[سعد بن عادي]

حاولت أبا أرضي ناس وأزعلت لي ناس
وأثره صحيح إنْ مرضي الناس كـايد !!

[سعد بن عادي]

النفس تامر وانا مانيب طايعها
الله عن العيب والمنقود يحميني
لو ان كبدي هجير الشوق لايعها
امرّ عطشان والشيمه تعديني

[سعد بن عادي]

آف يا كبر الحلام اللي على بالي وشفّي
وآخ يا راسي من التفكير في من لا يشونه
وآح يا حرّ انتظاري للقبول من المقفيّ
وآه يا حب ٍ عطيته ناس ما يستاهلونه

[سعد بن عادي]

أنا من اللّي مجدهم على ظهور المسرجــات
قومٍ مهيب إتشدّ لاجاها من القوم النذير
وش عادني حيٍ على شانه,,ووش لي فالحيات
إن كانني لااسرجتها مافرّق الجمع الغفير

[سعد بن عادي]

مـانـيــب مــــن يـتـبــع المـقـفـيـن يــــا نــايـــف
طبع ٍ ورثته من اللي مات ما خرّف
من صد صديت لو هو بالغـلا كايـف
وان راح جعلـه مــراح الطـيـر لا رفــرف

[سعد بن عادي]

الحنظله لوهي على شاطـي النيـل
زادت مـرارتــهــا الـقـديــمــه مــــــراره
والطيب يخلق في قلوب الرياجيل
مـاهـوب فــي بـنـك التـجـاره تـجـاره

[سعد بن عادي]

فهمتك خطا و انا احسب إني فهمتك صح
و لكن بسيطه كل طقه بتعليمه

[سعد بن عادي]

لاشفت حظك نايم ٍ لاااااااا تصحيّه ..
يقوم من نومه .. وينحاش مرّه .. !