[الشاطئ المهجور]

خلّ دلة غرامك فـوق جمـر الغيـاب
لاتصب لخفوقـي ليـن حتـى تفيـح
صدّع القلب من طرد النظر للسـراب
خلّه شوي من هول الزمن يستريـح
دنية الناس ماتسوى جنـاح الذبـاب
هوّن النفس ويهون الضمير الجريـح
وصك باب الجروح وفك باب العتـاب
وخلّ راسك يقوم وخلّ صدرك يطيـح
والله انّ المحبّه راس مـال السحـاب
ووالله ان الصراحه راس مال الصريح

[الشاطئ المهجور]

ياطول ليلي بعض الاحيان طولاه
والـشـمـس عـيّــى نـورهــا لايبـيـنـي




من كثر مايجفانـي الوقـت واجفـاه
طقطقت لين أتعبت أصابع يديني

[الشاطئ المهجور]

الوضع عادي ولابه شي متغير
............................. امسي على هم ويصبحني الثاني
الهم رابي بقلبي عاده صغيـر
............................. لين اعتبرته بقلبي حسبة اخواني
لاغاب عني دقيقه جيته مسيـر
............................. وان غبت عنه يجيني لاتباطاني

[الشاطئ المهجور]

يا غايبه وإن كان في خاطرك شـي
هاتي سؤالـك وأبشـري بالإجابـه
أنـا بدونـك شمعـة مالهـا ضـي
وأنا سمـى فاقـد حنـان السحابـه

[الشاطئ المهجور]

لاصرت تقسا وتبعدني وتطعني
نذر ٍ علي ما تعل مياهي ظعونك


رح جعلك امحق غرام ٍ يامغرمني
وضريبة الحب ادفعها من ديونك


علمني انساك ولا لا تعلمنـــــــي
لاني بعلمك كيف اعشقكّ واخونك


تدري بخليك لين انك تذكرني
الوعد باكر عقب ماهم يخلونك

[الشاطئ المهجور]

[الشاطئ المهجور]

لاتصدقون .. العالم اللي يقولون
صحيح كم تحت السواهي / دواهي

هذي المحبه صدق , وابليس ملعون
ماهي محبة كوفي شوب ومقاهي

انبسطوا وعيشوا مثل ما تعيشون
الحب .. ما يلزم له آمر وناهي

تغير الواقع .. عن اللي تعرفون
كل ٍ بـ( نفسه ) تالي الوقت لاهي

[الشاطئ المهجور]

مادمت ماتقدر على الجفن ، يـانوم
رح علّـم اللي للســّهر علّقونـي
.
اللي رموني من طرف رمشهم يوم
طشّوا بعيــني ملحهم ..وتركوني
.
رح قل لهم : من حط بجفوني رسوم ؟
على مقابر طيفهم في عيــــوني !
.
يْصْدق علي ، ان قيل معطى ومحروم
معطى ، ومن بعد العطيّـة ، خذوني