[سعد بن عادي]

كلّ عـام ، وموطنـي فالكـون زاهـر=وكـلّ عـام ، وكلّنـا نفـدي تـرابـه
موطني .. متقدّم ، وشامـخ ، وطاهـر=غصب عن خشم .. العصابه ، والعصابه
نفتخر بـه ، والفخـر باطـن وظاهـر=لـو ، تمـوت الاسئلـة دون الإجابـه
والوطن محكوم .. في ظـلّ الشواهـر=بامر رب الناس .. فـي محكـم كتابـه
تحت حكم اللـي يقـوده ، قـود ماهـر=ذيب ، يحكم مـن عبـاد الله .. ذيابـه
وكلنـا دون الحـدود .. نظـام ساهـر=واعـذاب اللـي يتهـوّر .. واعذابـه

[أثير الشوق]

اقتباس من مشاركة سعد بن عادي مسرح جريمة قصتي اكثر غموض مـن الحريـق اللـي تضيـع بـه الدلائـل والقرائـن والتـهـم مافيـه امـر مـن الصديـق لياتنكـر للصديـق ولافيـه بالدنيـا اهـم مـن المهـم الا الاهــم الياصرت بالحالـك فريـق وفيـه قدامـك فريـق وتخاف بكـره لانهزمـت يقـال مسكيـن انهـزم خذلـك طريـق تظمـن انـه بالنهايـه مايضيـق وان طعت شوري خذ طريق الله ترى مابـه نـدم وانا استخرت الله وعينـي خايلـت قمـة طويـق القمـه اللـي فوقهـــــا رفـرف للامجـاد العـلـم والله لعانـق راسهـا مادامنـي حــر طلـيـق حــــر اليامنـه شلــــع مـن سرعتـــه مثـل السهــــم ماعادت احلامي على خبرك ترى خبـرك عتيـق وان شفت بعيونك هرم , حلمي على راس الهــرم لي مده احلامي من العالي علـى الجزلـه تويـق صافحت كف المستحيـل وقـال : مـد ام الشحـم انا بـرئ مـن اي حلـم يلبـس ثيـاب الرقيـق ان ما امتــطى صهـــوة جـواد العـز بالله واعتصـم اقسمت ما انسى واجبي واخترت لـي درب يليـق وانـــــا هنــا والا هنـا مــا انســـى انــتمائـي والقـســـم مادام نيشان الفخر له في سمـاء صـدري بريـق وشلون نيشان الولا اللي داخل القلـب انرسـم!! جدي وابوي معاهديـن الديـن بالعهـد الوثيـق وانا على نفس الطريق اقسمت والوضع انحسم..!! والوضع انحسم والوضع انحسم والوضع انحسم والوضع انحسم

ممتاز
شكرا لك

[سعد بن عادي]

اقتباس من مشاركة أثير الشوق ممتاز شكرا لك

العفو وشاكر مرورك .

[سعد بن عادي]

سجه مـع الهاجـوس طبيعـة ٍ لـي=طبيعة ٍ بامـوت مـا جـزت عنهـا
أشكي على الخلاق وأرفع لـه إيـدي=لا كثـرت الأفكـار يـفـك منـهـا
أما الكرم قد فـاز بـه حاتـم الطـي=حتى الفرس من شان ضيفه طعنهـا
خلوني أكرم في حياتـي وأنـا حـي=ولا مت ما أدري جثتي مـن دفنهـا
خلقت في الدنيا وأنا ما معـي شـي=وأباروح منها ما معـي شـي منهـا
مسكين ياللي تحسب الواجـد شـوي=والعافيـة لـو تنشـرى وش ثمنهـا
يا جاهل الدنيا تراهـي كمـا الفـي=يامخبـل اللـي فـي حياتـه ومنهـا
إن ناحرت لك قامت تـروح وتجـي=مثل الذلـول اللـي طويـل ٍ رسنهـا
وإن أدبرت خلتـك طايـح ومرمـي=وكم واحد ٍ له حاجـة ٍ مـا ضمنهـا
لا بد مانرحل عـن المـزح والغـي=ونسكن بيـوت ٍ قبلنـا مـن سكنهـا
النفس مثل الغصن عايش على الري=ولو لاه كل النـاس عافـت وطنهـا
يالله عسى الحسنات تقضي على السي=لا قرّبـوا للنفـس ذرعـة كفنـهـا

[سعد بن عادي]

ياشاعـرة جيلهـا يافاتنـة جيلـي=ماني مقدملك اعجابي على الطايـر
خليني شوي لين آقف على حيلـي=واهدا واروّق ويركد دمّـي الفايـر
والا افهميها حسب فكري وتحليلـي=وان سرت لاتنشديني وين انا ساير
مادام سيلك مع الوادي جرف سيلي=مجبور اوقف واقاوم حملي الجايـر
ماودي اضرب نهاري في طرف ليلي=واصير قصه مابين العضو والزايـر
لذلك احسن لي من الحط والشيلـي=اطفي الكمبيوتـر وامصـع الوايـر

[سعد بن عادي]

سد مأرب شقه الفـار يـا نايـف

وأنت كل اعلوم ابو زيد توحيها ..!

قلتها لك وانت فالمرقـب النايـف

تاخذ اعلوم النشامـا وتعطيهـا ..!

[سعد بن عادي]

قرب يدينك والمس الجرح بشويش=الي ضلوعي منه صارت تهاوى
عطني حنانك كان تبغيني اعيش = ما هوب عيب ان المريض يتداوى

[سعد بن عادي]

تآملي / بي كان ودك تعرفين=اسباب شيٍ حال بينك /وبيني
بعطيك نبذه عن حياتي وتدرين=عن سري الغامض /معك وافهميني
اخذت / من عزة شموخي عناوين=ترسم على طول الزمن في جبيني
لي حاجةٍ عندك / ولا قلت تكفين = لو مت من حبك / ما اقول ارحميني
مرات لا غبتي /اردد متى تجين=واحيان / افكر كيف اقول اتركيني