[النمر1012]

سلامي سلم اسلام بالطيب مدهـون اقولهـا يـوم الرحـى مستـديـره

دام الوفا ويـاك بالطيـب مقـرون الاولـه تتبـع طريـق الاخـيـره

هاض الفكر واليوم وافي ومضمـون واغوص انا واسبح بحور(ن) غزيره

امشي مع القيفان ممشن على الهون ماضاق صدري والمعانـي عسيـره

اجـر قافـي والقوافـي يـجـرون مثل الخطام اللـي يسـوق بعيـره

يامكثـر اللـي للقوافـي يصفـون تصفيف قافه شبه خربـن كسيـره

يابو سعد والنـاس عنـي يعرفـون رجال ماجاه الـردى فـي ضميـره

بعض العرب مابين صاحي ومجنون حنـا نـدور للوجـيـه الستـيـره

النـاس بالامثـال دايـم يقـولـون الرجل مـا يقـدر يحـدد مصيـره

من يخلط التفـاح منجـا وليمـون عقب هذاك اللي شرب من عصيـره

ومن عاشر العقرب وطبعه ترا يخون يلدغ ولا يـدري ومنهـو خشيـره

ياذيب انا ويـاك والنـاس يـدرون صعب العشير يخون صحبة عشيـره

هلا القنص مع طلعة النور يمشـون كل(ن) يعرف الدرب كلـن خبيـره

ماني صحيب اهل النمايم يحشـون اللي تجر الصوت فـي كـل ديـره

وماني من اللي مع هل الليل يسرون امشي على وضح النقـا والسفيـره

العاقل اللي يسمع الهرج مضمـون ياخذ قليـل الهـرج يتـرك كثيـره

انا بنيت القاف فـي بيـت مركـون مثل الجمل لاهـاج يسمـع هديـره

وصلاة ربـي عـد ماكـان مكنـون على نبـي الحـق نـور الجزيـره

[ذبحني غروركـ]

ماعاد تفرق لو تجي صدمتي فيك
.. صدمات عمري زودتني مناعه

[الـشـقـاوي]

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب

[نوماس5]

الفراق اصعب شي بين المحبين
تذبل عيوني في فراقه دقيقه
لا تذرفين الدمع تكفين ياعين
الدمع يشعل في حشايه حريقه
لو غربوني بين لندن وبرلين
مانساء حياتي والمحبه وثيقه
قلبي يضخ الحب وسط الشرايين
والجسم يستقبل حلاوه رحيقه
لفراق يمكن ياخذ شهور وسنين
ويزيد فوق الهم همن وضيقه
عهدن علي ياصاحبي والعهد دين
تبقى العشيق اللي يحبهه عشيقه
يعني احبكـ وذوب بين الشفاتين
وأسكر انا ياهوه في طعم ريقه
لو حدني وقتي على الفقر والدين
لاصلكـ يالمحبوب بايه طريقه
حبكـ دخل من بين قلبي ومن بين
حدب الظلوع اللي قصارا رقيقه
حبكـ مثل طعن الخناجير بحدين
وهذي طعونكـ في حشايه عميقه
انت ارفيق اللي على العسر واللين
ويلعن أبوو منهوو يبوور برقيقه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

[الهلاليه]

سبحَآنْ مِنْ قَآل [ ألمْ نشرَح لكْ صَدركْ ] .. !
يآذُو الجَلآلْ .. الغفور .. الرآزقْ .. المعطِي
أستغفركْ مِنْ رضآك لـ "عفوكْ" لـ "ستركْ"
عَن ذنبي اليُومْ .. واللي أمْس .. والمبطِي !

[ذبحني غروركـ]

آعآتبك بـ / آسم آلله آلهوى عشرت آعوآم
خآيف غموض آلوقت يـ / طوي وجودك ,

[شداد المظيبري]

أنـت العـزيـز اللي عـلى العـز مـرباك
000000000وأنت القصيد اللي عـلى القاف موزون
وأنت الوفـي يـوم الوفا مـن سـجـايـاك
000000000وانـت الـغـلا يـوم الغلا فـيك مجـنـون

[ذبحني غروركـ]

يقولون الوطن ديرهـ!

.......... و أنآ : أقول : الوطن إنسآن ..~

إليآ من غآب عن عينك تجرعت الضمأ / بسكآت !