[مرزوق العجوني]

سعادتي بالكون دايم معك انت=انت الغلا والناس عقبك توالي
عطيتني لاهنت لاهنت لاهنت=حب(ن) على مر الزمان متعالي
وفيت لي غصب(ن) عن الناس واعلنت=حب(ن) سكن بين الضلوع النحالي
دنياي دايم مايحليه غير انت=انت الوحيد اللي لك القدر عالي

[أثير الشوق]

لبيه يااللي لي غشى القلب طاريك
يغذي عيوني من حلى النوم قاذي
أهواك وأحبك ولا أقدر أخليك
وأشوف في روضة غرامك ملاذي
لا ياسواة الروح ماني بناسيك
ولا لك مع درب المحبه محاذي
تدري وش اللي في حياتي يساويك
عيوني "الثنتينٍ" هاذي وهاذي .....!

[ذيبان الرشيدي]

لولا المواقف .. ماكتبـت القصايـد= ولولا الظروف القاسيه .. ماتغنيـت
ولو لا الرجال.. أهل الشرف والعوايد = ودينٍ على شرعه .. حبيت وتربيـت
أنـي لاطوعلـه .. جميـع الفرايـد = وأداهمه لو هو مكنْ .. داخل البيـت

..
.
ذيبان

[أثير الشوق]

ودي اولع لك ضلوعي وادفيك
وألحفك بالرمش لاصرت بردان
اسكنك في عيني اذا كان يرضيك
وتصير عيني لك وطن مثل الأوطان
واضمك لصدري غلا لين يرويك
عذب الحنان الي فقدته من أزمان
واعطيك عمر~ جايك اليوم يهديك
اجمل محبه ضمت انسان لانسان

[محمد الراشد]

ماينفعـك كثـر الحكـي والمـلامـة

اقـرا عيونـك وافهـم الـي تقولـه

ادري تعيش الحب بلحنه وكلامه

وتعرف تمثل حيـل دور البطولـة

[أثير الشوق]

القلب تسكن فيه وحدك ويرجيك
انك تعيش بداخله رغم الأشجان
انت الوفا يامنيتي والوفا فيك
يرسم ملامح ضحكتك وانت عتبان
لاتستحي واحضن يدي داخل يديك
ثم شدني وارضيك لو كنت زعلان

[محمد الراشد]

لو في يدي شي ماقلت الوعد بكره
حزمت حدب الضلوع وقلت لك هـيّا

[نوماس5]