![]() |
|
خيارات الموضوع | ابحث بهذا الموضوع |
كيف انت ياللي... فوق ربي معليك؟ لو شلت عمري! كل عمري حلالك؟ لولاك غالـي؟ مـا قبلنـا تغليـك! والمشكلة موتي؟ ولا أقبل بدالـك! عانيت من فرقاك؟ ولا قلت بنساك! ولا قلت بغيابـك! بـدوّر بديلـك؟ لين الليالـي! علمتنـي بفرقـاك؟ ترى الغياب إن طال؟ خانك خليلك! يا نجوم الليل قولي؟ للبدر يلطف علينا.. ثم يناظرنا دقيقة؟ غيرها لا مـا نريـد! لا يلوم اللي يحبه! حتى لو ماهو يبينا.. والله انه؟ مثل ماهو؟ خالقه ربي وحيد! له غلا؟ في وسط قلبي ما تغيره السنينا لين تسمع بالبروده؟ ذوبت طنّ الحديـد! أترجم احساسي؟ على بيض الأوراق.. كلّه لأجل ينسـا؟ خفوقـي عذابـه! أدّري تفارقنـا؟ ولكنّـي.. أشتـاق.. واللي ضماه الوقت؟ يطـرد سرابـه! كم تولهني الليالي؟ من بعـد مـا غـاب زولـك! كيف أبشكيك اشتياقي.. والوله.. وأصعب سنيني.. قلتلي؟ بغيب ساعه.. وصرت شفقان لوصولـك؟ صارت الساعه سنين(ن) وينها الساعه ووينـي! ان كنت زعلان؟ انتعاتب! بس؟ قرّبلـي حلولـك.. أسألك بالله! جاوب؟ ضايقتـك أهـداب عينـي.. العشق طفل(ن) ماله أيـة قوانيـن! يلعب بقلب اللي.. يشوفـه ويرميـه! شفته وأنا عمري؟ مع الناس عشرين! وللحين أحاول؟ ما حصلـي أحاكيـه! الودّ؟ ودّي.. ألتقي فيك يا صاح... وأخبرك وش هي؟ حياتي بدونك! اني؟ الامنك.. تجي انت؟ مرتـاح! واني أعاف العمر.. كلّه؟ بدونك.. الحب ظالمنا؟ تبي الصدق (( مظلوم )) لأنه بصراحه! يجمع قلوب؟ بقلـوب! حنا؟ قتلنا الحب.. يا حـب مرحـوم! يا كثر ما ترخص؟ بلا ذنّب؟ واذنوب! خذها من اللي؟ يعرف العرض والطول؟ اللي؟ يقيس ف(( بكسله )) كل ملّـي؟ خذها من اللـي؟ مـا يغـره ولا زول؟ ولا يغره! كـل مـن قـال؟؟ خلّـي.. الغالي؟ الغالي.. و لا هـو بمجهـول؟ اللـي لـه بقلبـي؟ مكانـه وحلّـي.. ان جيت للغالي؟ يجي الهرج.. معسول! وأسمّعه شعّري؟ بأغانـي.. وشلّـي.. وان غاب عن عيني؟ فأنا دايم أقـول؟ ان جيتني؟ خلّي؟ واذا رحت.. خلّـي.. متعود(ن) أزرع؟ من الورد! ويموت.. والا يجي غيري.. ويقطف زهـوري! يعني الفرح؟ لحظه! ولحظات؟ ويفوت! وأداوي العالـم؟ وكلـي كـسـوري.. أوهمني انك؟ عاشق(ن) كل مابـي! وأنا أعشقك من غير مانتي تقولين! ما اشتكي ظلم؟ وجروح وعذابـي! جيت أشتكي؟ وين المحبه وأنا وين! عطاك ربي؟ فندق(ن) بألف بابـي! كل من يجي يسكن؟ بليّـا قوانيـن! وأنا الله أشقاني؟ وشبّت بشبابـي! قلبي قبرّ ياخذ؟ ولا ياخـذ اثنيـن.. الحال؟ لا تنشد عن الحال يا صاح! حالي تحلحل؟ من حلاها وحـلّا.. يا صاحبي قالوا؟ لكل قلب مفتاح؟ ومفتاح قلبي؟ في يديه؟ وتغـلا.. إليا؟ نسيت اللي يحبك! ويغليـك! في ذمتك.. جاوب بصدق وصراحه! هل تعقد هذي.. مبـادي مربيـك! تحرم حبيب(ن) عاشقك كل راحه؟ الوله؟ والشوق؟ واحروف الغرام.. تنتثر؟ في دفتري.. لامن طريـت! يا حبيبي.. لا تشقينـي؟ حـرام! يشهد الله؟ غير حبك.. ما بغيت .. اكبر دليل(ن)؟ في تِزايِد عذابـي! توّي من المشفا؟ طلعت بسلامه! زود الهموم اللي..تطول السحابي! لاهو درى عني! ولا ادري علامه! العطـا؟ فعيونـك اللـي فاتنـه! والوله في وسط.. جوفي يا غلاي! المشكله؟ ماهـي بإنـك ساكنـه! في وسط جوفي! لا ولا هذا بلاي! المشكله؟ يا روحي انك.. فاتنـه! وأنا غيور؟ وغيرتي! قلة حلاي.. النفس عشاقه؟ وانا كيف بنسـاك! وانت اللذي أصلاً؟ وجودي وجوده! فنون الشعر وجنون الكتابـه! وفنون اتقان حرفي؟ وانتثاره؟ تبين لك عذاب اللي تشابـه! معاه وقوف حظه؟ وانعثـاره! لا تشتكي حبك على جملة الناس شكوى لغير اللي خلقنـا ذليلـه الوقت وان شانت عطاياه لاباس نصبح على عدله ونمسي بميله الليـل حظـي! والنجـوم الرفاقـه! وكل(ن) يبين! لمعته ساعة الضيق.. منهم ولا هـمّ الخفـوق احتراقـه! ومنهمّ أحبه.. لا ولا غيره أطيـق.. أستغفر الله؟ من كثر ماني أشتاق! أحس هالدنيا.. بدونك ولا شـي؟ مرات تلفيني؟ مع الطيف بارفاق.. ذكرى زمان(ن) فات.. كلّه غباشي! ما زال حبك؟ يريش العيـن مـا زال! في وسط قلبي؟ وجاري(ن) في عروقي! حسبي عليـك الله؟ اذا طعّـت عـذّال! وحسبك علـي الله! اذا قـلّ شوقـي! آه.. يا أول عذابـي.. ويـا بدايـة حسرتـي! من حبيب(ن) ضاع مني! ضاع في وسط الزحام! شفته بعينـي تعـدّا.. وفـي توالـي نظرتـي! شفت لاحلامي نهايه! وقصري الشامخ.. حطام؟ من رحلتي عن عيوني! عايش بهـمّ ونكـاده! والسعاده فارقتني.. من رحلتي يـا حياتـي.. ليتك تردين روحي.. واحلا اوقـات السعـاده! تدري اني من رحلتي.. ماعرفت أجمع شتاتي.. بعض الاوادم؟ هرجته مالها وجه! حضوره مشابه.. عدمه وغيابه! اصبح مثل منهو؟ غبائه يتوجه؟ يرجي؟ بعد كفره! جزاء ومثابه.. الزمن يا خيتي... ما عطانـي مبتغـاي؟ اخذ اللذي معـي.. ليتـه أخذنـي مَعَـهْ! قولي وشهي حيلتي؟ بالهموم ووش دواي! بعثرته بمدمعـي.. راح الزمـن جمْعَـهْ! ما للفـرح بيـن الحنايـا.. مداخيـل.. لا شفـت خلّـي بيـن.. هـمّ ونكـاده! أضحك وأسولف.. وأطرب الصبح والليل؟ لا شفت خلّي! عايش(ن) فـي سعـاده.. الشعر هو فني؟ وانا فيه فنان.. ماغاب عني! لا ولا غبت عنّه! لامن ندهته؟ قاللي سمّ يافلان.. غيرك يناديني.. ولبيّت فنّـه.. تلومنـي يـوم المشاعـر تغنـي! في شوفتك؟ أحلا نغم في حياتـي... وشلـون لامنـك؟ تغيّبـت عنـي! وربي اشوف الكون.. أسفل وطاتي.. زمانك ان غرّك؟ وأعطـا زيـاده.. يعطي العطايا أيام..وسنين يجفاك! عزي لمن غرّه! ميـول القـلاده.. وأقفا ورى بيض الثنايا.. ولا جاك؟ صورتك؟ في عين الشراري.. مدايّنْ! حكّامهـا.. تخْضـع لطلـة جبينـك! ما وزنها.. فلس(ن) ودينار(ن) وينّ! ولا ساوت الدنّيـا! أظافـر يدينـك.. تبقين قدّوه! وآيـه الإنـس والجـنّ؟ ولا عاشت سنيني؟ وحيّ(ن) يهينك.. انتي.. أساس الحسن! والزيّن؟ والفنّ؟ وأنا أوّل انسان(ن).. تغنّـا بزينـك! وش حيلتي وانت؟ الحلا فيك يفتـنّ! واكتب ولا بيّن! قصيـدي.. بعينـك؟ ما عادت الاضواء تفْرق معايـه! وما عادت أنوار المداين تضويّ! وما عادت أقدامي توثْق خطايه.. دام الحبايب في طريقي تسـويّ؟ ألغام.. وأشواك(ن) تعثر وطايه! يا قلب توّ الدرّب؟ توّك.. وتوّيّ! لاحق على كثر الهموم وشقايه! لاحق على الضيقه؟ وتغيير نوّي! صدّك.. وهجرانك! عن اللي يحبـك.. أكبر خطا.. وأكبر قطاعه.. ونسيـان! أحلف.. برب البيـت؟ ربـي وربـك! ان رحت؟ والا جيت.. ماني بخسران.. الصبر؟ لو كـلّ المـلا يقدرونـه! كان الخطا ماطاح بين القرايـب.. احذر! حبيب(ن) قال تسوى عيونه؟ لن أكثر جروح الملا.. من حبايب! الصعب.. تجريحك انسان.. حتى ولو كـان؟ غلطـان! جامله؟ تكسب رضاتـه.. والله.. منتـه بخسـران.. احذر من اللي؟ تالية حبه افلاس.. اللي يشيّد لك؟ قصـور ومبانـي.. بكذبن وبهتانن! وبأيمان.. غمّاس! وتصبح حياتك! بين مجني وجاني.. فارس ولكن ماني براكب حصـان ولا جيت قوم ولا تحزمْت زيّـه! ولا ماسكن سيف وتنطحت فرسان لكن عسفت..من الجزيلات ميّـه! يابنت.. طال انتظاري! توّه..يهـزك حنينـك! الزين.. فيك انتحاري.. بين الرموش وجبينك! الفكر والتفكير! والهاجـس الحـيّ؟ يعطيك قـوه.. باقتنـاص المعانـي! والرجس والوسواس.. ومخالط الغيّ! يذّهب حياتك.. بين حلـمّ وأمانـي.. يا راس مالي! ويا بعد كل مخلوق؟ يا اجمل وأغلى؟ من عرفت بحياتي! بالله قلي؟ يا بعـد كـل منطـوق! من باع عمره.. وأزعلك يا غلاتي!؟ انتي غلاتي! وآخر الحب؟ والشوق! من زعّلك؟ زعّل عيوني! وذاتـي.. احبك يا بعد كلـي.. ولا بي عيشتي دونك! احبك يا بعد منلـي.. و أودّ اللي يودونك.. حياتي شمسي وظلي! لا تبعد بك ظنونـك.. أنا مانـي بمتخلـي! ولا بي عيشتي دونك؟ كلن ينام.. وراحة البال تكسيه! وأنا انام؟ وضيقتي تكتسينـي.. من واحدن؟ زاد البلاوي بلاويه.. في غيبته! كني؟ وحيد وسجيني! يارفيقي لا تغرك؟ بسمـة الوجـه العفيـف! واعرف ان الحب كذبه! ماصدق فيها وعيد! واعرف انه لو تولع؟ صاحب القلب الضعيف! ما تهنا في حياته.. وعاش في عمره وحيد! حكّم العقل وخفوقـك! لا تخليـه العريـف.. لان قلبك بالعواطف؟ يفتلك فتـل القصيـد.. عند الكرامة؟ ما قبلنـا الملاييـن! ولا خير في منهو تقبـل اهانـه؟ ودام القلوب اليوم! صارت نياشين؟ بهاجر بقلبـي؟ وبعْـدي ضمانـه! ماهو أنا اللي لا شريتـك ابيعـك ولاهو أنا اللي لا قسا الوقت خلاك ان كان منوة عينك انـي اطيعـك منوة عيوني ازعل الناس لارضاك لك بالغلا قصرن مشيد ومحروس كنت احرسه لعيون منهـو يـوده واليوم قصرك بين الاظلاع مديوس كل ما نويت ابنيـه بيـدك تهـده ماني ذكي يا بنت الاجواد لكـن كل شي في بالي بعيدن اطولـه كانه تغرك شوفة سهيل ساكـن رحتي ضحيّه من ضحايا سيوله "أمانه" لو يجور الوقت لا تنسى محبتنـا أمانه كل شي(ن) فات؟ لا تنساه واذكرني يا حبيبي في وصوفك تجتمع حلو المعاني كملك ربي فديتك مامـلا عينـي سـواك من حلاها ياحلاها تفتن قلـوب الغوانـي من يلوم اللي يحبك وانتي بعينـه مـلاك كأس حبك من يذوقه مايتوب يشهد اللي تملكينه في حشاي لا لمحتك كنه بصدري يـذوب قلبي اللي من عرفتك مو معاي يا بنت حبك بين الاظلاع منقـوش منقوش حبك بين الاظلاع تنقيـش حمر الخلايا صارت لحبك جيـوش تنقل غلاتك بين الأعضاءِ في طيش وبيض الخلايا صارت تسبّ وتهوش عن حب غيرك كلها نقاط تفتيـش مابي بديلك لو يقولـون مغشـوش لو خفّ عقلي وأصبح بخفة الريش مابي بديلك لو تدَخْـلّ بهـا بـوش ولو بدلوا طير الوحَش بالخفافيـش يالله يا علّام في كـل مـا فـات يا منشين فوق السحابه سحايـب يا خالقن فوق العبيـد السمـاوات ويا عالمن في كل حاضر وغايـب تكفيني كبار البـلا والمصيبـات وتكفيني إحراق اللهب واللهايـب داعيك انا يالله في كـل الاوقـات تغفر ذنوب اللي عن الذنب تايـب ثم ترزق اللي قارين خمس الابيات رزقن حلالن مـا تخطـاه عايـب يا ورده وسكر ويا نكهة التوت يا كل شيـن زان فيـك يتحـلّا لك الغلا باني على قلبي بيـوت وعقيدهم ولّى لـك الحـب ولّا جمالها غطا على بنت بيـروت ومن حسنها حسّن العذارى يشلّا الغلا شئٍ يوصل بعض الاحيان الجنـون ترجمة احساس مفعم بالمحبـه والغـلا لو يغيب اللي تحبه له غلانن ما يهـون ولا حظر من بعد غيبه راح حزنك وانجلا بخت من ترجم غلاته بين نظرات العيون وعزي لمنهو توفى ما سمع كلمة هـلا نهيتها! تلعب بقلبـي و تغتـال وتجزا وفاي وطيبتي بالخيانـه كذبت فيه الظن والقيل والقـال واللي حلف بالله صدق وامانـه لين العيون اللي بها كنت نـزال شافت علومك وش بعدها ضمانه العذاب اللي توطْن في خفوقي من غيابه والفرح كلن يعرفه غير انا ضيعت بابه والوله والشوق واللي بالحنايا يا عذابي يا عذاب اللي تولع في حبيبه يا عذابه شفتي حياتن كلها جروح وآلام لولا الأمل ما عشت فيها ثواني تلعب الاشواق في داخل خفوقـي لعبة الارياح في مجرى سفينـه في بحرها سايره وابلا طروقـي والنجم خلف السحايب وش يبينه مثل قلبي يوم نادى من حروقـي وين عطفك يا حبيبي وين وينه رغم؟ كل اللي عملته بي؟ تمـون! لك غلا.. في وسط قلبي؟ منحصر.. هات همّك؟ يا حبيبي.. يالحنـون! أرضا في همّك؟ ولا أرضالك.. كدر.. جعّل من بكا عيونـك؟ يـا فتـون! يشكي أنواع الهمـوم.. وينتحـر.. "أشعار: عبدالمحسن الشراري" :::::::::::::::::::::::::::::
|
الـحزن فـي صـوتك ازعـج ساكني
لـين صار الكون من حولي حزين غـصب عـني حـزن صوتك هاجني لـيـن خـلَّـى عـاصي الـمعنى يـلين
|
الـحزن فـي صـوتك ازعـج ساكني
لـين صار الكون من حولي حزين غـصب عـني حـزن صوتك هاجني لـيـن خـلَّـى عـاصي الـمعنى يـلين
|
لعيونها ... بس لعيونها
قلبي سراب بدونها .. قلبي سراب ... وعيني سراب ما اقول أعشقها بعقل... مجنونها... البارحة مريت في أحلى الفصول صيف وشتاء.. وناظرتها.. وقلبي يقول هذي العيون إلى متى حبيبتي ياكثرها عيونك على هاالليل وين ما التفت اشوفها .. حبيبتي يازينها عيونك على هاالليل سحرني برق سيوفها.. ما أقول أعشقها بعقل.. مجنونها.. قمري .. يا شمس الذهب سفري وراء عيونك تعب قلبي تعب... وصبري تعب ومن الهدب لين الهدب... بحر ومراكب من لهب أمواج تبحر برضاه .. وأمواج تلعب بي غضب
|
يارفيق القلب مااصدق نســيـت
خابـــرك مهــما تعـذبنـي حنـــون لاذكــرت أيـامـكـ الحلـوهـ بكـيـت مـاتهـون أيــام ودكـ ماتهــــــون راحتـي ويـاكـ لامنــكـ صفـيــت فـي ثـوانــي كلــها بــوح وشـجــون لاقـريـت أنـت الـرســاله وانتهيــــت ودي أعـرف فـي حيـاتكـ مـن أكــون؟؟
|
بغني لعيونك .. في حزني وفرحي
وبكتب عيونك .. قصيده لجرحي واخلي ابتسامك .. دموعك كلامك قمر هالسوالف في ليل السكوت .. ولو الف نجمه في عيني تموت .. في حزني أحبك .. ويأسي أحبك .. أحبك .. مأقول أوقات
|
ردي سلامي للهوى .. عذب السلام ..
وأغلى الأماني وللأمل .. كلمة ملام .. قولي له إني ما هقيت ... إني الى نحت وشكيت .. ترجع ليالينا سوى شوق وغرام ... سنين .. مرت وما أدري عن الأيام .. يقولوا تفرق الأحباب .. وانا أقول القمر ما غاب .. من أول يوم تواعدنا .. أثاري الوقت يخدعنا .. ويبعد عننا الأحلام .. قولي له إني ما هقيت ... إني الى نحت وشكيت .. ترجع ليالينا سوى شوق وغرام ... حبيبتي يا نظر عيني .. أشوف الليل ما بيني .. وبينك .. وكل الناس .. أحس فـ نظرتك معنى .. ودربٍ كان يجمعنا على الإحساس .. قولي له إني ما هقيت ... إني الى نحت وشكيت .. ترجع ليالينا سوى شوق وغرام ...
|
في دروبي رمل لامن جيت ساري= ينبت الأشواك لامن رحت ساري
صاحبي ماجيتك إلا وفي طريقي= من ربيع العام نوّار وخباري ولا تواعدنا وبه في الأرض زهره =ولا تفارقنا وبه للبرق طاري لا تأخر دام لي في العمر ساعه= ولا تقدم لين أشوفك في انتظاري الزمن ورده .. سهرت أحسب ورقها =وإن قضا ماجيت في دموعي عـواري حبـّني كثـر اللـذي نلقـى بوعـدنا= من ظلال وريح ونجوم وغـداري صاحبي مثل الخجل لو تكتسي بي= قبل أصير الشال يذهلني انحساري ياقريب البعد .. للشكوى أسامي= الجفـا .. والخوف .. وآخرها حذاري
|
يتصفح الموضوع حالياً : 20 (0 عضو و 20 ضيف) | |
|
|
![]() |
||||
الموضوع | الكاتب | القسم | الردود | آخر مشاركة |
سفيـــــــ الحـــب ـــــــــــــــــروالألفيـــــــــه الرابعه.., | الجــــازي | منتدى ملتقى الاعضاء | 25 | 27-04-2009 03:38 AM |
هل تفهم معنى صعوبـــة الحـــب؟ | نايف ابن عليثه | المنتدى الأدبــــــــــــي | 10 | 21-11-2008 11:15 PM |
(((( قفــــوا إنــه الحـــب .......... | وجـــــود | المنتدى العــــــــــــــــام | 20 | 20-02-2007 06:07 AM |
~@ابجــديــات الحـــب@~ | المغرم اليائس | المنتدى الأدبــــــــــــي | 9 | 08-12-2006 03:42 AM |
@آخــــــر الحـــب@ | المغرم اليائس | منتدى الشـــعــــر | 8 | 26-11-2006 11:07 PM |