[النمر1012]

لا يارفيق الدرب ياطير حوران
صاحبك فاح الشوق من وسط عينه
مادمت لي ربعً وصحبه وخلان
شرّع زهاب الهم وامسح جبينه
اطرد سراب النوم من صلب الاجفان
ماعادت انفوس الليالي رزينه
اسهيل له مده ترى بالسما بان
والصيف قفى والشتا مقبلينه
يالله تجيب الخير وتهل الامزان
عقب الجفاف الي عطشنا سنينه
واشوف خير الارض من كل الالوان
في روضةً حلت عليها السكينه
ويصب لك من صافي الكيف فنجان
منهو على الفنجان تسلم يمينه
يقولها الي صخّر الله له السان
بيح لك امن الود صافي كنينه

[كبرياء امراة]

بعض البشر لۆ كان ضاﯾق ۆطفشان
تلقاھہ ﯾضحک لک ۆ لۆ ضاق بالهہ
عندھہ مثل ما عندنا لكن ،، انسان
ﯾضحک مع العالم ۆﯾبكي لحالهہ

[النمر1012]

لا تـشـيـل الـهــمِّ يــا زنــدي وسـنـيــدي
دامــة الـعــزوة مــن أخـــوال وعـمــامــا
فـإن غــدى حـظِّــك تـبـاشـيــرٍ وعـيــدي
فـالـظـفـر بـالـسـلـم هــو غـايــة مـرامــا
وإن جـنـى وقـتـك وصــار لـكــم ضـديــدي
فـالـعـزاء فـي الـشـمـس تـجـلـي لـك ظـلامـا
والـصـلاة عـلـى الـنـبـي خـتـمـة نـشـيــدي
والـرجــا بالله فـــي حــســن الـخـتــامــا

[راسبه بالحب]

احلى من السكر على كبد مغليك
ياللي من اسلوبك ع الروح هيمنت
الناس واجججد لكن القلب هاويك
وعين الغلا محد جذبها سواك انت

[سند الداموك]

تاخذني الذكرى و تاخذ ضلوعي
وأتذكر إني كنت في يوم جنبك

يطري علي شطر يهيض دموعي
أيام حلوه كانت أيام حبك

[راسبه بالحب]

لوّ نطاوع حزننا جدًا نضيع
ولوّ نطيع أحلامنا و الله تعب
رتب أحزانك و أحلامك جميع
و لمها بـ دعوه لـ ربك مُو صعب☺️

[النمر1012]

اقلط ولـك بالقلـب دلـه وفنجـال
واقدع غلا من ضم عرقـك لعرقـا
مرباعك بصدري بختـري ومقيـال
فيها الخزامى والحرفـرف ولِرقـا

[كبرياء امراة]

‏حي الله اللي يعشق الشعر مثلي
و يسعى ورى كل المعاني الجميله

و أليا لقى له بيت محكم و أصلي
من فرحته في وسط قلبه يشيله