[جفاا]

ي دعوتي لا جيت أصلي و أسجد
مكتوب لي : آحبك أكثر من أول
.
لا تاخذ الكلمة على محمل الجد :
لا عاد ترجع لي .. مثل : لا تطوّل !

[جفاا]

مطر
و الناس تركض
و إنت حاضنّي
.
بعد هالأمنية ما عاد أبتمنّى !

[جفاا]

ي رب الغيم : خلّه يمطر الغيّاب
ظما من غابوا لـ هاليوم ي ربي !

[جفاا]

ماعلّم الليل صدري إلا إنصهار الحيل
والتمتمة للصبح
مرة أغنّي بهمس
ومرة أفكّر بأمس
ومرات بين وبين
أسولفك للشمس
أو أحضنك لي عمر و لعتمتي قنديل؟

[جفاا]

البياض اللي تشوفه بِ النوايا ؟!
كم يخاف الليل بِ العتمة يبيده !

ليه اجمل بنت تبكي .. لـ الزوايا ؟!
ليه اكثر بنت تحتاجك .. "وحيده" ؟!

[جفاا]

ابركض فـ المطر
وابتلّ
إذا ارعبك المطر ليله !
انا ارعبني الجفاف سنيين

[جفاا]

هات صوتك
دوزن الدنيا بـ نوتك !
قول كلمه !
أي كلمه !
والله إن الصبح ظلْمه !
كلما طوّل سكوتك !

[جفاا]

أريحوا أرواح الموتى بالدُعاء،اللهم اجعل لهم في جنتك مُستقر.💭