[محمد الراشد]

تخوفني مشاوير الطريق المظلم المهجو
ر وانا لا من ذكرتك قلت طولي يامشاويري
عزاي انك رجاي العذب لو كل الدروب عثور
وصلت اوما وصلت اعرفك ما انته منتظر غيري

احبك .. لو يموت الحب وتصير القلوب قبور
اشوف الجرح يكبر وانت تكبر وسط تفكيري
احبك من هنا حتى طلوع الفجر حتى النور
صحيح انك قدر محتوم بس اجمل مقاديري
احد ربي يحطك له حبيب ومايجيه غرور ؟
انا ليه التفت للناس وعيونك جماهيري
ترى صدق الغلا يجبر حطام الخاطر المكسور
وانا مهما منحتك من غلاي اشعر بتقصيري

[بنت أبوهــا]

نشّد عن أحبابك وعلم من نشدك ** دنيا مهي دنياك مافيها حلا
يا مكثر الضيقات بدروبي وحدك ** وبدقه النسناس ودروب الفلا
وين أنت دورك الخفوق ولا وجدك ** ولا جاز عنك ولا استخار ولا سلا
وعذري لعيني كلما أتلفها سهدك ** عينٍ لها خلان ما فيها بلا

لابن ربيّع

:)

[مرزوق العجوني]

فديت وقتن حط في دربي رفيق
واحدن يضحك معي واضحك معه
واحدن لا صار وسط القلب ضيق
بالسوالف والمزايح وسعه
وان حكى باسلوبه العذب الرقيق
يسرق من الجوف قلبن يسمعه

[(*العرعري*)]

احب فيك اللطف والعطف واللين
واحب فيك رضاك عقب زعلاتك

[شداد المظيبري]

تلعثمت ، ولا قدرت أعبر لك عن الشعور
عجزت أقول اللي في قلبي ، "أعذرني"!!

هواك اللي خضع راسي وهزم فيني الغرور
أجبرني أقول قلبي محتاجك ،، لا تتركني

أنا اللي في الهوى عمري ما كنت غيور!
أصبحت أغار،، لو من نفسك عليك صدقني

توقيع : شداد المظيبري

[سعد القلادي]

الغربه اللي فيني غربة الروح ..!
احس بالغربه وانا وسط داري ..!

[ألمــــاس]

جربت نسيانك وجربت ذكراك"
"واحترت ما بين الوهم واشتياقي"
"احيان اسولف بك وانا قصدي انساك"
"واحيان احس انك معي في فراقي"
"وان جيت اببعد يابعد عمري القاك"
"انت الوحيد اللي بهالقلب باقي"

[شداد المظيبري]

تشوفها صدفة .. وأنا اشوفها غير
.......................... أنا تصنعت الصدف .... لأجل أشوفك

ماتتعب المشتـاق كثر المشاويـر
............................... لا صـافحت لهفـة كفوفـه كفوفـك!!