[جفاا]

للحين ( عطرك )
تحتضنه .. كفوفي ..

اللي رغم انف الجفا
.. تهواك !!
تصرخ علي لا مر زولك ..
شوفي .. هذا ( شبيهه )
بس هو : خلاك

[جفاا]

كل الطواري تنادي ضحكتي
إبــــكي!
وكل الأماكن تسولف ليه
ناطرتك!

ماكان لازم احبك وانت
مو ملكي
وما كان لازم أضـحي وانا
خـــاسرتك*!

[جفاا]

انا حزنك
و انا مثل النعاس
اللي نسى عمره
على جفنك
و انا مزنك
متى ما جفّت عروقك
اجي كلي وسط حضنك
قصيدة
و أحفظك
ما دمت انا قافك
و انا وزنك !!

[جفاا]

أكبر جروح الزمان ..
بقربك إلتأمت ... إنت اللي العمر
ماهو شي من دونه ..

[جفاا]

أنا صديق أهل السهر والأُمنيات ,
متى تصير بكل ليلة صديقي ؟!

متى تجمّع لي الزهر و الأُغنيات ؟
تحسّ بي ! وإلا نسيته طريقي ؟

[جفاا]

تنهيدتين و أُف
حبّة صُداع و ماء .!

أتذكّرك و تخف :
تكشيرة الأجواء !

ودّي أشوفك حرف
قصّ المسافة يا ...

لا تعتذر بالظرف
كرّهتني بالــ( لا )

[جفاا]

زمان كنت تحسّ !
أنزف / و تقراني

ما تبتسم لي بس !
تستعذب ألحاني ..

تفهم عليّ لو همس
ما تجهل أحزاني .!

واليوم مثلي أمس :
حسّيت بـ أشجاني ؟!

[جفاا]

إنت كيفك ؟
ياللي أوفى منك طيفك
جيت تسأل كيف حالي !
حالي طيّب
وكل جرح منك طيّب ..
ولا تحاتي
دام صوتي مانده لك
لا تجي وتسمع سكاتي ..