[فهد المويسه]

ان كان تنشدنى ترانى رشيدى=اصلى وفصلى يافتـى مـن بنـى عبـس
بنى رشيد اللـى تضـد الضديـدى=كان الشفاه من الزعل ريقها يبـس
اسئـل وتلقـا للفعايـل شهيـدى=فعايل ٍ زيزومهـا جاسـم الحبـس
سيد الاسـود وبالملاقـا عنيـدى=خيالها راعى البويضا اليـا لبـس
له ماقف ٍ عنـه الافاعـى تحيـدى=ليث(ن) اليا منه صهل ماقفه ضبس

حباب السندى

[فهد المويسه]

غديت كني قصة امقيط ورشاه=خلوه في بير ٍ عميق المـلاوي
حذف عليه ارشاه واقفا وخلاه=واصبح مقيط بقاعة البير ثاوي

عايد السندى

[فهد المويسه]

الناس ما تسقيك لا صرت عطشان=ولا يشرب المضمي كود من ذراعه
أضرب على الكايد ليا صرت بحلان=وعند الولي وصل الحبل وإنقطاعه
عيبٍ على اللي يتقي عقب ما بان=وعيبٍ طمان النفس عقب إرتفاعه

عبيد العلي الرشيد

[فهد المويسه]

من حل دار النـاس حلّـوا ديـاره=لابد مـا تسكـن ديـاره ويغبـن
ومن شق ستار الناس شقوّا ستاره=ومن ضحك بالثرمان ضحك بلا سن

شالح بن هدلان

[فهد المويسه]

لا تأخذ الدنيا خراصٍ وهقـوات=يقطعك من نقل الصميل البرادي
لك شوفةٍ وحده وللناس شوفات=ولا واديٍ سيله يفيض بـوادي

عبدالله بن سبيّل

[فهد المويسه]

النوم رأس اللوم بان الردى بـه=واللي يبي الطولات نومه شلافيح
الذيب ما يرقد ورزقـه نهابـه=يدوّر الغـرات عنـد المصاليـح
واللي يبا الطولات يتعب ركابـه=والعز بأكوار النضا ياهل الفيـح

مريبد العدواني

[فهد المويسه]

ان كان يامدعوووج الاعيان حبيت= انا حقيقه احبلي شخص ثاني
شخصن على شوفه وقربه تمنيت= ماغاب عن بالي ولو هي ثواني

مبارك خليفه الخميلي

[فهد المويسه]

انـا عذابـي بالعيـون المظاليـل=يا ويل حالـي لا لمحنـي بعينـه
اقوى من الاعصار وأعذب من النيل=راح وتركنـي للسهـر والغبينـه
ايميل خلي راح ما يملـك ايميـل=وضاعت ليالي صاحبي مع سنينـه