[نوره]

بيض الله وجهك يا ذيبــ،ــان بس بقيت اسأل سؤال كيف اسوي توقيييع يا الغلا ...

[نوره]

انا معجبه بشي اسمه ذيبان

[ذيبان الرشيدي]

أختي الكريمه
نوره
اشكر لكي جمال ثنائك وإطرائك
وحياك ربي

أما
بشأن إستفسارك

فيمكنك الذهاب
إلى
لوحة التجكم
ثم الضغط على ايقونة تعديل التوقيع
وسوف يظهر لك صندوق التنسيق
وسلامتك
على الله

...

اهلاً هلابك .. ياصديقي وحياك= في منزلٍ .. بين الحنايـا وظاهـر
اقلط تفضل .. يا الخوي لاعدمناك= في وسط قلبٍ .. ماأخلفته المظاهر

[ذيبان الرشيدي]

الوقتْ قَصّر .. والسهر صار ماكر= والليل ودع .. صاحبه يا الكحيله
والصبح جَوّح .. وأدبر الحلم ناكر= والقلب هتانه .. تكاثـر قليلـه
الا يا بعد بندر .. وصالح وشاكر =والليث الأبيض .. والوطن والقبيله
جيتك مقفي .. والوعد معك باكر =مابين .. حوبات البيوت الجزيله

[ذيبان الرشيدي]

.....

ياهنوفٍ غطرفت .. والليل هتانـه طويـل = ماحسبتك .. تجرحين اللي تغشاه العـذاب
فارقي .. واستفردي .. عن خافقاً حظه قليل = وأستظلي ليلك المقفي .. ومغشاب السحاب
أرقدي وأستامني .. مابيـن زفـرات العليـل= وأن بغيتي لاعبي حزنه .. وميـلات الغيـاب
صاحبك .. ماعادله قلبٍ بغطرافـك يميـل= ولا يهزه بارقٍ لَـوّح .. وفَقَـدّه الصـواب
شان وقته .. واختلابه طـارشٍِ دمـه ثقيـل= وشر مايضحكه .. عاشق كبه الصاحب وتاب
وأن بغا .. وَردّ المشاعر .. ماجلبها بالصميل= ساقها واجتابها .. واشتالها فـوق الركـاب
طالها يوم العرب .. نوماسهـا قفـى ذليـل= وأحتفاها قلبه المقبـل .. ووثقهـا كتـاب
وأنتهتبه .. ميلت الدنيا .. على راس الطويل= يبدي اشعاراً تحلاها .. ولايحسـب حسـاب
قلتها واقولها .. والشعـر مشرابـه يسيـل= من همومٍ .. تارد الجمه ويدميهـا سحـاب

..
.
ذيبان

[ذيبان الرشيدي]

ذيبان

ابك الظروف القاسيه .. روحتبي = وابكت خفوقٍ .. ضكه الوقت وارتاب
يا كم .. هدت ذيبها وأرثعتبي = وأقفيت أبادل .. ذيبها ضيق وعتاب

[كاتب الرشيدي]

نتعب على كسب الجمائل ولوكان
........ يلحق خطانا من عنا الوقت عايق

[ذيبان الرشيدي]

صح الله اللسانك
يا
كاتب
لاتحرمنا جديدك الجزل المفيد

أثرك تسـلا .. بيـن ذولا وذولاك =وتحوس مع هذا .. وتنسى هذاكـا
قلبٍ توطيتـه .. وقلـبٍ توطـاك =وشعراً حدر جوك .. وشعراً خذاكا
في مجمل الوضعين .. بانت خطايـاك= وخلك على وضعك .. وريحة شذاكا
وأسمع نصيحه .. سقمها مابعد جاك= لعلهـا تقطـع .. وتنهـي وذاكـا
لا تحسب أني .. غافلٍ عـن نوايـاك= أحذر حذاري .. ياالغضي لاتذكـا

..
.
ذيبان