[الخشف]

صباح الخير للجميع
الله يحيكم على هالفطور على حساب
شيخ مشايخ شمل قوقل والياهو ورائيس مجلس ادارة مايكروسوفت
الشيخ اخو جزعه
وسامحونا على القصور معاش العود ما نزل لي الحين ههههههههههه

[شاعر الصعاليك]

صباح الخير على الموجودين

يالادمي ما فيك ميزه عن الغير = الا لسان وقلب فيه الحشيمه
وان كان ضاعت قلت ما عاد بك خير = طبعك تساوى مع طباع البهيمه

[ابوتوتو]

صح لسانك بيتين يستحق ان يكونن توقيع
وين العلوم ورى الدوانية مهجوووووره
وين العود
ماقصرت الخشف جابت فطور بس وين الحليب
وين المعاميل
وين الرجال اللي فيها خير

[شاعر الصعاليك]

هلا بالشيخ ابو توتو ، وصحت ابدانك
وتستاهل هالبيتين ، اكشخ فيهم ههههههه

العلوم عندك ، وش اخر المستجدات هههههههههه

[زعيم الشواعير]

الخشف جاوبي على الاسئله

[شاعر الصعاليك]

أبيات عابرة ..!!

جربت أنا الدنيا ومنها تعلمت = أني بها مهما تعلمت توّي
يا قل خلاني بها لا تألمت = ويا كثرهم كثراه لا زان جوّي

[زعيم الشواعير]

صح لسانك ياشاعر الصعاليك ماتبيلك طاروق خفافي صاحب معنى دبلوماسي

[شاعر الصعاليك]

صحت ابدانك ، ويشرفني اللعب مع شاعر مميز مثلك ، لكن والله ان وقتي ضيق ، وأنت يبي لك ترويقه هههههههههه ، لكن أوعدك الجايات اطيب يالامير