتح ورى آلعين .. و أفتـل سلـوة أهدآبهـآ آلحب دون آلمحآنـي .. مـن غرآمـك يفـور لبيـه .؟ و أنـت آلعيـون و سيّـد أحبآبـهـآ جيتك .؟ و أنآ تآرك أيآمـي و قلبـي جسـور أطرد طيوفـك .. و أنآجـي زآهـي أسرآبهـآ صوتك .. يخلي غيآبي .. في سنينـي حضـور يـآ فرصـةٍ فـي زمآنـي .. خآلقـي جآبهـآ يآ حآلي آلهـرج .. لآ منـي سكـت إمعـذور كل آلسوآلـف تـذوب .؟ و ترخـي أعصآبهـآ إن غبت .؟ صآب آلحشآ يآ أجمل سنيني .. فتور و إن جيت .؟ مآ أبغى مـن آلعربـآن غِيّآبهـآ |
يتصفح الموضوع حالياً : 78 (0 عضو و 78 ضيف) | |
|
|
![]() |
||||
الموضوع | الكاتب | القسم | الردود | آخر مشاركة |
إهداء لكل رجل ! | كبرياء امراة | المنتدى الأدبــــــــــــي | 8 | 26-06-2013 09:54 PM |
إهداء إلى كل شخص عزيز | مناورالعويمري | المنتدى الإسلامـــي | 24 | 11-12-2012 09:14 PM |
سائق يترك معلماته على قارعة الطريق بعفيف | عليان علي | المنتدى الإعلامــــي | 8 | 15-02-2012 01:14 AM |
إهداء إلى ولد الجزيرة .....~{ | الغريبة | منتدى الصوروالفيديو والسفر والسياحه | 9 | 30-11-2009 09:54 PM |
إهداء لك رشيدي | شاعر حرب | منتدى الشـــعــــر | 16 | 24-06-2008 09:19 PM |