[فهد المويسه]

انا بـدويٍ واحـب النجـر والدلّـه=واحب شوف الدبَش والارض ممطوره
هذي هواياتـي اللـي تبـري العلّـه=ولاشك كلٍ علـى شفـه ومنظـوره
الله علـى واديٍ تـو المطـر علّـه=والسيل خلا البطاحـي كنهـا نـوره
جايه من الوسم مطّـار علـى حلّـه=ستين ليلٍ وهـي ماجفـت زهـوره
مع صحبـةٍ نـادره فالمجتمـع كلّـه=مافيهم اللي يشـل الكبـر فـي زوره
احسن مـن مقابـل الخـدام والفلّـه=واحسن من مشاهد الجمهور والكوره

[فهد المويسه]

هب الهبوب ودق بالنفس هوجاس=هيض علي ماكـان خافي بحالي
يفز قلبي فزت الطــــــــير قــرناس=لاشفت انا الطيب وزوله طرالي
الطيب طير وهدته تـرفع الـــراس=ولاكـــــل طير طار جاب المنالي
الاولــد حر عـلي قيس مــــــاقاس=يضرب بكـــفه صاطيات المنالي

[فهد المويسه]

الله واكبر نسيت الطيب والخوه =ياقو عينك صداقتنا اتنساها
مافيك نخوه ولا شيمه ولا مروه =احلا ليالي العمر هديت مبناها
الهاجس الي مـولع بـالــحشـــاء ضــوه =مــا بات والنفس يا مــرها وينهاها.
لا شفت أبو مبسم(ن) وردي صفاء جوه =في ساع تلت معاليقي من أقصاها.
بــراق وسـم(ن) من المنشاء كشف نوه =مع جرته كل فيضه ســايل(ن) ماها.

[فهد المويسه]

الله على اللي ميلوهن على النار =صفر الدلال منومسات العيالي
يخطهن من يعرف الكيف والكار=عريب جد ويفتخر بالخوالي
له مجلس مدهال لوجيه الأخيار =ولا من اللي يجمعون الريالي
رجل شريف بالمواجيب بيطار=لا حلت القولات ذرب الفعالي

[فهد المويسه]

في ما مظاله يقول السمع و الطاعه =واليوم صد و تكبر مــايحـــاكيني
يابـــو خــدود ســـوات البرق لماعه =تلقى وانا القى بدالك من يسليني

لشاعر:الضمني الله يرحمه

[فهد المويسه]

ياكثر ماقلت ابا اسوي وابا اسوي=ولافيه شي ٍ من اللي قلت سويته
راحت حياتي وانا اطري وانا انوي=واللي بغيته نسيته يوم خليته
انا احسب اني صغير وبالعمر توي=لاشك شيّبت واحلى العمر عديته
ياليتني ياحمد يومه صفا جوي=هاك الزمن ياشريف البيت خاويته

حمود البغيلي

[فهد المويسه]

مشتاق للبـر وقلبـي زايـدٍ شوقـة=ودي بدارن عسا الرحمـن يسقيهـا
لاتلـة الوضـح سلطانـة ومنتوقـه=وألا الزعيمه ليـا سمعـت مناديهـا
نقوة بكارٍ علـى التوديـه مطفوقـه=تطرب ليا من جر الصوت راعيهـا
وباق المغاتير مابه شـك معشوقـه=معشوقـة بالجمـال اللـي محليهـا
ولامن مزن الوسامي لاحت بروقـه=نرعى الخطر والحدود نطب أراضيها
حب المغاتير وسط الـدم وعروقـة=أغلاك جدي وابوي وكيف ماأغليهـا
فيها بدعت القصيـد وزان طاروقـة=وباق الطواريق مالي حاجـةٍ فيهـا

[فهد المويسه]

ما يستوي بالدرب عاقل وخربوط .. .. .. ولاينجح المشروع من دون خطه