[سعد بن عادي]

كان الصقر حام والا الصقر ماحامـي
شهادتي فيه .. مجروحـه ومنسمّـه

ياداعي النفس .. لاتوقف على انسامي
الله يشفي الجروح ويكشـف الغمّـه

مابين حظن يقوم .. وحـظ ماقامـي
تموت الاحلام لو ماعاشت الهمّـه !

لو ان هداج مايروي ضمى الضامـي
ماكانت الناس في هـداج مهتمّـه ..


الضبع يفطر على الرمّه ولاصامـي !
والذيب لو جاع ماياكل من الرمّـه ..


ماكل شيخٍ نعـده شيـخ الاسلامـي
لو يسرق البشت والا يسرق العمّـه

[سعد بن عادي]

وقّف فديتك بلمح الخوخ والتوت
عذّبت عيني بين روحه وجيّه
تقول معْك لعين مغليك ريموت
عيني عليك وعين غيرك عليّه
عدّا سحر عينك على سحر هاروت
بعيونك أقوى قاعدة جاذبيّه
من زود سكّر مبسمك خطرٍ آموت
كن النحل حط الشفايف خليّه
زينك يعمْر بيوت ويدمّر بيوت
وابراح حبّك عدّت الفيصليّه
قلبي على يمناك في جوف تابوت
يمّا نجا وألا عليه التحيّه

[سعد بن عادي]

سويّت قرعه بين وصلـك وفرقـاك
ورست على فرقاك .. وإلا ّ أنت غالي

[سعد بن عادي]

لا تحسب ان الهوى ماعاد يعنيني
مادام للدين وازع .. للغلا وازع

مهما ومهما ومهما غبت عن عيني
تأكد انك بـ( قلبي ) مالك منازع

[سعد بن عادي]

حكم ضميرك حكمة العااقل بتحكيم الضمير
وسدد وقارب واللعن الشيطان واسمع مايلي
ان الكبير بهيبته يبقى على خبـرك كبيـر
وان الصغَير ماتكبره المناصـب والحُلـي

[سعد بن عادي]

حزني عليك أكبر من دمـوع عينـي
هذا السبب لا قلت لي ليش ما أبكيك؟!

[سعد بن عادي]

يا سيدة فصل الخريف وسيدة فصل الربيـع
لا والله إلا سيـدة كـل الفصـول الأربعـه
كل الفصول الأربعه مرتني البـارح جميـع
في هيئة 12 شهر جات السنـه متوزّعـه
مر الشتا برد وتساقط ثلج ورياح وصقيـع
والبرد قارس والثياب اللي علي ما تمنعـه
حاولت أقاوم برده القارس حسب ما أستطيع
والثلج يطفي ضو نـاري والريـاح تولعـه
ما حيلتي وأنا بلا مأوى ولا حصـن منيـع
والأرض صحرا والرياح الموسميه موجعـه
حب الحياه أرغمني أبقى حي فالوضع الشنيع
والحر لولا رغبته فالعيـش مـات ببرقعـه

[سعد بن عادي]

وزن الأمل فيني .. ولا ( واحد اجرام )
ومقدار عزمي .. ثّـور أقسـى قريحـه
( خبرة ثمان اسنين ) .. في موت الأحلام
أستقبلـه حلمـي .. وأجهـز ضريحـه
أنام أودع حلـم .. وأصحـى ولا أنـام
أقص أثـر حلمـي .. بعيـن ٍ جريحـه