[محمد الراشد]

دخيلك لا تعلقني على كف الزمان الجاي
00000000000 واراوح بين دوامة رجاي وغطرسة ياسي !!

[ذبحني غروركـ]

وإن صرت (عادي) .. وكلٍ يقدر يطولك ؟؟

هونت .. ما هو بأنا إللي يطرد العـادي !!

/

[محمد الراشد]

في هواك احلام وامال وعلوم==== واحزاب واصحاب وقصيد وجماهير

وهموم وافكار وهواجيس وحلوم ==== وادروب واخطار وعذاب ومشاوير


وحب وغلا واخلاص ومعاند ولوم ===== واحساس واللهام وشعور وتفاكير


وصحبة سهر ومقاطعة لذة النوم==== واشواق جياشه وعشق وتعابير

[ذبحني غروركـ]

صمت , و هوآجس .. و ليل و برد , و مفآرق..!

و صوت الحطب من سمعته
مآ هدا روعيْ !
يـآإ برد قلّي :

و أنا في هآجسي .. غآرق
آلنار هي فـ الحطب ؟ ,

ولاّ ورآ ضلوعي !

[الـشـقـاوي]

يحسبون الصمت مثل أول علامه للرضـى
يعلم الله ماسكـت لهالزمان الا قهر!

[ذبحني غروركـ]

يوم ضــاقت وادلهمّت في عيوني ,
و اوغلت سود المطالب في حرجهـا
ابتسمت و قلت .. هـاانت يا " طعوني " ,
مـا تضيق , الا على المولى " فرجهـا

[الـشـقـاوي]

تحملت التعب لاجلك وانا حملي يهد جبال
رحلت من العذاب .. وماوقفت الا على جالك

علامك كلما أجيك متواضع جيتني تختــال
معاك اليا متى باصبر .. وصبري معك يحلى لك

مثل ما اقبلت لعيونك لزوم تلدلي باقبــــال
ومثل ماقد حشمتك , حس واحشم قلبي اشوالك

انا محد (ن) بجابرني اساير معك هالمنوال
ترى ماني تبيع لك .. ولاني اصغر عيالك

انا جيت اعشقك : نبض ومشاعر , مااعشقك تمثال
انا جيت اسكنك واحياك وابقى فيك , وابقى لك

انا جيت بظما عاشق تعب يطرد سراب اللال
انا جيت استفز رضاك ..من فرقاك والجالك

انا ماهمت بك عاقل انا كنت اعشقك بخبال
انا ماكنت احبك حي .. انا كنت اعشقك ..هالك

تخيل من كثر ماخفت تلقى للزعل مدخال
اخاف اخطي على طيفك وادوس برجلي ظلالك

تبعتك .. والعرب تتبع رعود البارق الهمال
وانا شفت المطر .. يتبعك في حلك وترحالك

كان اللي خلق حسنك خلقني مع جسدك ظلال
وصرت اقرب جسد يمشي معك بقفاك واقبالك

ابي قلبك يحس انه فقد .. بمحبته رجــــال
ملكته من هدب عين .. وخسرت ارضاه باهمالك

صحيح ان الفراق اقسى ولكن الوصل محال
وانا صعب على ارضي غرورك .. واضعف قبالك

بعد ماحققت عيني فبعدك للرقاد امال
اعود للسهر ؟ ياخوي فال الله ولا فالك

ببدل نظرتك فيني .. واجي لك كل يوم بحال
باكون اقرب من ثيابك عليك .. ولا اتهيالك

بالمك ,وانثرك ,واجمعك ,وارجع انثرك باهمال
باخونك ,وازعلك, وارضيك ,وازعل منك وارضى لك

ابرسم بالثرى وجهك .. وابدفن صورتك برمال
ابشكي للعرب فرقاك .. واضحك عند عذالك

ابهديك الوصال :فراق .. واهديك الفراق وصال !
بسوي مثل ماشوفك تسوي ..وافعل افعالك

عشان عرف من فينا الزعول .. ومن وسيع البال
ابيك تذوق فنجالي .. وانا بذوق فنجالك

................!

[ذبحني غروركـ]

آإسمٌك ..~ يروعـني آإليآ مٌر طآريـه ..
و " آإحـب ٌ " ملقوُف سـوُل ـف ../ وطـــرآإه