[النمر1012]

انهل مسباح لولوها وقلت امكنه
ومن غير ماخطي بديت بكلمتين اعتذار
بين الشفايف كلام التوت يامزينه
فيها حيت حمرة الياقوت عقب انتظار
اصعب من المستحيل اهون من الهينة
ابعد من الحلم واقرب من طموح الصغار
مافيه قلب تلفتله ولا تفتنه
لامرته والخطاوي بين نار وشرار

[ذبحني غروركـ]

يكفي تقول ابغيك واقول لك هااااك..

واعطيك ( انا ) شف وش كبر ذا العطيه!!

[النمر1012]

مريت مدهال غالين وتعديته
الله يسامح خفوقي وين وداني
رديت قلبي وعيني طالعت بيته
وتسابقوله من اللي يسبق الثاني
ورجعت رجعة اسير ضيعو صيته
بجيوش حزني وانا اللي جيشي احزاني
وصلت بابه وقبلته وحييته
يقول ياعاشقي ماشفت سكاني
لو ادري انه بينشد كان ماجيته
جيته ببكيه بطعوني وبكاني
انا احسب انه نساني يوم خليته
طول غيابي وقلت اكيد ينساني
قال انت غالي وذا قلبي تمثنيته
ياذكرياتي ويابوحي وجدراني
هنا تزاعلت مع غاليك وارضيته
وهنا كتبتو اساميكم على اركاني
هنا قصيدك عن اول يوم حبيته
وهنا عبثكم مع وردي وبستاني
وهنا اعترف لك بغلطاته وظميته
وهنا كتب لك وقال اقرا على شاني
وهنا مكانك ذرفت الدمع وارهيته
وهناك عم الظلام ونام باجفاني
يالبيت يالسور ياحلم تمنيته
لاجاك قله سأل عنك ووصاني
حاولت اكنه بصدري بس ونيته
حاولت اغنيه للمنفى وغناني
فديت ضحكه اليامني تقهويته
فديت جمر يعضه لاتحداني
فديت شلال لاحدر تلقيته
لاحدر اقصاه جاب اقصاي والحاني
دخيل موعد اليامني تحريته
دخيل خده ولونه لون رباني
دخيل جيده دخيل العقد واغنيته
دخيل خاتم عليه اسمي وعنواني
دخيل صوته اليانادى ولبيته
اقصد بشالى ومنديلي وفستاني
اسف انا شقلت عن بيت تعديته
الله يسامح خفوقي وين وداني

[ذبحني غروركـ]

بالأمس كنا صغار و نلعب الطيره
نطرد بعضنا من غرفه ليا صاله

تغير الحال جعل الأمر به خيره
تذكرت أنه كبر و الشوفه محاله

[نوماس5]

حرام اعيش في شوق وحيره
سكنت القلب واصبح من حلالك

[النمر1012]

يوم جتني قمت ادور عن كلام مالقيته
مالقيت الا القصايد قلت تبشر في سعدها
امتلى صدري قصيد وشرع الخفاق بيته
وتفتخر باللي كتبته لانشدها من نشدها
علمتني كيف ببني حلمها زين وبنيته
علمتني كيف اواجه عينها ليلة وعدها

[(*العرعري*)]

اظن الوجيه البيض ماتقبل السود
لكن الجبل دونه تحول الأفاعي

[سعد عبدالله]

من زمان اكتب على شان تقرا من زمان
بس ماشفت المكاتيب جابت همها



جمعه مباركه ياحلوين