[النايفه الوفيه]

وش حيلتي مادام حظي عصاني
أصبحت عاجز حايرفي مكاني
وخدي بدمع العين ياماكويته
هذا القدرمكتوب والعمرفاني
لكن أمانه كان موتي لفاني
قبري تحطونه عندباب بيته
يمكن إذاشافه بلحظه بكاني
وإلاتردالروح في نفس ميته

[النمر1012]

يالقصور المنيفه فوق الأرض الهشاش ~~ ~~ ما تضرين كـــون اللي فواده مـريج

طبـــع ولا تـطبع عــد ولا مشــــــــاش ~~ ~~ فرق ما بين شعر الملحمة والهزيج

ما يبــــل الكبـــود اليـابســات العطـاش ~~ ~~ كـون وقــفة وفـا لا رهدنه وتهـريج

مــن يخلــي رفيــقه والركـايب عـواش ~~ ~~ كيف ينفـع رفيقه والــركايب هـجيج

المــكارم ثمنهــا عســر مــاهو بـلاش ~~ ~~ ومرقب الـذيب ما تـرقى عليه النعيج

جــابر إسمـع وصـاتي لا يـخاويك لاش ~~ ~~ خــل بينـــك وبينــه مثـل بحر الخليج

كـــل طيــــر مـــــع مثـــله تربى وعاش ~~ ~~ مثل من يبغي الحجه يخاوي الحجيج

ودام ظــني بك أعلى مــن نجوم الغباش ~~ ~~ هاك مني شذى مسك وسفرجل واريج

ترك اللــي علـــى الطولات جـاه انكماش ~~ ~~ ذاك خلـــه وفـــاله جعــل فالك بهيـــج

صــادق اللي لعلم الطيب والمجد نــــاش ~~ ~~ وتــرك اللي على الغرات بحــره يهيج

صـادق اللي إذا صـــادقت ما قيل مــاش ~~ ~~ واحـــذر مـن النقيلي والخداج الخديج

النـقيلــي خــدوع وبين الاصحـاب واش ~~ ~~ والخـــداج يهديك لكــل درب عـويـــج

واحــذر الكذب لو مبدى طريقه دشـــاش ~~ ~~ آخــــر الـــدرب تلقى ليـــة وتــعويــج

ولــو غـــدى راس مالك ملحفك والفراش ~~ ~~ عـــزة النفس تغــني والمهونة تـحيج

وافعـــــل الخــــير تلقى خير والربح كاش ~~ ~~ وإن شــويت الشويه خل شيـك نضيج

وان بغيت الطماعة لا تـحـوش القشـــاش ~~ ~~ عشبــــــة الـــدار لا تذري ولا به نتيج

ما يـــسرك ولــــدها فـــي نهار الهــواش ~~ ~~ وإن تحـــدث يجيــك الهرج هزل سميج

واغنـــم أيام عمرك جــد مـــا هو طماش ~~ ~~ بـــاكر إن عشت بدلت المراكض بريـج

تسكن بناطحات الســحب ولا العشــــاش ~~ ~~ تفتـــرش نـــاعم الديبـــاج ولا النسيـج

مكسبــــك من حياتك قطعة من فراش ~~ ~~ واقــرب النـــاس حيلتـه البكا والنشيج

السعــــادة تـــراها يا عضيدي تحاش ~~ ~~ بسنــة اللـــــــي بـــذكر الله يلهج لهيج

مفرشه من حصير الخوص ولا الخشاش ~~ ~~ وزاده العـــجو الأسود والمويه الهميج

واذعنت له خصومه وانــدحر كل غــاش ~~ ~~ ذاك مـــن عـــــم هـــديه كل فج وفجيج

قـــدوتك فـــي نبيك وانت لبــاس شاش ~~ ~~ ولابس الشـــاش يعرف مدخله والنهيج

خــذ نصيحة نصوح جـات من حر جاش ~~ ~~ مثــــل دلــــة غريب فـــوق حـامي وهيج

دلـــــة فوق نـــار وصــافي البـــن طاش ~~ ~~ ريــحها زعفـــران وهيــل وازكى مـزيج

للنشــــــامى تـــعدى حيــث فيها انتـعاش ~~ ~~ تنـــعش اللــــي غدى لهموم قلبه ضجيج

[النمر1012]

يا بن ادام كل ما كنت انظر لجرح العظيم
ما لقيت اعظم من جروح الندم من الجروح
يا بن ادم كل ما قلت الزعامه للزعيم
ينتشي بكبريائي فوق يشهدها الي بالصروح
والدروب يقودها درب السراط المستقيم
واستقامات البشر بين الراحه والوضوح
والغصون الي فرحها غير لا هب النسيم
ما تسال عن معانات الحمام الي ينوح
يا اهل الزور حلفت زوروا بوجه الكريم
فاح ريح من الكذب والكذب له ريح يفوح
يا ريحيم الصدر ضايق حيل سترك يا رحيم
والدرور اطوال والقدامي من اللهفه جموح
اعطيني من لدنك التوفيق و العقل الحكيم
والعزيمه والمعزه والمراجل والطموح
والقمر يغريني اغني على اللحن القديم
ويجذب البراق عيني كل ما شفته يلوح
والقسواوه للرجوله والنعومه للحريم
وياكثر ناس في تيجي في عيني وتروح
اكثر اهل الارض خلاني وانا مالي نديم
يشتكون جروحهم عندي وانا كلي جروحي

[النمر1012]

حطيت عنواني عبر الشاشات القمار === ابقي حبيبي ياعر ب ياواصلني
مخذت منه ياعرب غير تذكار ===== انه اذا قرر حياتي يواصلني

[النمر1012]

صباح الخير
أكذب عليك أن قلت ماني بمشتاق
وأكذب عليك أن قلت حبك نسيته
خل الكلام اللي طعن صمت الأوراق
يحكي لك اللي ما نطقته وحكيته
ناظر عيوني شوف تأثير الأشواق
شوف الفرح وشلون بعدك جفيته
كتفي يشيل من الزمن فوق ما طاق
والضيق يرضى بي وأنا ما رضيته
إلى متى وأنا أنتظر لحظه اشراق
إلى متى والحزن هالقلب بيته
إلى متى والهم ينحت بالأعماق
وأسقيه من فراقك دمع بكيته
يا صاحبي شف خاطري ما بعد راق
بنفس الطريق اللي انتهى وأبتديته
ضاق الزمان وكل شي بعدك ضاق
حتى القصيد اللي بصدري أحتويته
عمر الشعر ما ضيق صدور الأوراق
الضيق ضيقي لا كتبت وقريته
تعبت أجمع ما بقالي ما بقالي من أشواق
وأقول ليت الوقت يفهم ياليته
يا قو قلبك وأنت محرقني أحراق
أرفق بحال اللي ذكرك ونسيته
تدري عزاي ان حدك القلب تشتاق
دور علي بكل درب مشيته
يمكن تلاقي درب بدروب الفراق
يجوز ربي كاتبه وأهتديته
ومدام ربي في يده قسمة الأرزاق
أنا أقتنعت بما كتبته ورضيته

[النمر1012]

داج الظلآم أنزاح،والنور له ضوح

نور الصباح مضيح . . والليل زايح

مالي هوى بمزاح،والقلب ملدوح

فكري من التلميح . . غادٍٍ شلايح

كني على لفاح،غصنٍٍ بلحلوح

قاعة حزوم وشيح . . وأرضه كلايح

يامشغل المرتاح،بسك من النوح

ورقٍٍ على التطويح . . ماهي شحايح

يامن طربك انياح،كدرت مجروح

طربٍٍ وهو تفويح . . جوفه جدايح

صفقت راح براح،لحت النحر لوح

لوحةٍٍ يتيمٍٍ ليح . . دمعة سبايح

يالقلب وطرك راح،ماظن له قروح

اليوم بالتشبيح . . مالك صلايح

يوم الدروب سماح،والدرب مفتوح

بديت في تفصيح . . قولٍٍ صحايح

أخذت لي مشواح،باسرار وفروح

ركب الغرام مشيح . . هجنه طفايح

لي بالهوى ميلاح،والهم مكسوح

وموقعٍٍ تصحيح . . حب الملايح

قلبي كما الملواح،بيدين طاروح

من كثر التلويح . . رزقه توايح

السد ماينباح ،من غير ساموح

واللي زرّى بفريح . . خله يصايح

يلومني من كاح،شين اللغى كوح

خبلٍٍ عطى تسنيح . . جاك امتدايح

تسلّي الأ رواح،زاح الكدر زوح

حبٍٍ بلا تبريح . . ما به بجايح

لو الهوى ذبّاح،له ميل ورجوح

ولاحدٍٍ يعيش مريح . . والعمر رايح

واليوم لي مصفاح ،عن ورد وسروح

الجهل هو تلقيح . . غرس القبايح

يوم الموقر لاح . . أنا وين ابروح

بديت بالتصليح . . والله يبايح

كيف الحول ياصاح . . في عذلة الروح

شف لي هدف ياشيح . . ذرب النصايح

ماكتب بالألواح . . ماهوب ممسوح

اليوم هو توضيح . . عطب الجرايح

من عاش بالأفراح . . لابد من نوح

ساسٍٍ بلا تسليح . . خطر اللوايح

والعقل هو مفتاح . . بيبان مصلوح

وينزحك تنزيح . . عن كل سايح

عن ربعة السفاح . . يالقلب منصوح

لاتتبعه وتطيح . . ما به ربايح

مثلك ليا من طاح . . خلاه مسدوح

أترك ردي الكيح . . زين السنايح

زبن الرفيق شناح . . بالطيب له نوح

من ورد عين السيح . . عاف الضحايح

نفسه على الأمداح . . قد شاحها شوح

ذكره مع أهل الفيح . . وأهل البرايح

خله وراك سناح . . عن كل كاثوح

ينجّحك تنجيح . . رجل المدايح

كانّه بكرب شباح . . للضد ذرنوح

صميدعٍٍ زحزيح . . عطب الجوايح

ليا عدّي المياح . . في جانب الصوح

كان الروّي تشنيح . . للدلو مايح

[العالمي]

صح لسان الشاعر

[النمر1012]

مساااااااء الخير
قال الذي حده زمانه على الضيق ... ويلاه من دنيا غشاني خطرها
تأخذني الدنيا على غير ماطيق ... وضيم الليال السود حالي دمرها

حلــّـق بي الحرمان والهم تحليق ... الى أرتفع نجمي يطيح أبحرها
مدري تعاسة حظ 00 والا توافيق ... والا عيوني خان فيها نظرها

عندي تساوى الوقت مافيه تفريق ... وأيام عمري قام يسقط ثمرها
طــّوقني الحرمان بالخوف تطويق ... حتى الهقاوي مابدت لي صوّرها

تسابقن مثل الرماح المزاريق ... وياويل حالي كان هـذا قــدرها
كثر التــوّجد يحرق القلب تحــّريق ... غبنه على من زاد عينه سهرها

( لا ياوجودي وجد بنت المطاليق ... لاشقت ثياب الحيا من قهرها )
ولا ياوجودي وجد من جاه تحقيق ... بيدين عــدوانٍ تزايد سطرها

وجد اليتيم اللي جفوة المخاليق ... يكايد العبرات 00 وحالة دمرها
لا الوقت وقتي والزمن يبّس الريق ... واللي عرف بالسالفه ماسترها

همً بقلبي فوق هم المشافيق ... أحرق خفوقي والمشاعر بثرها
وقلبي وعزمه ماتجيه المطافيق ... ويصعب على العشاق جيّبت خبرها

يحداني الهوجاس غرباً وتشريق ... وأشملت لفجوج الشمال آعبرّها
مريتها حافي قدم دون تعويق ... حتى حداني بردها عن سمرها

ماجيت أدوّر للحقايق مواثيق ... ولاجيت أعــّري زيفها وأحتقرها
جيت بشموخ الطيبين المطاليق ... اللي مطاليق اللحى تعتبرها

شمس الحقيقة كنها النور توثيق ... اليا أشرقت غاب الظلام بسفرها
ماهمني من لفق الكذب تلفيق ... تبطي أعلومه ماتـبّـين ثمرها

والشجرة اللي موقعه قمة طويق ... لاضاق وقته جالها ويخبرها
لو أحسبوني من حساب العشاشيق ... عمر الموده ماشكت من أسرها

مايجتمع قلبين بين المخاليق ... الا وحديهن روحه اللي سحرها
أنا هنايه مايجي بالتشافيق ... قصة غريبه ماتكــّـذب خبرها

وقعت فيها غصب من دون تبريق ... وأضفت علـّي أترابها في حفرها
أن صحت مابه صوت وأزريت لاويق ... ومن شاف له صوره تعيسه ذكرها