[سعد بن عادي]

المرجله مثل حيداً صعب مطلاعـه
ماهي بضاعه من الأسواق مشريّه

لو كانت المرجله تشرى من الباعه
كان الهلافيت كـل ٍ جــاب كميّه

[سعد بن عادي]

يالطيف الرّوح لا تخلـف علـيّ النيّـه
ولاتعاتبني على صدّي وطـول غيابـي
جيت لك مشتاق و اقبلني على مافيّـه
لا تخلّيني كذا يا اغلى واعـزّ احبابـي
أنت ما انت ابغالي اغلى من حباب عنيّه
والله انّك منّي اقرب مـن زرار اثيابـي

[سعد بن عادي]

مريت بيته ..واستحيت ألتفت لْـه
معقول بعد أربع سنين إعرفنـي ؟!
مريت بيته ..والجروح أهتفت لْـه
تقول:شفني بعـد غيبتـك شفنـي
يااما تحت حدب الضلوع انزفت لْه
ويامااا سهرت.ومنبت الشوك جفني

[سعد بن عادي]

يا حبيبي كانـك ملـزّم .. ورايـح رايـح
لا تجاملني .. ومزّق صورتي .. واحرقهـا
هي كذا الاطلال .. تبقى في عيون السايح
والا انا بروح سامح .. وان رجعت احلقها!
.
.
.

[سعد بن عادي]

تصبح على خير .. والله معك ! وآنتي معي
ياليتها تصدق ...الآيام... ياليتها
تصبح على خير.. لاآآسف خطآ مطبعي
ياخير تصبح عليها .. كل ما جيتها

[سعد بن عادي]

آه يـاكـثـر الـشـقــا والــهــمّ وانــــت بـعـيــد عــنّــي

ويـاثـقـل دمّ اللـيـالـي لـــو هـــي تـمــرّك سـريـعــه

اعتـبـرتـك رغـــم تقـصـيـرك مـعــي فـيـنـي ومـنــي

ورغم نزف الجرح احس انّك رجا العمر وربيعة

كـل ماضـاق الصـدر فـي غيبتـك قلـبـي سألـنـي

لـيـه بغيـابـك يضـيـق الـصــدر والـدنـيـا وسـيـعـه

[سعد بن عادي]

ياخفوقـي مــا آحــدٍ نــال المطـالـب بالتمـنـي

سايـر ايامـك مـادام ان الشقـا راعـي طويلـة

الطـريـق الـلـي لـيــا مـنّــك مشـيـتـه مايـعـنّـي

وش تـرجّـى مــن وراه الا عـطـايـاه الهـزيـلـة

ماعليك من التعب لـو خالطـه ظلـم وتجنّـي

احتسب كل التعـب لعيـون مهرتـك الاصيلـة

خلها تعرف وش اسباب الهيام وتعرف انّي

لاتعلّقـت بـغـرام انـسـان اغـامـر لـيـن اجيـلـه

خلها تعرف متى خاب الكـلام وصـاب ظنّـي

وخلهـا تعـرف وش الغايـه وتبريـر الوسيـلـة

[سعد بن عادي]

ودعـتــك الله وأمــــان الله وتـوفـيـقـه

في رعايته عـن بـراد الوقـت والكنّـه

عسا دروبك سعه ما تلحقك ضيقه

وعسـا حياتـك فـرح وآخـرتـك الجـنّـه

مــع السـلامـه وخــذ فالـجـوّ تحلـيـقـه

واكفخ جناح السعد مال الزمن منّـه

وصـيــة الـقـلــب لاوصــــى معـالـيـقـه

احفظ فروض الصلاه وطبّق السنّه