[مدلهم العايضي]

يمنا الحياه تجود بالصد وأعقوق ** ياشين صفعتها وياثقل يدها

ماكل طيرٍ يمسكه وكر وأسبوق ** وما كل زراع بذوره حصدها

وماكل سحبٍ تنتفض رعد وبروق ** يضحك على وجه البسيطه بردها

أما طلعنا وارتفع حظنا فوق ** والا قعدنا قعدتٍ مابعدها


مجهول

[عبيد الله دعيع]

	أخلقت بالدنيا وأنا مامعي شي=وأروح منها مامعي شي منها

.

[بنت العبسي]

الخطا مرجوع مره ... وقد سمحنا ألف مره
مابقى للصبر ذره ... منك يكفي ماجنينا

ويوم كنا مهتوينك
نرخص الغالي لعينك ....
مانبيعك مشترينك
ولك من الخاطر سعينا ....

[بشير العايضي]

الحب ما يسكن قلوب ومحاني
الحب أسمى عاطفة تسكن الروح
يا حبك إلي كل ما أظمى سقاني
سراب لال ودرب مهجور ونزوح
ما اقول منك إللي لفاني كفاني
لاني أحبك هجر وعناد وجروح
إن غبت عني طال عمر الثواني
تقول عمر الثانية من عمر نوح

[بنت العبسي]

أحبّك موت في غيابك ولا شفتــك أحبّــــك زود
أحبّك في إبتسام الوقت وأحبّك في جفا أيامي

*
*

أشوف الناس لا شفتـــــك أسامي ما لهــن وجود
ولا من غبــــت عن عيني أشوفك طيـــف قدّامي

[بشير العايضي]

همي ترا شوفك وكل المنابه

لولاك مالي في حياتي هوايه

أنت الذي لك جرح خافي عذابه

وأنت الذي تعرف عناي ودوايه

قصه غيابك في سمانا سحابه

ياليت تجلي عن سماك وسمايه

[بنت العبسي]

ودي بـك وابيـك وابـاك وابـغـاك
جمّعتهـا لرضـاك واختـار فيـهـا

شف ويش منها يتبع احكاك ورضـاك
اللي لك اسقـي مسمعـك لا ضميهـا

غديت (افر)احكـاي واسايـر احكـاك
انـا تشّـرف لكنـتـي واهتويـهـا

مضمونهـا ودي بشوفتـك واهـواك
اللي دروب اهل الـردى مـا تجيهـا

[بشير العايضي]

يرخص الشعر كله في طلب.. غالي
مرحبا والقوافي فيك منضومه
من تقهويت عشقك وسط .. فنجالي
خلي الطرف يسهى عن حلو نومه
واقري أعذب قصيدي واجمل.. امثالي
وانثريني شتاتً ضاقت هدووووومه