[النمر1012]

ياسيرة الحب قلبي شرّع ابوابه
يهزّه الشوق نوبه من ورى نوبه


اجتاحته لوعة المشتاق لحبابه
منها استجد الغرام وزاد منسوبه


روض المشاعر بشعري فاحت اطيابه
وتعطّرت به فجوج الحب وادروبه


لعيون منهو خذا الخفّاق وعجابه
ينساب ودّه مع الشريان بعذوبه


شخصٍ هويته وثار القلب بسبابه
عليه مزن الوله ماوقفت انصوبه


اتهيّله في قصيدي وا تقهوابه
واهديه حلو الغزل واجدد اسلوبه


واغليه دام الغلاحكمٍ رضينابه
ماينّقض والعلاقه فيه مكتوبه


بأعذب غرامٍ وجد بالحب وكتابه
اسطورةٍ بالوفا والصدق محسوبه


الي هنا يكتمل نبضي ولاآبه
بالعاذل اللي نسج بالتفرقه ثوبه


مادام خلّي بوسط القلب يزهابه
يحرم علي من بنات الناس محبوبه

[وحيد]

أعظم "وجـع " بالحب لا صرت تشتاق


لـ اللي تحب ولا أنت قـادر تشوفه!


يكويـك "جمـرٍ" داخـل القلب حرّاق


زود ٍعلــى نــاره تهـدّك طيوفه!


لا مـرّ بعيـونك كمـا نـوض برّاق


مـالك مجــال إلاّ تســاير ظروفه


ياصاحبـي لـو بينـي وبينـك آفاق


نفسي معـك في كـل حالـة شغوفة


ما كنت "قبلك" خلف الإحساس أنساق


وإن شفت درب الحب أسكت وأطوفه


يلين جـاني منعطـف سيل الأشواق



بأمر الغرام اللـي سطت بي سيوفه


قاومت لكـن! خافـي الحب ماطاق


صابه صمـود ٍ زلـزل أجزاء خوفه


بغيـت أردّه بـس حسيـت بإخفاق!


في لحظـة ٍ"مـد" لـ كفوفك كفوفه


جا لك ولا كنت أحسـب الحب دفاق


لين أغرق الخـافق وسال بـ نزوفه


أثْــر المحبـة نبضهـا دوم سرّاق


دمي وهـو دمـي بجسمـي تحوفه!!


حاولت أداري حـب قلبـي بالأوراق


وأثْر الورق ماهـي أمينـة حروفه


سـلّ المشاعر من متاهات الأعماق


وأصبح يفسـرّ كل وضـع بوصوفه


يكتب تقاريـر الغـلا وقت الإشراق


وعند المسـا يعطيـك باقي كشوفه


يا"جامـع" ٍ حنيّـة الكـون بأخلاق


معـذور قلبـي لـو يضمك بجوفه!

[حنان الرشيدي]

إن كنت ناوي على النسيان طالعني !
يمكن تحس بكلام ٍ مابعدقلته !!

أنت أول أنسان أبكي له ويسمعني
خابرك تفهم سكوتي إن خان أسئلته!!

[النمر1012]

سلامي لسجن البعـد يـا حضـرة السجـان
و سلامي لـروحٍ تدخـل السجـن مجبـوره

[وحيد]

عد مآ بآلسمآ نجوم { وزود } قلبي زآدت همومه
طريح آلـشـوق متصوب جـريـح ولكني بـعد طـآير

أصآرع قوة آلتيآر ومآ همني لو ترميني سهومه
ولو أني تــرى مهموم عــلى آلـضـحـكـه أنآ ثـآير

أضحك لو بي همومـ(ن) تنفث من آلسم سمومه
وش تسآوي هآلحيآه وهآلكون آلمستدير آلـدآيـر

وآلله وآلله ومحمد رسـول آلله طـيـبـآت سـلـومـه
أنه مآ فـي شـي بآلـدنـيـآ لأهتمآمي تـرى عـآيـر

صحيح أبكي لأجل فـرقـآ وذآ طبع آلآدمي دومه
وصحيح أضيق وأتضآيق وأتكدر من حظي آلبآير

ولكني رغم هـذآ قليله شـكـوتـي بـ طيآت يومه
من له أشكي وأنآ وحيـد ومتمرد يقولون صآير

[الهلاليه]

|~



الامل" ماهو آماني .. الامل مرقى صعيب ,
لو أعاني ما أعاني .. ظني بـ الله مايخيب !
الامل " سر الحياة .. للي مولاه ( ابتلاه ) ..
يرفع الكف بدعاه .. ياإلهـي يــامجيب ..

[حنان الرشيدي]

لا تسأليني عن اللي جاي من عمري !
العمر قرّب فناه وماتت أزهاري.!!

لو كنت آكابر ترا مافادني كبري !
كثير مثلي بكيته داخلي اشعاري!!

ماهزّك الدمع لو كان البكا عذري !
واليوم تسأل بقايا [ عمري ] أخباري !!

[النمر1012]

أبأكتب بـدم القلـب بيتـن علـى الجـدران
و يبقـى علـى مـر التواريـخ اسـطـوره


ليـا صـرت حـي و ودك بلبسـة الأكفـان
فجـرب تعيـش الحـب و تسايـر شعـوره