[سعد بن عادي]

على كثر ما فقدتك في اخر اربع شهور
على كثر ما لقيتك حـيّ بيـن أضلعـي

تغيب بالصوت و الصوره لكن لك حضور
ينوب عنك بغيابـك و يتواجـد معـي!!

[سعد بن عادي]

بين خط الدفاع و بيـن خـط الهجـوم
كل هجمـه تجينـا نعـرف أسبابهـا

و بين برد الظلال .. و بين حر السموم
والله ان الهبايـب مـا شقينـا بـهـا

بان وجه الظلام و غاب نـور النجـوم
والكواكـب مـواكـب دار دولابـهـا

آه يـا قلبـي اللـي كبلتـه الهمـوم
عقـب عنـه السعـاده قفلّـت بابهـا

عاشقِ طاح ما بين الهوى .. و السلوم
والخطيّـه لا ودّاهـا .. ولا جابـهـا

ما يقيّد عـزوم اللـي يحـث العـزوم
غيـر لا غشّتـه نـاس ٍ تعزوابـهـا

[سعد بن عادي]

ياللي ضويتي هلا و الخير بعدك ضوا ..
يامرحبا بك من احساس المحب .. لـ محبّ

شوفآ ضمى عن وصالك ! من فراقك روى
ما احلا الجفا .. يوم جمعنا معاً ، وإنسحب

انسي زمان الغياب بكل شي احتوى
البرد جمد لي ضلوعي ، ووجهي شحب

حطي يدك في يدي والبرد ماله لوا
قولي له تجمّد ضلوعه .. وصدري رحب ؟

بنشكل الغيم بيدينا و نسمر سوا
ونروح فوق النجوم .. وفوق ذيك السحب

و نعلم اهل الهوى وشلون طعم الهوا
ونثبت غلانا لبعض ، ونبيّن انّا نحب

[سعد بن عادي]

صوتي حزينٍ .. من تباريح الأيـام
يا معلّقٍ حزني على حبال صوتـي

اشعر بما يشعر بها كـل منضـام
واحسّ .. وآنا في حياتي .. بموتي

تجذب مكامن لوعتي زرق الأوهام
وانسى ملذاتي .. وشربي .. وقوتي

حبك ، وشوقي لك ، وزافات الأحلام
تمخّضت منها .. شـوارد بيوتـي

رجم الغلا يهوى ذعاذيـع الانسـام
وانا بغيت اصمد .. واواصل ثبوتـي

لكنّ حظي منقسـم تسعـة أقسـام
لين انقطع صوتي .. وخيّم سكوتي!

[سعد بن عادي]

النار في راس الجبل والعود في عين الحسـود
وأم الكباير في طرفهـا .. ماتملّـص عودهـا

مير أرسلي وأسترسلي وأستبسلي وارقي سنود
أما النصر ولا الشهـاده ، لاقبـس بارودهـا

[سعد بن عادي]

انفجرفي صدري البوح باعجوبـه
والتفت حزني على حزنـي الثانـي

وانكسرعزمي تحـت نارمشبوبـه
وقمت المه في ضلوعي ويصلاني

واستهلّت دمعة العيـن مرعوبـه
ماتبي تنزل علـى نـار جيرانـي

وثارفي وجه المدى دين ..وعروبه
ورحت اعزي دايمي واشجب احياني

حالنا مزري ..والأوضاع مقلوبـه
من تركنا الخالـد ونطـرد الفانـي

صفحة التاريخ بالخـزي مكتوبـه
ياحفيـدي جنـب اللـوم جدانـي

والحقوق بكل الأشكـال مسلوبـه
انس كل حقوق الانسان وانسانـي

لامتى وأحوالنا شبـه منكوبـه ؟
لامتـى واراوحنـا شبـه مجانـي



.

.

.

[سعد بن عادي]

امّا يجيلك في سما العز رايات
وإلاّ أنبسط وأرتاح فوق البسيطه

تثبت ولا تهتز وسط الملمّات
اللي يطمنّ البحور الغويطه

[سعد بن عادي]

كنت أواسي الآخرين عند فقدهم بجملة لاتمت للمواساة بصلة

" الله وهبنا نعمة النسيان والحياة تستمر "

حين تجرعت لأول مرة في حياتي مرارة الفقد أيقنت أن الحياة فعلاً لا تتوقف بفقد قلب مُحب


" ولكنها لا تستمر كما كانت من قبل أبداً "