![]() |
|
خيارات الموضوع | ابحث بهذا الموضوع |
الميدان صعب صعب جدا والاسباب كثيره ومعروفه الجمهور وربكة المكرفون والصفوف يا خوي الميدان ما هو على سعه الميدان تمثيل قبيله ما هو تمثيل اسم مجهول والخصم لايرحم ويمثل قبيله اخرى والنقاد لا يرحمون ولا تقدر تناقشهم |
طنطاوي اشكرك على هذا الموضوع
الذي يصب في مصلحة القبيله وهذا ان دل يدل على طيب معدنك اناا من متابعين الشعر ولي محاولات في الشعر ايضاا ولكن من وجهة نضري انه لا يوجد صفوف من نفس القبيله هذا دعم من الناحيه المعنويه 2ـــــ الاخوان الذين يقيمون حفلات يعزمون شعراا لهم ما يقارب 20ســـــنه وهم في ساحة المحاوره ولم يبرزو خارج القبيله 3ـــــــــــ يقترض الذي عنده حفل ان يعزم شاعر من كبار الشعار في الخليج من خارج القبيله ويقابله شاعر شاب من القبيله لكي يساهم في بروزه الاعلامي مثل الشاعر عبد العزيز دحيم شعرا كبار اشادو في شاعريته مثل ابن وسام والزلامي والسناني قالو سوف تظع بصمه في ساحة المحاوره ولكن اين الدعم من القبيله لماذاا لا يعزمونه ما هو السبب وهو شاعر عنصري من الدرجه الاولى وشاعر متمكن وعنده ثقه في شعره وشعره يشرف القبيله هذا 1 رقم 2راضي غالي ولكن اختفى عن الاعلام واسف على الاطاله |
|
المشكلة أني لم اتابع الموضوع من أوله ولكن من القرأة السريعة أتضح أن الطرح راقي وهادف ولكن النقاش في دائرة مغلقة ؟
ولي عوده أن الله كتب
|
|
[quote=طنطاوي;2314739]
وشعار الرشايدة بالكويت الاوائل مرشد والنصافي هم شعار الكويت بالمحاورة والنظم وربما تعدو الكويت والكويت لازال فيها من الشعار الرشايدة من فيهم الكفاية ولكن بالسعودية كان من اول شعراء المحاورة بالقبيلة ابن مربح ورشيد معدي وهم تعلموها من الكويت ومن شعار الكويت وانا متاكد من ذالك وهم لم يظهرو بالسعودية كشعار الا قبل مايقارب 30 سنة وهذا هو عمر المحاورة بالقبيلة من وجهت نظري وان كانوا الرشايدة بالكويت عرفوها من 100 سنة فهذا لا يعني انها معروفه عند كل القبيلة لان رشايدة السعودية اكثر من اهل الكويت خمس مرات او اكثر وانا ارى ان عمر المحاورة لايحدده وقت ظهور شاعر او شاعرين بالقبيلة بل يحدده وجود عشاق ومحبين ومتابعين ونقاد بالقبيلة ومن هذا المنطلق ارى ان المحاورة فتية عند القبيلة وشكرااااااا يازلمه
|
|
وش رايك بالرد الاخير يالمفتي
ومن وجهت نظرك لو اردت ان تعين شاعر محاورة للقبيلة من تعين ؟ وشكرا يازلمه
|
|
طرح راقي ورائع يا طنطاوي
انا كنت متابع لساحة المحاوره قبل كم سنه والحين متابعتي قليله ، بس للامانه شعراء بني رشيد كبار وعمالقه وفيهم الخير والبركه بس مشكلتنا نجيب محاوره سيئه لاي شاعر رشيدي ونقول شوفوا ؟ طيب اكيد كل شاعر له محاورات سيئه ومحاورات جيده ومستحيل الشخص يكون على مستوى واحد وهذا الشي في كل مجالات الحياه ماهو بالشعر بس . اول جيل شعري هو جيل مرشد البذال وعيد العريكه المهيمزي ( شاعر كبير بس للاسف العتب على عياله الي ماحفظوا محاوراته ) وصقر النصافي ، وهالجيل كان مدرسه وجامعه شعريه بمعنى الكلمه ، رحمهم الله بعدهم عيد بن مربح ومحمد الردعان ورشيد بن معدي وسليمان اخو سلمى من شعراء الجيل القديم وهم عمالقة في الشعر بكل امانه ، وعيد بالذات يضيع الشاعر الي قدامه ببيت واحد ويقلب المحاوره كلها عليه ، ولايهون ابن ردعان الي فيه كثير من جمهور المحاوره يصنفونه الشاعر الاول في المعنى . عبدالله الاشرم ، ناصر مرسال ، خالد عايش ، فرحان منصور ، دحيم الخياري ، وشعار واجد غيرهم ، هذا جيلهم يعتبر الجيل السابق ونجحوا بكل امتياز في اللعب ولكن كانت مشكتهم بالوصول الاعلامي رغم قوتهم الشعريه الا ان بعض شعراء القبايل الاخرى اخذوا شهره اكثر منهم والسبب الاعلام . ثنيان سرور ، اعتبر له جيل خاص ، وثنيان جاء بنهاية التسعينات الميلاديه وببدايه عام 2000 تقريبا بمحاورات المدينه المنوره وسجل ظهور اقدر اقول انه خيالي بس ما احس ان ثنيان مهتم بالمحاوره كثير ولا يمديه يوصل لبعيد الجيل الحالي فيه شعراء كثير عبدالعزيز الخياري ، سعد المحيش ، سالم القلادي ، حميد البريقعي ( الهواوي ) ، زايد ابن عدله ، وغيرهم شعراء كثير شباب لهم مستقبل كبير بأذن الله اذا واصلوا على الطريق وطوروا انفسهم طنطاوي فيه اشياء كثير تنقص الشاعر غير شاعريته للظهور ، منها واهمها الدعم الاعلامي واللوجستي له من قبل ابناء قبيلته والبعد كل البعد عن العنصريه المقيته الله يعطيك العافيه يا طنطاوي بس فيه توضيح للاخ ابو شرق
سلامتك يابو شرق ، وين راح افضل شاعر كان بالخليج كله ، وهو ( عيد العريكه المهيمزي ) الي كان في اول جيل للمحاوره وكان افضل شاعر بالمحاوره وله محاورات كثير بتبوك والمدينه وبحائل ولعب محاوره في حفل لبني عطيه تبوك مع شاعر حربي ، وكانت محاوره للتاريخ ، وعيد كانت معه صفوف رشايده كبيره ومحتمين الملعبه ، والشاعر الحربي اسمه نايف ولاقدر ياقف بوجه عيد وبعدها بداء بالتطرف بالمحاوره ، بس اللجمه ابن العريكه في ابيات ناريه ، وكان يشيل معها شيلات تهيض الجمهور ، والجمهور شاش معاه وبنفس المحاوره دخل شخص رشيدي وقال بيت وشالته الصفوف ، وبعدها راح الرشيدي ، ولايدرون وش سالفة هالرشيدي والبيت يقول .. ياقمر ليلة احدعش من الشهر واربع ليالي ...... في عدد وحساب والي يحسبونه يحسبونه وانتم سالمين جميع
آخر تعديل بواسطة حــزام ، 14-06-2011 الساعة 09:05 PM.
|
|
بارك الله فيك يحزام والله لا يهينك زودنا بمحاورات عيد المهيمزي
والحقيقة انا اول مرة اسمع بهالاسم ويمكن السبب قلة اطلاعي وشكرا يازلمه
|
يتصفح الموضوع حالياً : 1 (0 عضو و 1 ضيف) | |
|
|
![]() |
||||
الموضوع | الكاتب | القسم | الردود | آخر مشاركة |
المفتي طنطاوي وش يقول | طنطاوي | منتدى المحــــــــــــــاوره | 45 | 19-06-2012 07:57 AM |
المفتي طنطاوي المفتي طنطاوي | طنطاوي | منتدى المحــــــــــــــاوره | 15 | 20-05-2012 05:14 PM |
تعالو عند المفتي طنطاوي | طنطاوي | منتدى المحــــــــــــــاوره | 36 | 03-09-2011 03:30 AM |
يقول المفتي طنطاوي | طنطاوي | منتدى المحــــــــــــــاوره | 49 | 20-05-2011 10:40 AM |
المفتي طنطاوي وده يلعب | طنطاوي | منتدى المحــــــــــــــاوره | 54 | 29-04-2011 01:59 AM |