ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
وعيني اللي كل ما ذعذع من الغرب هبوب
يحلا لها لون الغروب اللي يذوب قبالها ويا ويل حالي كل ما يحلالها لون الغروب تطري لي الريم اللعوب وسالفة ترحالها وعز الله اني كل ما تطري لي الريم اللعوب حرمت امد ايدي على حاجة وانا ما اقوالها من سافرت ريم الفلا صديت عن كل الدروب ما هو قصور بالعذارى بس ذيك لحالها من فارقتني ما خطف قلبي من الحور محبوب ولا لقيت الجادل اللي تستحق احيالها لأن القلوب ان ما وفت لأحبابها ما هي قلوب والعشره اللي ما ترد الروح ما نسعى لها إما الوفى اللي يستر الرجّال من كل العيوب والا الجفى اللي يستر عيوب العرب في رجالها ما اقسى من فراق الجنوب الا فراق اهل الجنوب ويلي على اللي كل ما تزعل تشد رحالها اللي مذيره العتب لا شبت بصدري شبوب عييت اراضيها وهي عيت تطول بالها كانت معي مثل النصيب يحدني من كل صوب كانت دروبي من متاهات الظلل لظلالها كانت هروبي لا شعرت اني بحاجه للهروب كانت سماي اللي ليا ضاقت علي ألجالها ليه اتحداني وانا في كل الاحوال مغلوب ليه حرمتني من قهر عذالي وعذالها ليه اتجاهلني وانا لاني جبان ولا كذوب ليه ارخصت دمعي وانا اللي ما بكيت الا لها ما ترحم اللي له سنه كأنه على النار محطوب ما هزها دمع الفقيد اللي بكته أطلالها ما خافت تهدم السنين اللي بنتنا طوب..طوب ما فكرت تشفق على حالي وترحم حالها قولوا لها لو ما تذوب انا بخليها تذوب قولوا لها لو ما عنت لي مستعد اعنالها إليا ادمحت لي هالخطا بدمح لها كل الذنوب وإن جابت الحسنى معي تبشر بعشر أمثالها أفرش لها صدري وطن وأجمع لها ضلوعي شعوب وأرقى لها المكانه اللي ما حد(ن) يرقى لها إن كاني مخطي فأنا ماني خليّ من العيوب الذنب يغفر والبشر تجزى بقدر أعمالها البعد قاسي والفراق يضيق الصدر الرحوب وانا تعبت ادور الحيله وارد احتالها قولولها ترجع ترا ماني على الحزن مغصوب وإلا ترا نذر(ن) علي انه ماهو ب أشوالها إما تجنب هالهبال وتترك البعد وتتوب والا بتبشر بالهبال اللي ما هو بهبالها كافي زعل ترا الظروف مقفله من كل صوب وأنا حملت من الهموم انواعها واشكالها يكفيني اني كل ما هبت على صدري هبوب تحن عيني للجنوب وتلتفت بلحالها والمشكلة اني كل ما حنت عيوني للجنوب تطري لي الريم اللعوب وسالفة ترحالها وعز الله اني كل ما تطري لي الريم اللعوب حرمت امد ايدي على حاجة وانا ما اقوالها
|
|
كثر ماعشت أنا الفرحه بقربك واضحكت لي عين
وكثر ماعشت متهني وكثر ماابتسمـت اشفاتـي وكثر ماقلت فـي حبـك قصايـد جمّعـت قلبيـن أشوف الوقت من دونك جمـع همـي ومعاناتـي غدا وقتي مثـل ليـلٍ طويـلٍ ماانتهـى للحيـن سواده امتلـى بصـدري وسالـت منـه دمعاتـي حشا من يوم ماغبتي وربي ماغفـت لـي عيـن طغى همي على عيوني ولعب في حسبتي وذاتي!! أنا من رحتي بفالك وتلعـب بـي همـوم البيـن وتاهت خطوتي بعـدك وتاهـت بـي مساراتـي وأنا وشلون أصور مامضى ويّاك فـي سطريـن وست شهـور ياعمـري تغنـي فيـك أبياتـي قضيت شهور في وصلك مضت لي كنها يوميـن فداها سنين من عمـري وفداهـا كـل لحظاتـي ألا ياحبـي الطاهـر أبيكـي دائـمـا تـدريـن بأن طاريـك إذا مرْنـي رفـع لـي معنوياتـي حياتي يابعـد عمـر القصيـد وخاطـر الغاليـن أنا لخاطر عيونك بس أضحـي بكـل رغباتـي أضيع ليا طروا إسمـك ولـو جابـوه غلطانيـن وأنا لاضعت مـن حبـك عساهـا دوم ضيعاتـي وحبك من سكن قلبي أحسه فـي حياتـي ديـن لأني بس مـن شوفـك أحقـق كـل طموحاتـي ترى من قبل لاشوفـك لعبـت بحسبـة الباقيـن ولاحـد ٍ عـارف ٍ قلبـي ولا يـدري بغايـاتـي قضيت الحب من قبلـك ولاأدري طريقـي ويـن وأشوف اللي تعلق بي يضيع بصمتي واسكاتـي وجيتي اليوم ياذوقـي ورتبتـي خفوقـي زيـن وأنا من لمْسَتْ كفوفك رسمـت أحلـى بداياتـي أشوفك وردة بعيني وباقي هالبشـر مـن طيـن وأخاف إنـي أعبّـر لـك وتخذلنـي عباراتـي وأنا في خاطري كلمـه تـرى باقولهـا وتكفيـن أبيكي تفهميها زيـن وأبـي تصغيـن للآتـي: حشا مهما كتبت من القصايـد والشعـر تبقيـن بأنك أحلـى مـن كـل القصايـد يابعـد ذاتـي
|
|
|
سبحَآنْ مِنْ قَآل [ ألمْ نشرَح لكْ صَدركْ ] .. !
يآذُو الجَلآلْ .. الغفور .. الرآزقْ .. المعطِي أستغفركْ مِنْ رضآك لـ "عفوكْ" لـ "ستركْ" عَن ذنبي اليُومْ .. واللي أمْس .. والمبطِي !
|
|
|
؛
{ كآن قلبكَ من حزونكَ يشتكيَ لي يـ / عشيِريِ ويش آقول بـ / قلبي ِ آللي صآر "للاحزآنَ " مينآء ..!
|
|
تعال وضمني بصـدرك أنا محـتاج للضــمه
أنا بـي !! من اللهـفه تكـفي عـدد مليون صغير وضاع باالزحمه ينادي بصوت يايمه تعال أنام في حضنك وأحس بدفأ وأشجون أبســمع سواليـفك 00 وطيب أنفاسك أشمه وأبعثر خصلتـك بيـدي وأموشها على لون أبتمرجح على أهدابك وأطيح بشفتك لمه وبستلقي على صدرك وبتقلب على هون وبحضن راحة إيدينك وبطبع بوسه بكمه وبسرق منك نضراتك وأذوب بناعسك والنون عساني ما أنحرم شوفك مدام الروح ملتمه حبيبي كنت أنا أتحلم وحلمي كان مجنون صحيت وتوني صاحي وأحس بروعة الضمه أنا طفل وفقد أمه ودايم خاطره محزون وأنتي يابعد عمري طلال روحه وأمه
|
|
|
أجيك من حر الزعل فاقد الراي ..!
ما ابيك تسمع غيرصوت النهايه .. ولا من وصلتك شفت بعيونك رضاي ..! وقمت أعتذر كن الخطا هو خطايه ..
|
|
|
ماهو بكيفك تواصلني تقطعني
اما غلا بين او فضها سيره ياشين لاجيت تقطع لاتوادعني ليتك تحس الوداع شلون تأثيره ياماخذ الحب قل فيني وسمعني حب على كبر صعب ابدل بغيره أبحتفظ فيك وادري مانت نافعني يمكن مع الوقت اقول محبتك خيره والله تدري وش اللي معك دافعني اني معاك انت امارس آخر الغيره واحب فيك البرود اللي يقاطعني لو ماتكلمت صمتك صعب تفسيره ياللي عليك البشر شفها تقاطعني منين ماوجه الهقوات لك سيره ياشينها من الخوي قول اتركه طعني ماغير شره ولا انت بشايفن خيره ياشينها منك لاجيتك توزعني في عذرك اللي على هالظرف تجييره شف كبر صبر البشر ماعاد ياسعني واكبر هموم العباد اشوفها صغيره وش جاك مني خطا يومك تبيعني في سوق ذقها عليك اسوقها جيره انا اذكر انك الا من قلت دلعني القلب هانت علشانك مشاويره يامشغل القلب بين تحبني و يعني شفني عليك احترق ياسيدي حيره مرات اقول اتركك لاشك يمنعني شي يقول أعذره واقبل معاذيره قلت احتفظ فيك وادري مانت نافعني يمكن مع الوقت اقول محبتك خيره
|
|
|
لو الأماني طيور وكل مطمع فضا تزاحم اسراب امانيي بفضا مطمعي
ولو ان مال البنادم في حياته قضا فصلت ثوب الحياه وجات طوع اصبعي ياحظ من فالحياه اليا تحلم حضا وانا ترافقني احلومي ليا مضجعي كني وأنا مضطجع من فوق جمر الغضا أجمّع اْحساب عمري بس ما جا معي يجض قلبي وطاري البعد لامن شضى بين المحاني عشمت اطفيه من مدمعي يابعد طاري الفراق فداخلي لا لضى يذوّب اللي بقى من ليلتي واْشمعي يطري عليّه زماناً عشت فيه ومضى لكني أموت عزه ما اقول ارجعي الحكم لله مال العبد غير الرضى وانا رضيت بنصيبي يالهموم اهجعي تبرك همومي عليّه برك عوص النضا لكني اقوم شيمه لو تدّك أظلُعي صدري وقلبي وعيني فالفراق امرضا والمركب اللي ركبته ما فرد اشرُعي لكنّ هذا المقّدر والمقدر قضا وقتٍ مضى مات ياهمي وشعري نعي لا ضقت لّديت عيني في نجوم الفضا واخترت لي نجمتينٍ كبر راس اصبعي |
«
الموضوع السابق
|
الموضوع التالي
»
| يتصفح الموضوع حالياً : 74 (0 عضو و 74 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| شيلة لاضاق صدرك محمد الصفياني | خليف الوهيداني | منتدى الشـــعــــر | 10 | 14-07-2012 03:37 AM |
| سج القدم لاضاق صدرك ومليت | رسام الغروب | منتدى الشـــعــــر | 11 | 12-02-2011 08:34 PM |
| وش البيت اللي لاضاق صدرك تقوله000 | شرفان ناصر | منتدى الشـــعــــر | 9 | 15-01-2009 12:08 AM |
| لاضاق صدرك وزاد الضيق واحراجه | خليف الوهيداني | منتدى الشـــعــــر | 23 | 09-04-2008 02:59 AM |
| وشهو البيـت إذا ضــاق صدرك تردده !! ارجو التثبيت | بدر الحشية | منتدى الشـــعــــر | 30 | 03-12-2006 12:58 PM |
الساعة الآن +4: 08:10 PM.
جميع الحقوق محفوظة شبكة بني عبس
