[النمر1012]

انت تامر على قلبي وعمري سوا
ليه تطلب حبيبي ؟ ! وانت تأمر أمر
لو بالاصبع تأشر كل غايب ضوى
أطلب الشمس حاضر وان بغيت القمر
بس لا قلت ابا ارحل قلت مالك لوى
لان غيبتك عني صدق موت(ن) حمر
ما اتحمل غيابك لو غيري قوى
ايه صعبه كثير وعندي ادها وامر
كن فالصدر لامن غبت ذيب(ن) عوى
يجتول ما تقول الا ان تحته جمر
طالبك لا تروح وصاحبك مارتوى
اشبعه شوف حتى ان الغلا يستمر
وأبشر بحب مخلص عالي المستوى
من سحابة فؤادي يرعد وينهمر
يروي اشواق قلبك يوم قلبك نوى
يحضن اشواق قلبي ياطويل العمر
وهاك قلبي وعمري كلبوهم سوى
لا تشاور عليهم وانت تأمر أمر

[النمر1012]

واستسمحك يالغاليه بسـم الاسـلام
ومبدأ الأدب والمرجلـه والحشيمـه
ابا اعتذر عذر الفخامـه والاكـرام
للشاعر اللـي لـه معـزه وقيمـه
بندر ولد عمـي وانـا درع وحـزام
اموت مـوت ولا تجيـه الهزيمـه

[SaRoOnA]

كل يوم أجلس على جـال البحـر وأقـول تـوّي ....
لاسألني : مافقدت الحلـم فـي لمسـة يدينـه ؟!



مادريـت أن البحـر ماقـال لأمواجـه تــروّي !
و مادريت أن الغـرق هـو حجّـة غيـاب السفينـة


مادريت .. أو مابغيت أدري .. ولاأدري وش بسوّي
لو رجعت .. وشفت طيفك فـي الممـرات الحزينـة


وين ابنسى وانت طيفـك صاحبـي مـدري عـدوي
مارضى يترك لغيـره شبـر واحـد فـي المدينـة!!

[ولد الشرقية]

وقفي نبكي على الماضي سوى..وقفي ننعى سوى حب العمر

[النمر1012]

تبيني هلابك مرحبابك على الموجود
على قد حاله كل شخصٍ ومقدرته
على جمرةٍ من سمر يمناك هاك العود
قبل دلتٍ فنجالها قبله أثمرته
مدامك تعنيت وتعرضت نقص وزود
وتوطيت لجلي داب الانشاب وشجرته
تربع على قلبٍ سكنته بدون احدود
وغلاك الحنايا ضمته لين كبرته
كتبتك قصيده .. لا.. قصايد بلا منشود
وخطٍ حمر دسته وبالقاف دمرته
تجاهلت قول اللي يحذر من المنقود
وتماديت حتى حاجز ......... كسرته
لك اسرفت بالمعنى وذعذع هبوب النود
وطير الحزن من فوق الاغصان طيرته
ولك ازلجت بابٍ قبل عرفك وهو مردود
يهزه هوى الغربي ولا يوم سكرته
تخالف به العالم وفودٍ تلاها أوفود
وليا اهتز قلبي لاح طيفك وصبرته
وذالحين دامك وقت في قلبي المضهود
خذه وافهم ان اعيونك السود دامرته

[وحيد]

ياشين الوقت من دونه وانـا قاعـد

ذبحني الشوق له من كثر ماله حنيت

انا الغلطان ومـا انكـر ولا اعانـد

واظن يكفيهم اني بغلطتـي حسيـت

أنـا حبيتـه والله عالـم وشـاهـد

ويمكن دون ما اقصد عليه أخطيـت

تعذرت وتعبـت أقـول مـو قاصـد

ولا عبّرني ( ما تسوى ) عليّ حبيت

[النمر1012]

صُبّي غرامك في بساتين روحي
حتى تبوح الروح بآخر قصيده
بانسى شقاء عمري ودامي جروحي
وابدأ معك قصة غرام ٍ سعيده
لحظة عرفتك صار شِعري يفوحي
بأحلى الوصايف يالغزال الفريده
ياجود عشته في زمان ٍ شحوحي
ياقلب ينبض والخلايق بليده
يالظبي الأعفر فيك غاية طموحي
ياسيدة هالقلب في يوم عيده
عليك قلبي من عنايه ينوحي
يطيب بك وان زاد نازف وريده
لو ينشرح عِشقي تطول الشروحي
يعيش به جدٍّ و يورِث حفيده
ماهمنّي من جاء ومنهو يروحي
مادام سِيْدَ البيض يزهى القصيده

[شداد المظيبري]

لاضاق صدرك والليالي تحدتك ,, إصبر عليها والصبر زين لو طال

لاتنحي للوقت وتروح هيبتك ,, وتموت بالحسرة ولو كنت رجال

وإحذر تدور عند الأنذال حاجتك ,, لاتقضي الحاجة ولاتستر الحال

وإحذر تبين لاقرب الناس سدتك ,, لو تزعله لحظة حكت فيك الأقوال