[سعد بن عادي]

كــيــف اخــــذت مــــن الـقـمــر وجــــه الانــــاره
ومــن الارض شـلــون اخـــذت الجـاذبـيـه ؟
كـــــــــل شـــــــــئ ٍ فــــيـــــك يــــدعـــــو لـــــلاثـــــاره
[زين خد] و [ طيب جد ] ..وقابليه !

[سعد بن عادي]

حاسبت نفسي وضاقت بي وساع الرحاب

كثرت خطاياي مدري كيف ابا اقلّها !

جاهرت بـ.. ذنوبي اللي كنهّن الهضاب

وقصّرت في واجبات ٍ كنت فاطن لها

تبعت درب الخطاء وآخطيت درب الصواب

اتبع هوى نفسي اللي غيّ ارضاً لها

يالله .. وانت المجيب اللي مادونك حجاب

تقدر تعز النفوس .. وتقدر تذلّها

يامحيي الارض بأمرك من حقوق السحاب

اعوذ بك .. من ذنوب ٍ عاتقي ملّها

واعوذ من دعوة ٍ تدعى ولا تستجاب

ومن كلمة ٍ مادريت ابها وانا ازلّها

[سعد بن عادي]

كم واحد ٍ يطرد آمال ٍ سوات السراب

شي ٍ يبي ياصله وأشياءً ماياصلّها

يجمع حطام ٍ .. مصيره للفنا والذهاب

ومن الطمع عنده ان الارض يحتلّها

اغرته بنت الهوى والقلب الاقشر شباب

وانساق معها وهي ما احد ٍ خليلٍ لها

ماحث رجله على درب الاجر والثواب

اسحرته المغريات وصار .. عبد ٍلها

في غفلته كم رقد واصبح وودّا وجاب

اظله ابليس .. مع ناس ٍ قد اظلها

يشعب ركابه مع اللي يشعبون الركاب

نسى ان الايام شجره زايل ٍ ظلها

لابد من ساعة ٍ مابعدها الا المآب

الله ما يهمل عباده .. اليا امهلّها

[سعد بن عادي]

من رحل عني طويل العنق صدري ضايق
كنت ضايـق قبـل لايرحـل ( وهـو كملّهـا )
كنت أحسـب أن كـل وقتـي بالمحبـه رايـق
ماحسبـت حسـاب للفـرقـى عـشـان أزهلّـهـا

[سعد بن عادي]

في بعض الأحيان يصيبنا غباء مؤقت او نسيان فجائي .. قد يمتد لثواني او دقائق ..

ولا اعتقد ان في الامر خطورة صحية علينا >>> الاخ دختور
فهناك اسباب كثيرة تدفع الانسان ليغرق في ذاته و ( يفهّي ) ..!

[سعد بن عادي]

عطيني آحزانك .. وعيشي سعيده
بس ارجعي .. لني كذا مـآتحمل
ليت الغياب [انسان] وافك قيده ..!!
والا يموت ،، وندفنه ../ ويتجمّل

[سعد بن عادي]

يالله دخـيـلــك لاتــوقــف حـاجـتــي عــنـــد الــرخـــوم
الـلــي ســـواد اقلـوبـهـم اســــود مــــن الـلـيــل الـعـتـيـم
فــي رحمـتـك ماضـعـت والمقـسـوم يـتـلاه القـسـوم
فــــالارض نـمــشــي والـســبــل بـيــديــن رزاقٍ عـلــيــم
ماهمنـي جمـع الذهـب يـوم الذهـب شــق الـهـدوم
اكــبـــر هـمــومــي ســـتـــر لايــمــكــن يــعــريــه الـلـئــيــم
لـو فكـر الانسـان فـي حـجـم الكـواكـب والنـجـوم
ماشفت حجم اكبر من المحتاج في عين الكريم
ويـش انـت ياللـي مرتـقـب لــي كــل مانـوّيـت اقــوم
اثــــر ابـتـسـامـات الــعــرب احــيـــان نـــــارٍ فـالـهـشـيـم
لـــو انـهــا مـابـيــن ايـديـنــك كــــان مايـلـحـقـك لــــوم
لــكــن عــلــى الله مـتـكــل والـعـلــم يـفـهـمـه الـفـهـيــم
اقـف مواقـيـف الـشـرف حـسـب العـوايـد والسـلـوم
يـوم ان غـيـري شغلـتـه نـقـل الحـكـي مـثـل الحـريـم

[سعد بن عادي]

اكبر خساره .. هي اللي تقنعك بـ ( المصير )
تعيش من دونها .. و تموت من دونها

فـ ( اول لقاء ) لو عرفت اجواء لقاك الاخير
ما همت في عيونك .. ولا صرت مفتونها