[سعد بن عادي]

خـــــلاص .. مــاعـــاد تــعــنــي لــــــي ولاحـــاجـــه
زعـزعــت سـيـســان حــبــك .. وانــهــدم بــرجــه
قــلــبٍ يــضــخ الــغــلا لــــك .. وقــــفّ إنـتـاجــه
من عقب ماهو من إحساسك / نفض خرجه
أزرى يــــــدوّر مــــــا بـــيـــن ضــلــوعــك عـــلاجــــه
مــن كـثـر الإهـمـال صـــارت حـالـتـه حـرجــه !

[سعد بن عادي]

طال الغياب .. وصوت مرسال الغلا مامن مجيب
لـلـي دمــاره مــن ظـنــون الـوصــل لاسـبــاب الـغـيـاب
لوسقت ظنّي فيك .. يظلم درب ويضيق الرحيـب
لكن على بيض النوايا جيـت / كافيـك الجـواب !
حبّك غريـب الـدار .. والتوقيـت وإحساسـه غريـب
وأنـا غريـب يعـدّي الاحبـاب .. شرهـات العتـاب!!

[سعد بن عادي]

وأنـــت غـايــب كــنــت جــالــس بـإنـتـظـارك
وكــــان بــالـــي يـحـتـضــن مـلــيــون طـــــاري!
كيف كنت .. وليه رحت .. ووين دارك
وكـنـت أحــط الاسـئـلـه وأبـنــي حـصــاري!
عن ظروفك .. عن غيابك .. عن قرارك
وكنـت أخـاف أن الفـراق أخـر مـسـاري!!

[سعد بن عادي]

يموت الشعر في صدر الغريب وكل حرف ٍ مات
علـى قبـره يضحّكنـا شطـر مـدري يبكّينـا
تخيّر فالدروب ولاعرف خيـر الـدروب ايـات
مايـدري انّـا نعـوم ولالقينـا ساحـل ومينـا
نعيش ومشكلتنا مثل حرب الصـرب للكـروات
ياكبر المشكلـه لـن صـار حامينـا حرامينـا

[سعد بن عادي]

المجامل سماجه والتصنـع مـرض
والمعافى من حقوق الاوادم حضيض

ياهل وادي نمار وياهل وادي حرض
كل شيٍ على قول المثل له نقيـض

نعمة الدين غايه والمصالح غـرض
وقيمة العافيه يعرف ثمنها المريض

[سعد بن عادي]

اللهم ارحمه فوق الارض وتحت الارض ويوم العرض عليك . اللهم قه عذابك يوم تبعث عبادك .
- اللهم انزل نورا من نورك عليه
- اللهم نور له قبره ووسع مدخله وآنس وحشته
- اللهم ارحم غربته وارحم شيبته
- اللهم اجعل قبره روضة من رياض الجنة . لا حفرة من حفر النار
- اللهم أغفر له وارحمه واعف عنه واكرم نزله
- اللهم ابدله دارا خيرا من داره . واهلا خيرا من اهله . وذرية خيرا من ذريته وزوجا خيرا من زوجه وادخله الجنة بغير حساب . برحمتك يا ارحم الراحمين
- اللهم انقله من ضيق اللحود ومن مراتع الدود الى جناتك جنات الخلود لا اله الا انت يا حنان يا منان يا بديع السموات والارض تغمّد ( أبي ) برحمتك يا ارحم الراحمين
- اللهم اطعمه من الجنة واسقه من الجنة واره مكانه من الجنة وقل له أدخل من أي باب تشاء
اللهم ان ( أبي) في ذمتك وحبل جوارك فقه من فتنة القبر وعذاب النار وانت اهل الوفاء والحق فاغفر له وارحمه انك انت الغفور الرحيم

[سعد بن عادي]

الطيب طيب السريره وانتبه يانبيه
لاتنخدع واتحداك اضنون نفسك حدي
ماكل من قال له علم ٍ يبا يحتميه
ولاكل من حج يذبح فالمشاعر فدي
لكن عندي كلام ٍ وفيه راي ٍ وجيه
اوصاني ابوي به وأوصي عليه اولدي
لاتستمع في هل النمّه وحكي السفيه
من جاك يمشي بنمه راح عنك ايعدي
ياشين بعض العلوم وقبح بعض الوجيه
اللي تحدّك تردّا لو منت ابردي

[سعد بن عادي]

يالله ياعضم من سئل والطف من الاب الرحوم
ياعالمن ماتبدي الانفس وما تخف الصـدور
يارب انا ماني عن الزلات والذنب إمعصـوم
عدو نفسي والهوى له دور والشيطـان دور