[النمر1012]

الي الجورييا زين يا حلو المعاليس
يا ريم سيد الخود لملاح


هيضت مابي ع القراطيس
من شوق ف المعلوق يجتاح


يا غير لا شوف وملاميس
ألا الخيال يمر سوّاح


يشبه نسايم صبح باريس
وين العطر والورد فواح


يزيدني شوق ونواميس
والود بين القلب مياح


كني وسط زفة معاريس
والناس في غيات وأفراح


وانته ع كوشة ود جليس
يا شمس نور الصبح وضاح


والكل فعيونك مراميس
والليل مرخي جنحه وطاح


دايم تناظر كالمحابيس
نظرة غلا في شفي أتلاح


جدواي شروات البرنسيس
أميرتي والحب قد لاح


أموت فالدعج المناعيس
وأعيش بين الطرف وارتاح


من فوقهن دارٍ مقاويس
ورموش مثل أحراب وارماح


ومهندٍ شروا الفوانيس
نبراسه المرموق مصباح


أحلى من هبوب النسانيس
والراح قام يصافح الراح


من بعدها زحنا المغاليس
والطيب هزّع غصنه فاح


هذا الخيال أيمر ويميس
فكري وعاش الحب مرتاح


بين القوافي والقواميس
نصبت خيمة غي وأفراح


يا غير لا شوف وملاميس
كالآل بس يمر سوّاح

[النمر1012]

الي الجورييييي
ياللي تدلل زيدني من دلالك
خلك تدلل زود لأنك دهن عود


واليا طلبتك شربتن من دلالك
يكفيني الفنجال ولا أطلبك زود


يكفيك قلبي من على الأرض شالك
يابو الخدود البيض والنعس السود


ويكفيك عين(ن) ماتدور بدالك
ياراس مال اللي يدور على الفود


ويكفيك مابه من يباهي جمالك
وكل العباد اللي يشوفونك شهود


ويكفيك لو تلمس يمينك شمالك
ملابسك من رقتك تصبح اورود

[ابو ريتاج]

يامدور الهين ترى الكايد احلى
................................ وأسأل مغني كايدات الطروقي
الزين غالي لكن الازين اغلى
...................................ولكل شرايٍ بضاعه وسوقي
النّو عالي والسما فوقه اعلى
....................................لى فاق علمٍ جاه علمٍ يفوقي
الصعب هلى قلت ياصعب سهلا
...............................دامك تبيني فأنت ياصعب شوقي
أحب عسف المهرة الي تغلى
................................وأحب اروض كل طرفٍ يموقي
وأحب اسافر مع سحابٍ تعلى
.................................واحب فوق الغيم لمع البروقي
واحب اساهر بدري الي تجلى
.........................وارسم شعاع الشمس عند الشروقي
يامن على ثاير فؤادي تولى
.................................خلّك على قلب الكرامه شفوقٍ
اكرم عزيزٍ بالعمر مااستذلا
................................يسوق عمره للمشاريف سوقٍ
اخترتك من الناس للقلب خلاّ
................................ ياحيثك مرادي وكيفي وذوقي
مارحت ادور كل زولٍ تحلى
................................لولاك تسوى ماعطيتك خفوقي

[عنقود البدو]

للي في بااااالي

أمااانة الله عليك ان غبت عن عيني

لايكـون قلبك مثل قلب الزمن جافي
مع كل دمعة تذكر .. رعشة يديني ..
ومع كل ضحكة..تذكر قلبـــي الوافي

[العريض]

للي في بالي

اعــود.. لـــه.. عـلــى بـعــد المسافه..مـهـتـوى وأجـيــه

وفناجـيـل الصـبـا.. مــن.. دلـــة.. الاشـــواق مصـبـوبـه

[عنقود البدو]

تـدري وش اللـي ذبحـني فيـني و أحيـانـي ..؟؟
إنـي أمـوت بغيـابـك وأرجـع أحيـالك....
و تـدري وش اللـي يحطـم عـرش سلطـانـي .. !!
إسلـوبـك العـذب بيـن الجـد .. و .. هبـالك

[النمر1012]

ورحل بالفكر وحروف القصيد لعالي الأوطان
ونزل في منزلٍ قبله ما أحد وصله ولا طاله
يقول الدار ملكي ما ينافسني عليها إنسان
وأقول الدار دارك يا حلاة الدار وأطلاله
وشدا بأعذب حروفٍ للهوى ويبادل الألحان
وحمس بنّه على جمر الضلوع وبهّر دلاله

[وحيد]

ياوردْ
من علمكْ تجرحْ ..!
الجرح ماهو من إطباعكْ ...}~
مغليك من شوفتك يفرح ../ هون على قلب ملتاعك ..!
لون المواعيد .. متغير ..!
الحزن في صوتك يحير ..{ ما عادك الصاحب الأول }~