[سعد بن عادي]

والله ماكنّها ألا قطعةٍ من حشاي
اعيش بوجودها واموت بفراقها
سحابةٍ بللت روحي وغطت سماي
ياليتني بين راعدها وبراقها

[سعد بن عادي]

للشعر لوحة غرام وروح شعريه
يرسم بها الشاعر اإحساسه لقيفانه
والمدح في الناس مثل الشمس والفيه
مابين عد الصحيح وبين بهتانه

[سعد بن عادي]

القلب! مِزْن وْ صادق النبض! هَتّان
على وصالك بالشرايين خَيَّل

ودّه يودّيني على بابك الآن
وآجيك واَستمتع بشوفك.. تَخيَّل

[سعد بن عادي]

نشوة رضا رشفة وهم نكهة احزان
(احساس مدري ويش اسميه جاني)
من كثر احس اني مع احساسي انسان
احس ان احساسي انسان ثاني
اسمع بصمتي عزف موسيقة اوزان
وارسم صداها في ضلوع المعاني

[سعد بن عادي]

لا حشا ست البنات ونظرتـك ذباحـه
وبسمتك مثل الـدوا لمكابـد الالآمـي
بس تبغين الصراحه (والصراحه راحه)
كل مابالمسأله مانتـي فتـاة احلامـي

[سعد بن عادي]

يا معاناة المواطن لو رئيسه هندي
سعوده لا جمّل الله حال من قررها
ماخذٍ كل الدعاوي بالحسد والعندي
لويزّيت شعرها ما قلّم آظافرها
لوتقول العلم عندي قال (مافي اندي)
يمسك افكارك ويلطمها على صاطرها

بطّل الفلفل وقام يسابقك علمندي
والقصايد لو درى عنها غدى شاعرها
يامتى نفتكّ من شلة (كومار افندي)
والديار اللي ماتحتاج اسمه يغادرها

[سعد بن عادي]

بعض النفوس من الحزن تشره على بعض النفوس
غير النفوس نفوس لاتشبع ولاهي ترتوي
ياليت هالعالم سوى فالحزن حتى ماندوس
على مشاعر غيرنا وقلوبنا ماتنكوي

[سعد بن عادي]

سويـت فيهـا سيّـد العـرّافـه
وعرّضت راسك حذفـة الحذّافـه
ياليـت تفكيـرك مثـل تفكيـري
واقول : رجل ويحتمي ميقافـه !!
مانيب يمّك !! والخبيـث الناقـص
يشوف شـيٍ ماحـدٍ قـد شافـه
لكـنّ طبـع العالـم الملقـوفـه
موسوسه .. متّعقّـده .. خوّافـه
ابـو خطايـا مايعـرف القصّـه
وفضـح خفايـاه الكـلام التّافـه
مير أسترح ياثور جنب صحيبـك
لاصارت وصوفك (كوبي) لأوصافه
وحاول تشيل الأرض فوق قرونك
والاّ تغرف البحـر بالمغرافـه !!