[بنت الوهيداني]

شفت صورتك وردت الروح فيني
وشلون روحي لو تشوفك حقيقه؟🙊💜

[عــز الأكــابر]

لاتعتذر مال الهجر منك تبرير
صدك بليا ذنب والله ظليمه
ماصارلي بعدك يفوق اي تصوير
تجددت كل الجروح القديمه

[الشاطئ المهجور]

ما لـ الزمن في حزنك و فرحٺك راي
عش يومك و قلبك بــ الاقدار راضي
واللي يقول الماضي احلى من الجاي
قل له : مصير الجاي بيكون ماضي

[كبرياء امراة]

لا تبتسم وأنت تخفي دمعة عيونك
واضح عليك الحزن والجرح والحسره
من لايصون الغلا لا يمكن يصونك
بعض الحزن لو خفيته تفضحه نبره

[الشاطئ المهجور]

جيتك سوالف حب باسلوب مشتاق جيتك بعد مافاض قلبي من الشوق

[بنت الوهيداني]

تقرا و تترك الرساله بلا رد
وانا مشغول تفكيري بردك
انشهد ان الغلا ملعون جد
هذا طبعه على ناره يحدك

[الشاطئ المهجور]

الوقت هب وساقنا في مهبه.. واغيب وارجع والمشاعر معاكم

[بنت الوهيداني]

اخفي غلاك و فاضح الشوق يعلنك
واشتاق لك من قلب صادق و نيه
مشاعري في كل نظره تكونك
عشق و غلا واحساس حب وحميه