[الـشـقـاوي]

ما أظن تبقـى عناوينـي عناوينـي
يموت فيّ الغرام بـ( خيره وشـرّه )
مجبور في واقع ٍ ماهوب مرضينـي
هذا مصير ٍ عليه النفـس مضطـرّه
خذ همي وشوقي وجرحي وسكينـي
لـ( عالم ٍ ) ينتظرك .. ودربك يمرّه
شف عاد قلب ٍ قسمته بينك وبينـي
عانه تقفّاك .. واقتصّك على الجـرّه
الله يوفـقـك .. والله لايعنـيّـنـي
الحب .. ماعاد ابي بحـره ولا بـرّه

[ذبحني غروركـ]

يالبيـه وفمـان الله .. فـي ليلـه لـقـا ووداع
رحمني يـوم مـا خلانـي استاجـع بتوديعـه
أصوت له أدور له .. أبي فيه .. أتلفت .. ضاع
فقدته من ثلاث سنين والضيعـه هـي الضيعـه
فلا مني سمعت أيوه أنـا قلبـي عليـك التـاع
دريت إن الهوى ضيعاتـه أكثـر مـن منافيعـه

[الـشـقـاوي]

أضحــــك وكني رايق البــــال خالي
والناس تحسدني وانا أموت بسكات

أقضي نهــاري بالمزح والتســــالي
واسـهر بلــيلي في همـوم معــانات

غريبه هـــالدنيــا على كل حـــــالي
الحـزن دايم ! والفرح بس لحــظات

[النمر1012]

ياعقد لولو بدرب اشواك متناثر ..

ياروعة ابداااع بيتٍ صعب تصويره .





ياحلم غفوه غفاها بالأمل عاثر ..

ياواقع الحلم حلمك صعب تفسيره .





الحب وصله يجي بعد الغلا (آثر) ..

حسب الوفا تختلف نسبة معاييره .





من اول الدم من طرد الهوى خاثر ..

واليوم ماني بداني للهوى سيره .





فيروس عشق الغدر يابنت متكاااثر ..

كلٍ شكا من يحبه يالله الخيره .





ثوب الوفـا من قليلين الوفـا داثر ..

وختمت دربه بتهليله وتكبيره .

[ما يكبرني لقب]

مشكلتي اني مالمشكلتي احلول......... دام الذي ينقصني انسان كامل

[النمر1012]

مبهر وجودكـ بين كل المعآزيم ..

.. .. وفيكـ العيون يدور بعجابهم همس .





تكتب بمـآ يرضي جميـع المفـآهيم ..

.. .. وتلآمس حروفكـ من أجوآئهم لمس .







وأنآ من احسـآس الزمن بالموآسيم ..

.. .. شكيت كي اليوم من وآهج الأمس .





ولآ غرني بالحبس نبض المظآليم ..

.. .. دآم الضلوع تطيق في صمتهآ حمس .







تدري بلآي اني اليا جيت بـآهيم ..

.. .. يدعي غيآب الشمس لي خآطرٍ عمس .







يعني على مـآ قيل من بآب تعليم ..

.. .. للخمس بالقسمه يجي نـآتج الخُمس .

..

..







والشمس نور أفرآحنـآ والحزن غيم ..

.. وطبع السحـآب اليااجتمع يحجب الشمس .

[نوماس5]

الضيقة اللي تالي الليل تنعاد
......................اتبع رضاها ! خوفي الناس تدري !


طفل الضما الى نفى سلوة الواد
......................بيتي نفى من سود الايام جدري !


شعري وحسن القد ّ واسلوبي الجاد
......................أضحى غرور بعين من شاف كدري !


صحيح فيني عيوب وافعالي امجاد
......................لكن محال ان يشتكي الجار غدري !


وصحيح مر الوقت من بلسمي فاد
......................لكن ملاذ الدمع بالخد حدري !


في جرأتي بالحق تحسب لي اسياد
......................وانا أشد ّ من الحيا بين خدري !

[النمر1012]

النفوس اللي تشوف العرب بعيوبهـأ
عيبهـأ لاذمت الناس تنكر عيبهـأ
لاتجاملني ولاعاد ابي ماجوبهـأ
تبتعد عني مابيهـا ولابي طيبهـأ
ان تردت ياعساها تشق جيوبهـا
وان تمادت في رداها ردين صيبها
في رداها ماتعمر بقايا طوبها
شجرتن ماهي بالطيب ياكثر ريبهـأ
الرجال الطيبه طيبهـا مطلوبهـأ
يكثر ناسن علي الطيب ببين شيبهـأ
والا انا عارف على المرجله وأسلوبها
والقلوب اسرار والله عليم بغيبها