[ذبحني غروركـ]

لو كل غالي يجي دايم على ذكره

ماصرت اشوفك هناك ، وحبك هنيا

ياليتني لا بغيت اكره قدرت اكره

ماكان قلبي ليا جيت اكرهك عيا

[آهــذريــبــك]

تبسم للزمن تكفى ترى صمت القهرحراق



.وحذاري تذرف الدمعه لو النفس مجروحهـ

[عبد العزيز]

لاتعتذر ها القلب ينسى بسهوله
مافيه داعي يشغلك من نسيته
طفل الهوى عداىسنين الطفوله
بس انت بعته للاسف ماشريته
تقول وادري ماتقوله تطوله
قريت عذرك ليتني ماقريته
أكذب وأصدق كل شى تقوله
لو قلت لى جيت القمر قلت جيته
ابشرك كل الامور محلوله
(..........)بجيبك لا بقيته لقيته

[ذبحني غروركـ]

محد يلوم اهل القلوب المشافيق
الرجل تركض لين يوقف اجلها
الحب هو ساس الشقا للعشاشيق
والناس بالايام ياطول املها
من ذاق عشرة لابسات العشاريق
ما طاعته نفسه لو انه عذلها

[عبد العزيز]

هداك الله لو تعرف غلاك وكم لك مقدار
.............تضيع بحب من حبّك وترمي حالتك يمّه

أنا مالي أحد غيرك أحبّه واكتب الأشعار
............ولا غيرك سكن قلبي وخلآ الحال منسمّه

[ذبحني غروركـ]

اعشق سميك في البزارين وادعيه
واقبل خطاه الا اخطى واتلقاه
واسمك يروعني اذا مرّ طاريه
واحب ملقوفٍ يسولف وطراه
وامرّ بيتك من بعيدٍ ولا اجيه
وانا لو انه في يدي ماتعداه
وصلك يخيط الصدر والبعد يفريه
ويابري حالي كان صديت برياه
ويلي على ادري حبنا ويش تاليه
وويلي على ادري وش ورى الغيب ويلاه

[عبد العزيز]

آخذ نفس ،واعوذ من وحشـة الخـوف
وصدري متى ماعسعس الضيق ،، سرّاه
محروم من نفسي ، وبالنـاس مكلـوف
وأصبـر واسولـف بالفـرج واتحـرّاه
سرّي خـذا منـي ، مواثيـق وحلـوف
وكل ماسترتة صدق الاحساس - عـرّاه

[ذبحني غروركـ]

غيابك ..وحزني ..وجرحي ..وبيتك
.......والحب ..ودموع الوله ..والعصافير!!
كل ما اصد عيوني عنها .. لقيتك
..... وشلون ابقضي .. باقي ايامي بخير!!