![]() |
|
خيارات الموضوع | ابحث بهذا الموضوع |
|
انت ياللي قلبك اسود وديكورك جميـل
مهنتك ماهيب مهنه ولاتبحث خفـاي قل::وانـا ماظايعلـي كثيـر ولاقليـل دام قدمي ماتكلم تكلم في قفـاي اعرف اني ما لتفت لو تحط ولو تشيل نضرتي فالدرب قـدام ماطالـع وراي نضرتي في نجمة الجدي والا في سهيل واوزن الكلمه ليا قلت واثبـت خطـاي مستحيل الد عينـي لمثلـك مستحيـل واحدٍ لاهوب همي ولاهـو مستـواي |
|
طال انتظاري لك .. على كرسي الوقت
والجو قارس ..والثواني .. متاهـات أغفي على همّي .. وبي خوف لافقت ألقـى الظـلام ..يعانـق الاتجاهـات والموت كله .. يابن الاجواد لا أشتقت عند النهايـه .. والبدايـات ماجـات |
|
هـو قلبـي اللـي بكـى ولا عيونـي بكـت !!
والله مــدري .. !! ولـكـن مــا تمنيتـهـا صديـت خايـف أبيّـن ضعـف نفـسٍ شـكـت وتطيح .. !! من بعـد مـا هـي ذايـعٍ صيتهـا سكت .. !! وقلبي يسولف بالوجـع مـا سكـت يعنـي كـذا .. بيّنـت مـن راس منشيتهـا !! الضيقـه اللـي علـى صـدري وقلبـي ركـت جتنـي هـي البارحـه مـدري أنــا جيتـهـا لا شفت يا صاحبـي نفسـي مـن الهـم شكـت لـد النظـر وسـوّ نفـسـك مــا توحيتـهـا ولا تنقـد الدمعـه اللـي فـوق خـدي حـكـت قطره .. !! ووسط البحر ... من ضيق صبيتها !! |
|
الرجل ماتلحقه في نفسـه الشكّـه
والحر قبل الدخول يشوف مخراجه والصحبه اللي من المجلس ليا الدكّه أبيعهـا بيعـة المحتـاج للحاجـه |
|
|
احسـد النـوم لا عـانـق هـذيـك العـيـون وخمـهـا خـمــة المـشـفـق وإهـــي جـافـلـه اقتحـم رمشهـا واجتـاز ســور الجـفـون وانـــتــــهــــز فـــرصــــتــــه يــومـــنـــهـــا غـــافــــلــــه قـط معـهـا الميـانـه وإلا هــو مــا يـمـون غصب عنها فرض حبه وإهـو نافلـه إن بغاها ضحى وإلا عقب يمرحون مــــاخـــــذٍ راحــــتـــــه وأنـــــــــا مــــعـــــي قـــافـــلــــه |
|
مال الجروح الموجعـات الا الصبـر ياسيّـده
لو انها تنزف غيابك هـمّ واشواقـي دمـوع ماعاد في صـدري ولا عـرقٍ بحالـه جيّـده تلخبطت على بعضهـا شمعدانـات وشمـوع خطاك صدّع قصرنا اللي مـن زمـان نشيّـده اللي بنيناه بتفانـي مـن ربـوع الـى ربـوع واللي رسم حزن الملامح يـوم جـات معيّـده مسؤول عن دم الضحايا من ورى عوج الظلوع أما أنـا ماسـك علـى قلبـي كـذا ومقيّـده مابين زفرات الغياب وبيـن نـزوات الرجـ وع |
|
شان وجه الوقت .. ويدين الزمن ملقوفـه
تسرق أيام العمر والحلم .. ذيبـه عـاوي ما بخل بحـر الهمـوم بجـوده ومعروفـه قامـت امواجـه تميّلنـي وانـا متسـاوي الجـروح اشيـاء لا تٍخفـى ولا مكشوفـه والصدر ماجاه من كبر الجـروح امـداوي كلّ ما اطرب للزمن قامت علـيّ ظروفـه لين يطويني عن العالـم وناسـه طـاوي وابتدي رحلـة ظـلام ابوابهـا مردوفـه واتبشّر في صباح اللـي جبينـه ضـاوي كلّ ما اذكر بخل خصره .. عند جود ردوفه أقسم ان ماله شبيـه ومـا معـاه امخـاوي ما خذت تفّاحتيه .. ألا ضمـر سرجوفـه لي هنا والوصف متعدّي خيـال الـراوي ضاق صدر البعد وعيون الوصال تشوفـه والبـلا نظراتهـا لا ترحـم ولا تــاوي من يقول ان المقفّي ما عليـه حسوفـه .؟ قلت ما لوّى ضلوع الشـوق عنـدك لاوي |
يتصفح الموضوع حالياً : 4 (0 عضو و 4 ضيف) | |
|
|
![]() |
||||
الموضوع | الكاتب | القسم | الردود | آخر مشاركة |
إهداء لكل رجل ! | كبرياء امراة | المنتدى الأدبــــــــــــي | 8 | 26-06-2013 09:54 PM |
إهداء إلى كل شخص عزيز | مناورالعويمري | المنتدى الإسلامـــي | 24 | 11-12-2012 09:14 PM |
سائق يترك معلماته على قارعة الطريق بعفيف | عليان علي | المنتدى الإعلامــــي | 8 | 15-02-2012 01:14 AM |
إهداء إلى ولد الجزيرة .....~{ | الغريبة | منتدى الصوروالفيديو والسفر والسياحه | 9 | 30-11-2009 09:54 PM |
إهداء لك رشيدي | شاعر حرب | منتدى الشـــعــــر | 16 | 24-06-2008 09:19 PM |