[النمر1012]

الي غلا أحلى الهدايا في الزّمن لما لقيتك
سبحان ربي كيف جمّعنا القدر
من بين كل الناس والعالم شريتك
نقّيت قلبك بين أزهار ودرر
من نخْب كاسي والهوى آنا سقيتك
ورويتني ابحلو المعاني والنثر
في ضامري أخفيت لك حسّي وخفيتك
ولبّستك إحروف القصايد فالنحر
أغليت قلبي يالظنا وانا غليتك
وصبحت روحي سيّدي ونت النظر
أشْعلت بك نار الغلا لما جفيتك
وشعلت لي شمْع الليالي والسهر
ليت المشاعر توصلك منّي وليتك
إتشوف قلبي في هواكم منجبر
آمر تدلل لي تبا منّي عطيتك
عَلْنِي فدا روحك عزيزي والعمر
سبحان ربّي كيف جمّعنا وهويتك
آحس يمّك بالسعاده والفخر
ما غيرك إنته بين هالعالم فديتك..
.. بس ؛ يا هوى قلبي وحروفي والشعر

[عنقود البدو]

للزين

مافيك حيله شاغلن كل فكري
وفالك من الخفاااق مليون ورده
كل القصاايد نبضها فيك تدري
وابداع شعري دايم لك مرده
محيط حبك صااار مرساه صدري
ياجزر قلبي ياااغلاته ومده

[النمر1012]

الي الجوري يلي من هب نسناسي
جميل ٍ بارد ٍ جنه
يذكرني بلنعاسي
وخد ٍ زاهي فنّه
وشيل ٍ فوق ع الراسي
كسن زلفه وغطنّه
وحواجب سود ٍ أقواسي
حروف الدال خطنّه
يلي منه مشا داسي
شرات الحور فالجنّه
وصوفه يك ولماسي
وماخذ هالذهب منه
جداهم باحت أطراسي
وشعري فيه يتهنّه
فداري وبين يلاسي
حشا ما أبتعد عنه
فقلبي دوم رماسي
وعيني وروحي يفدنّه
فليلي صار نبراسي
وصبحي صار لي غنّه
مقاتي يا ملا ووكاسي
صباح وليل يسقنّه
لنفسي صار وسواسي
يراود من صفر سنّه
شهيقي وزفرة أنفاسي
تنادي إسمه ابحنّه
شعوري فيه وحساسي
أبد ما خيبو ظنّه
منايه ومطلبي وساسي
وقلبي حيل مهدنّه
وحوله جند حراسي
كتاب الله والسنه
يلين المجرم القاسي
ويشفي القلب م الونّه
حشا ما يعرف الياسي
ضعاف النفس يعزنّه
فريد الوصف والناسي
فقربي دوم أتمنّه
وحبه ماله إقياسي
فبعده الروح مشجنّه

[عنقود البدو]

للزين

طبيبي ضقـت بغيااابـك.. حبيبـي حيـل انـااا مسكيـن
وانااا جـيـتــك بهالـلـيـلـه وتـكـفــى لا تخـلـيـنـي

وانااا لامن نطق تكفى عطيته لو طلب هالعين
واجــوود بـكـل مايمـلـك خـفـوقـي وتـمـلـك ايـديـنـي

[النمر1012]

الي الجوري
لك طلة ٍ يخضع لها انس وشياطين
ويمكن تكون لهم ضياع ومصايب
تحتار في وصفك عقول الفطينين
واللي تجرأ ياصفك .. رد خايب!
تدري .. ولو كل البشر بالموازين
وانته بكفه .. حلقّو للسحايب!!
عليك اخاف اشياء من ايسار ويمين
حتى المطر خفته .. وخفت الهبايب!
ادعي الولي .. واطلب منك كلمة ( آمين )
نبغى نعيش .. وندفن .. اصدق حبايب!

[النمر1012]

الي مساك ورد
هل احبك تسألين ؟ وهل انا بحبك خبير.!.
صدقيني ماعرفت الحب لو طبعي يقول.!.
شوق لقيا مع هيامٍ ساحر وقلبٍ كبير
فيض شاعر مع رومنسيّه ونظراتٍ تطول
كل هذا طبع فيني..يتبعه شيٍ مُثير
من سحابه خيرها يبدا بعد وقت الهطول
اسمحي اجمع كنوزي في حدودي واستعير
من خدودك لونها واهدي لك الدّره ولول
وابدي احساسٍ غريب إني من الفرحه بطير
يوم قلتي عن كلامي زهرةٍ بين الفصول
يوم حيتني ابتسامة عطرها نسمة عبير
ماسترتي سحرها عني على وجهٍ خجول
لاتجي منك الملامه..غايتي فوق الأثير
الوسيله مبتغايه فيك يالظبي الجفول
باعترف لك بالهوى..وإني ورى حُبك اسير
اتبعه رغم المسافه ماشيٍ خطوة عجول
إن عطشت اشرب هيامك واسكرك سكرٍ كثير
وإن تعبت اغفى على رمشك (عسى نومي يطول).!.
إن عطشت اشرب هيامك واشكرك شكرٍ كثير
وإن تعبت اغفى على رمشك (عسى نومي يطول).!.
لو غفى رمشي على ذكرك..حلمت اني أمير
وإن صحيت اتبع غرامك قاصدٍ شط الوصول
ان سألتيني احبك فوق هذا \" ايه \" اغير
احسد النسمه على شفّه حواليها تجول
بين حلمٍ وأماني ساقنى نفس المصير
(هائمينٍ ذائبينٍ ) في هوا بنت الاصول

[عنقود البدو]

مريض مرض قلب وعيني شقاويه
ومبطي واناا من لذة النوم متجاااافي

[عنقود البدو]

للزين

على بحة هذاااك الصوت توله مسمعي المحروووم
وش أحلى من ألووو مرحب حبيبي إشتقتلك وينك