[فهد المويسه]

يا الدواي من داعج العين جاني تلفون=قاللي من بد الناس انا احبك وابيـك
قلتله يا مرحبا فيك من قلب حنـون=يا عديل الروح انا نايب قلبي عليـك
والله انك مو رخيص يا خدر العيون=الحلا وزين يا سيد الخفـرات فيـك
غير حبك هين وانت حبك ما يهون=واهني من ليله ونهاره بيـن يديـك

[فهد المويسه]

ودق قلبي دق بسطار الاقرار ,,,,,,, في ساحت الميدان يوم الربوعي

[فهد المويسه]

والله إلا طــراة العـمـر والفـلـه=لنـاض بـارق وباقـي للوسـم تالـي
لنـاض بـارق وحـدره مزنـن يقلـه=وخلفه مزونن تـرادف كنـه اجبالـي
وتحته ربابه تفتـق مـن تحـت ظلـه=ويسـار ربانهـا مـن فوقهـا مالـي
كن الرعد يـوم يرعـد عقـب برقلـه=طبل(ن) رجوج(ن) ينادي حرب واقتالي

[فهد المويسه]

انا لاضاق صدري وأشتعـل جاشـي=داويت نفسي مـن همـوم تناهشهـا
ضربت لي طرقة تصعب على الاشي=وسريت رجلي ومسرى اليل ينعشهـا
ونحرت جو خلى يوحش أوحاشـي=صحاصيح البيد طب الـي يعايشهـا
ويالايمـي خلنـي أصـد وأنحاشـي=عن شوف ناس مغير تلوي خشايشها
واللة ليبطي مع المقناص مطراشـي=لين المنيـة أقابـل وجـة طارشهـا
ومن لاعرف لذة المقناص ماعاشـي=ولعة بليـا طماعـة ميـر عايشهـا
هذا الدواء الي يداوي حدب هشاشي=من هاجس لاتحـرك قـام يجرشهـا

[فهد المويسه]

الله على اللي تـو وارد مديلـه=توه جديد ولا آشتغل فيـه بستـم
صنعة امريكا والجميحـي وكيلـه=ولله در اللـي لصنعـه مصمـم
سوبر دبل مافيـه هـزه وميلـه=مكمل الميـزات سرعـه محكـم
صنع اربعه والفين مفتـر ويلـه=من مصنعه تـوه جديـد مسلـم
زرع الكفر ماجاه مشيـن يزيلـه=آصفار طبلونـه وبديـه منظـم

[فهد المويسه]

يا صاحبي حنا اذتنا التفاتيش***والصيدعنا طايح الحظ حاشه
المستريح اللي معه اشقر الريش ***لا شاف له طير على الجو ناشه

[فهد المويسه]

قل للمويسه يحتزم للمطاريـش=انكان هجرس بالمقانيص جاشه
للديره الي عشبها بكر مانيـش=قيعانها تبدي عليهـا البشاشـه
ارض ن خلا مالوثتها الحرافيش=الي من الايام فيهـا ارتعاشـه
والطير ماله بالخباري معاويش=يطلع علي الجربوع والافراشه
مافيه غير مذيرات ن مناحيش=كثر الرمي زود عليهاالوحاشـه
وان كان ودك يافهد بالعراميش=اقبل سبوق الطير والا معاشـه

صالح المنصور الرشيدي

[فهد المويسه]

وتولمني فيك يوم اغليك ,,,, ياول همومي وتاليها

ابيع كل البشر واشريك ,,,, حاضر سنيني وماضيها

ياغايبٍ صرت افكر فيك ,,,, ياغلا جروحي ومشقيها

تطولني حروتي واجيك ,,,,, والرجل تسبق خطاويها

اطلب حياتي وانا بعطيك ,,,, تساهل الروح اهديها

العين في غيبتك تطريك ,,,, تبكي من فراق غاليها

قصيدة الحب بين ايديك ,,,, ماضني تكون ناسيها

حروفها الدافيه تبكيك ,,,, وعيوني الدمع معميها